كانت مباراه للمتعه فقط !

[محمود الصاروخ]

السلام عليكم ورحمه الله وبركاته

يوم السبت اللي فات كانت مباراه العوده للزمالك امام النجم الرياضي الساحلي !
كان يوم ممتع جدا بالنسبالي و حبيت اعبر عن اللي حصل ف اليوم ده
معايا وده طبعا بعد اذن الجميع

في البدايه اكتر حاجه بتسبب ليا القلق وبتخليني حاسس بالضياع
وقت ما يكون معايا معاد مع مباراه عنوانها للمتعه فقط !

بالفعل وقت ما يكون ده عنوان المباراه
عمري ما يهمني مين الفريق اللي بيلعب
ولا عنده كام بطوله ولا مين اللي هيلعب فيه !

بمعني أصح بعشق جميع الوان كرة القدم

هتكلم عن يوم السبت اللي فات !
زي ما الكل عارف كان موعد مباراه العوده للزمالك امام النجم الساحلي
وبعد ان خسر الزمالك في تونس بخماسيه مطلوب منه الفوز برباعيه في المباراه دي !

متعود أتفرج علي ماتشات الزمالك تحديدا ف البيت لوحدي
وبعيد عن أي حد عشان موضوع التعصب للزمالك وكده

ولكن

صديقي بعت لي رساله ع الفون قبل الماتش ب ساعتين !
ماتيجي ياصاروخ تتفرج معايا ع الماتش
وانا اضمنلك ان الزمالك هيعمل ماتش تاريخي

فكرت ف الرساله وقولت طب ليه مروحش ؟!
وخصوصا ان انا عاشق لكرة القدم وممكن اسافر ليها بلاد
وأكبر همي ان اعيش سهره كرويه ممتعه وجميله حتي لو ليله أو أقل من ليله

ولكن مالها من ليله !
انها ليله وسهره كرويه جميله هشوف فيها زمالكنا !

بالفعل قررت أروح لصديقي أتفرج معاه ع المباراه

أخيرا وبعد طول انتظار بدأت مباراه الزمالك و النجم الساحلي في القاهره
يا الله ما الذي حدث طوال الـ 90 دقيقه !

عند الدقيقه الـ 5 من المباراه شعرت بالحزن
لان الحكم طرد مدافع الزمالك علي جبر
وقتها قولت بان المباراه هتضيع مننا
ووارد جدا ان الزمالك يخسر بنتيجه قريبه من ماتش تونس !

ولكن الزمالك أبهرنا جميعا في هذه المباراه
عيني بدأت تستسلم لإغراء الزمالك
بالفعل ازاي ماستسلمش وانا بشوف الزمالك بهذا الاداء الرجولي !

الجبهه اليمين فيها دبابات زملكاويه اصيله
أما الشمال عباره عن صواريخ بعيده بتفرم النجم الساحلي
اما في الوسط عباره عن ذكاء وعطاء للزمالك
اما دفاع الزمالك كان متألق و اداءه أكتر من رائع

الزمالك من الدقيقه الـ 5 اللي الدقيقه 75 تقريبا
بيلعب وهو مطرود منه لاعب !

ولكن

شعرت بالفخر في اليوم ده !
الزمالك قدم كرة قدم حقيقيه وقتال طول الـ 90 دقيقه
الزمالك قدم كرة قدم من غير فلسفه ومفيش فيها تعقيد
الزمالك قدم كرة قدم سهله بس في نفس الوقت صعبه

بدأت ابص في الوقت لقيت المباراه وصلت للدقيقه 75 !
والزمالك متقدم ب 3 اهداف وباقي هدف ونصعد للنهائي

الزمالك يبهرنا جميعا ويلعب بمستوي فوق الوصف
صرخت بأعلي صوت وانا مع صديقي

أي جمال ؟! أي ابداع ؟!
كم انت كبييييييييير يازمااااااالك

يا الله !
الوقت بيعدي والنتيجه لسه 3 للزمالك وعاوزين هدف كمان
بدأت اصرخ تاني وتالت ورابع

يااااااااارب ياااااااااارب
باقي عن الحلم هدف يااااارب

ولكن ربنا مكتبش الهدف الرابع للزمالك !
خلصت المباراه ب 3 اهداف للزمالك
خرج الزمالك من البطوله وكأنه البطل

بعد ما خلص الماتش قومت وقفت وصرخت تاني
ان كان للمتعه عنوان دايما هقول الزمالك

خرجنا من بطوله الكونفدراليه
بس في اليوم ده حسيت بالفخر اني زملكاوي
خرجنا وكأننا ابطال !

بدأت افكر في البطوله اللي ضاعت فكرت كتييير وكتيييييير جدا

بس رجعت وقولت لنفسي !
احنا أبطال مصر عن جداره دوري وكاس
وخرجنا من بطوله

طب ايه المشكله ؟!
هيكون لينا لقاء تاني في البطولات اللي جايه
وزمالكنا هينافس بكل قوه !

