اتكلم من غير كسوف أتضربت.ى قبل كدة

[ساحر الأحزان]

بسم الله الرحمن الرحيم

حنتكلم فى الموضوع دوغرى ويمكن موضوعى هزلى أو مزحى أو جادى بسى المهم أنة حصل ؟

معانا فى مراحل عمرنا من الطفولة للشباب للرجولة

هو الضرب عيب ولا حرام ؟

بنغلط وأحنا صغيرين بنكسر فى أثاث البيتبنعمل فى بعض مقالب

بنضرب بمب وشماريخ وصواريخ

يا أما نضرب بنت الجيران أو أبن الجيران بنتخانق على لعبة أو مين يلعب الأول؟

بنلعب فى الشارع وفى مدخل البيت وبيتقطع لينا هدوم وبسببهم أتضربنا ضرب

لما أتسلخنا مش الضرب برضة أصلاح وتهذيب زى الجيش ؟

فى المدرسة الواحد أيدة نملت من الضرب

كان عندنا ناظر فى الأعدادى وكانت معاة خرزانة منقيها على الفرازة ألى يجى متأخر عن الطابور يتضرب لما أيدة تطلع شرار وكنا مبسوطين وللكتب أكلين ...

ولا فى الكتاب وتحفيظ القرأن كان الشيخ محضر معاة شومة صغيرة حلوة كدة للى ما يحفظ

كان وقتها الحفظ لة طعم والتحصيل برضة

شوف بقى لما يكون عليك واجب وما حليتة وبنتظر الضرب

شوف بقى ابوك ولا والدتك لما كنتى او كنت بتعمل مشكلة فى البيت ولا فى الشارع

عاوز يحلها عشان ما يخسر الجيران يروح على طول مكربجك على قفاك ويحل المشكلة فى وقتها؟

أنا عن نفسى أتضربت من والدى أنما أمى لأء لأنها كانت بتعزنى شوية أصغر أولادها بقى ؟

وغير كدة يا حصل خناقات بين شلتنا وشلة أصحابنا يا على لعب الكورة

يا على مين يقعد فى التختة الأولى فى المدرسة

أية رئيكم

هل الضرب أصلاح وتهذيب ونتايجة حلوة؟

ولا خلاص فى عصر الفسافيس الضرب أنتهى وراحت أيامة؟

حصل معاكم قبل كدة؟

هل تؤيد منع ضرب المدرسين للتلاميذ أم تعارض ؟

ولماذا ؟

باب الموضوع مفتوح

بسى الكلام من غير كسوف

خلينا نستفيد من ضرب الأخرين

وما نغلط غلطتهم

تحياتى

[ندوشه 2011]

يااااه كتير لان كنت بشيل مواد كنت من الساقطين ههههه

[حـيـــــآة ❤]

بغض النظر عن (فسافيس)
ياما اتهريت قفيان من اخويا الحمدلله.
كنت انا وهو زي القط والفار
والدني اخر مره ضربني فيها افتكر كان زمان
كنت ف 5امسه ابتدائي
كنت نايمه ومش عايزه الي يزعجني اخويا الصغير جه يناجي عليا
ويغلس
روحت قايماله بزجاجة بارفان ورميتها ف وشه عملتله غمازه
عمري ماهنسى الموقف ده كانت علقه
ده ال فاكراه لابويا
بعد كده متضربتش لا
غير قفيان اخويا بئا والشلاليت
الله يحفظه ف مكانه بئا ..
بس بالنسبه للضرب الضرب
ممكن يكون مفيد لانه بيخلي الواحد يخاف ويجري ورا مصلحته اكتر ده بالنسبه للدراسه يا امجد.
انما مش الضرب ال هوا بئا
لا الضرب ليه حدود برده..
لازم ميبقاش مؤذي.. وكمان كتر الضرب بيولد الكره
بالذات لو سن العيل كبير
يعني ف نظري الشاب اما يوصل اعدادي ممنوع يتضرب والبنت برده
وده ال اتربينا عليه..
لانه بيولد عدم الثقه بالنفس وف السن ده بالذات بتبدا التغيرات الفكريه..
خلاص بئا شاب او شابه عيب يتضربوا !
هيولد ف نفوسهم كراهيه للي قدامهم ونظرنتهم للمجتمع بتختلف
لانه سن المراهقه والتفكير بيختلف..
.....
لكن الضرب عامه بيكون ليه فايده .. ومش لازم العقاب بالضرب ع فكره
ممكن عقاب معنوي بيبئا افضل وبيحفز افضل ومفيهوش قسوه كده
موضوع جميل
تسلم امجد
رغيت كتير عارفه

[.Lamar]