حبيت أحكي اليوم اللي حسيت بيه بالفخر وأخر كلمتين هقولهم

أقسم بمن عز شأنه
سأبقي زملكاويا حتي لو لم يتبقي من الزمالك الا اسمه
فمجرد أن انتمي بعواطفي اللي الزمالك فهذا في حد ذاته شرف لي
وسيتغني به أولادي في المستقبل علي مدي الايام وسائر السنين

يكفيني فخرا بأن اكون زملكاويا
يكفيني فخرا بأن اكون زملكاويا

شكرا لكل من ساهم في اسعاد جماهير الزمالك هذا الموسم
جماهير الزمالك الاوفياء - الاوفياء فقط

حبه بالعاميه اعبر بيهم عن اللي جوايا
وحبه لغه عربيه اتكلم بيهم عن زمالكنا


كان معكم
محمود الصاروخ
من أرض المنصوره عالميه

[فداااااااااااء]

والله الزمالك هيخوتك هههههههه

الزمالك قدم مباراة حلوة وتحسب ليه لكن فى النهاية الواحد لما بيأدى الشيئ بشكل جيد وما يحصلش على النتيجة اللى ترضيه بيكون الامر محزن

مهما كان النهاية هى هزيمة

زى بالظبط الاهلى ادى اسوء مباراة لكن اتهزم

يعنى اللى لعب كويس واللى لعب وحش اتهزموا ودى نهاية المباراة ههههههههه

نقلناها لكم من استوديو بنات مصر ههههههههه

[واد حبيب]

هوه انت هتشجع الزمالك ولا بتعشقها؟

[۩۩ elMagic ۩۩]

انت بتعشق ام الزمالك امحمود
طب عايزين نفرح بيكوا بقى امعلم
هو كلمه حق الفريق لعب ماتش العمر يوم السبت وعمل شغل حلو
استمروا بقآ
تسلم لموضوعك

[محمود الصاروخ]

اقتباس المشاركة الأصلية كتبت بواسطة فداااااااااااء والله الزمالك هيخوتك هههههههه الزمالك قدم مباراة حلوة وتحسب ليه لكن فى النهاية الواحد لما بيأدى الشيئ بشكل جيد وما يحصلش على النتيجة اللى ترضيه بيكون الامر محزن مهما كان النهاية هى هزيمة زى بالظبط الاهلى ادى اسوء مباراة لكن اتهزم يعنى اللى لعب كويس واللى لعب وحش اتهزموا ودى نهاية المباراة ههههههههه نقلناها لكم من استوديو بنات مصر ههههههههه

تفرق فداء
خروج الزمالك كان مشرف والجميع عارف كده بمعني اصح خرجو وكأنهم أبطال
اما الاهلي هزيمه يعني مش عارف أوصفها ب ايه
لان انا زعلان علي خروج الاهلي اكتر من خروج الزمالك
يالا خييير

[محمود الصاروخ]

اقتباس المشاركة الأصلية كتبت بواسطة واد حبيب هوه انت هتشجع الزمالك ولا بتعشقها؟

تعودنا نحن جمهور الزمالك علي الوفاء
والوقوف بجانب نادينا في السراء و الضراء

نحن جمهور يعشق الزمالك
بما تحمل الكلمه من معني

نورتيني ياريس

[فداااااااااااء]

اقتباس المشاركة الأصلية كتبت بواسطة مـح ـ الصاروخ ـمود تفرق فداء خروج الزمالك كان مشرف والجميع عارف كده بمعني اصح خرجو وكأنهم أبطال اما الاهلي هزيمه يعني مش عارف أوصفها ب ايه لان انا زعلان علي خروج الاهلي اكتر من خروج الزمالك يالا خييير

لا ما هى سنانك مبينة الزعل اوى

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ انت بتعشق ام الزمالك امحمود طب عايزين نفرح بيكوا بقى امعلم هو كلمه حق الفريق لعب ماتش العمر يوم السبت وعمل شغل حلو استمروا بقآ تسلم لموضوعك

الزمالك بالنسبالي عشق
الزمالك عمل ماتش يدرس في الروح القتاليه وعدم الاستسلام !
بمعني اصح انك تبقي خسران في الذهاب 5/1
وتؤمن بفرصك في التعويض والتأهل في الاياب

ويطرد منك لاعب في اول 5 دقايق وكل اوراقك تتلخبط
ومجبتش وره وفضلت تؤمن بفرصك في التأهل
وتقاتل لاخر ثانيه وتسجل 3 اهداف وتقترب من تحقيق التاهل
ده تقول عليه انه عمل بطولي

لنا لقاء في مقبل البطولات
وعلي درب البطولات نلتقي

منور أماجيك

[محمود الصاروخ]

اقتباس المشاركة الأصلية كتبت بواسطة فداااااااااااء لا ما هى سنانك مبينة الزعل اوى

بالعكس والله انا مش زعلان علي خروج الزمالك
للسبب اللي قولته

اما الاهلي حزين جدا علي خروجه بالشكل ده
وكان نفسي يقابل النجم ويحط عليه

نورتيني فداء

[Fatma eissa]

اهم حاجه انه قدم لعبه حلوه
ولعب كويس
وكفاية انه حاول الفوز
وان شاء الله تعوض
تسلم ايدك