طيب و اللى مضربش خالص يعمل ايه

الضرب فى اسرتنا كان وسيلة مرفوضة تماما

بابا عودنى انا و اخوى ان الضرب دة اهانة

و ان عندنا كرامة لازم نحافظ عليها


كان بينمى فينا الثقة فى النفس اللى الضرب بيهزها

فذكرياتى مع الضرب نادرة و مع اطفال من عمرى

يعنى مرة كنت بالمدرسة و بنت عايزة تاخد الوانى بالعافية

يمكن هى فكرت انى وديعة ومش هقاوم

فزقتنى فانا شديتها من شعرها

وخبط راسها فى الديسك

اما بالنسبة لاسلوب الضرب فى المدارس

فهو اسلوب فاشل

من مدرسين غير تربويين اصلا

ولا مؤهلين للتعامل مع الاطفال

زى ما سمعنا كتير عن اطفال بتفقد حياتها

نتيجة العنف فى المدارس وللاسف مفيش رادع

بالنسبة للبيت فالضرب مش حل بالعكس بينشف الراس اكتر

فيه وسائل عقاب افضل و اقوى و اقل ضرر نفسي

موضوع جميل

شكرا ليك

[ندوشه 2011]

شاطره ياختي شاطره هههههههه

[Dr. AnOosHo]

حلوووووة الفكرة ساحر

انا اضربت مرة من بابا عشان زورت الشهادة

بس كنت بضحك معرفش ليه لانه كان شلوط وبعدها بابا رجليه وجعته هههههههههههه

بس دي المرة الوحيدة في حياتي

بالنسبه بثى للمدرسه لا محصلش وكان المدرسين بيخافوا مني لاني بعمل مقالب فبيجنبوني هههههههههههههه

انا ضد فكرة الضرب تماما لا مدرسه ولا بيت ولا اسمح لمخلوق مهما كان يضرب ابني او ابن اخويا مهما غلط

اسهل جدا نربي من غير الضرب والحمدلله اتربينا من غير ضرب

لان العيل خلاص حيتنح ويبقى عادي عنده يضرب .. لما تزعق فيه من غير ضرب كانك بتهرج معاه لانه اتعود يضرب

[Mind language]

بأمن جداً بمقوله

" العصى لمن عصى والحر تكفيه الملامه "

اضربت طبعا كتيييييير من المدرسين بتوع المدرسة
كنت بحسهم مستنيين ع غلطه وابوية ضربنى بالعصايه
قدام كل الطابور لانى هربت من المدرسه وكان هو المدير
ومره كسرت زجاج الدولاب الصينى ابوية كان هيضربنى
بالخرزانه بس امى خبتنى فى الاوضه اليوم كله عشان
ميشوفنيش اما امى فسلاحها المعتاد يا اما الجزمه يا اما
الشبب وعينك ما تشوف الا النور لازم يصيب نادراً ما كان
يفلت الكلام ده لحد اعدادى بعد كدا مشفتش حاجه تانى
بس الضرب اساس التربيه العيل مش هيفهم غير لو اضرب

[ندوشه 2011]

ناصحه ياختي هههههههه

[ساحر الأحزان]

اقتباس المشاركة الأصلية كتبت بواسطة ندي2011 يااااه كتير لان كنت بشيل مواد كنت من الساقطين ههههه

هو انتى منهم

يا شيخة قولى كدة من بدرى

[ساحر الأحزان]

اقتباس المشاركة الأصلية كتبت بواسطة ♥حيآة آلروح♥ بغض النظر عن (فسافيس) ياما اتهريت قفيان من اخويا الحمدلله. كنت انا وهو زي القط والفار والدني اخر مره ضربني فيها افتكر كان زمان كنت ف 5امسه ابتدائي كنت نايمه ومش عايزه الي يزعجني اخويا الصغير جه يناجي عليا ويغلس روحت قايماله بزجاجة بارفان ورميتها ف وشه عملتله غمازه عمري ماهنسى الموقف ده كانت علقه ده ال فاكراه لابويا بعد كده متضربتش لا غير قفيان اخويا بئا والشلاليت الله يحفظه ف مكانه بئا .. بس بالنسبه للضرب الضرب ممكن يكون مفيد لانه بيخلي الواحد يخاف ويجري ورا مصلحته اكتر ده بالنسبه للدراسه يا امجد. انما مش الضرب ال هوا بئا لا الضرب ليه حدود برده.. لازم ميبقاش مؤذي.. وكمان كتر الضرب بيولد الكره بالذات لو سن العيل كبير يعني ف نظري الشاب اما يوصل اعدادي ممنوع يتضرب والبنت برده وده ال اتربينا عليه.. لانه بيولد عدم الثقه بالنفس وف السن ده بالذات بتبدا التغيرات الفكريه.. خلاص بئا شاب او شابه عيب يتضربوا ! هيولد ف نفوسهم كراهيه للي قدامهم ونظرنتهم للمجتمع بتختلف لانه سن المراهقه والتفكير بيختلف.. ..... لكن الضرب عامه بيكون ليه فايده .. ومش لازم العقاب بالضرب ع فكره ممكن عقاب معنوي بيبئا افضل وبيحفز افضل ومفيهوش قسوه كده موضوع جميل تسلم امجد رغيت كتير عارفه

باة انتى شريرة بقى ؟

وأنا كنت فاكرك طيوبة

على فكرة أنا ضد فكرة الضرب الهمجى

لأن كل شىء بحدود

بسى لو لاحظتى أيام العصا

خرجت لينا علماء

صعب أنهم يتعوضو

غير حاليا عصر النت والبلاستيشن

مش ملاحظة الفرق برضة ؟