الحلقة الاولى من برنامج عيشها صح "الموسم الثالث"

[۩۩ elMagic ۩۩]

السلام عليكم ورحمة الله وبركاته إن شاء الله دي اول حلقة من الموسم الثالث لبرنامج عيشها صح سلسلة عيشها صح انطلقت من 2012 ومستمره لوقتنا هذا ولكن ع فترات متباعده ومن يريد الاطلاع على الموسمين يدخـل هنــا النهارده معانا عضوه شقيه وشريره محدش سلم من مقالبها " عدوي اللدود " Hearts Whisper مشرفة قسم اليوميات وبعد ما عرضنا عليها الاسئلة الكتيره دي ردت وقالت ...؟! معاكي المايك ياختي * فى البدايه عرفنـا على نفسكـ ؟ وقولنا ملامح شخصيتكـ ؟ شيماء .. 19سنة دمياطية شخصيتي بقا .. عنيدة ومتهورة اجتماعية ودايما بسعي اكون مختلفة بحب الضحك والفرفشة وكفاية كدا :d هلا والله عليك ااخت شمياء زيدي زيدي عليك امختلف انتَ * قولنا بقى انت شايف انكـ عايشها صح ؟ حاجات وحاجات . يعني في حاجات مقتنعة بيها وعايشها صح .. زي حياتي الدراسية .. وتعاملااتي مع الي حواليا .. وحاجات تانية ممكن تكون صح بس انا نفسي مش راضية عنها * الى اى حد انت طموح ؟ وياترى ايه هى طموحاتكـ ؟ كل واحد فينا اكييد ملووش حد لطموحه .. وانا كذلك .. مليش حد معين بس طموحي حاليا رضا ربنا عني اولا وثانيا اثبت نفسي في دراستي وثالثاا اساافر برا وابدأ مرحلة طموح جديدة ودي بقا سبوها لوقتها :d بيني وبينك .. مش متفائل * ممكن تقولنا ايه الصعوبات اللى واجهتكـ فى حياتكـ ؟ وياترى قدرت تواجهها وتتخطاها ولا استسلمت لها ؟ انا شايفة اني لسه مواجهتش صعوباات تذكر اصلا .. بس ممكن اكتر حاجة مرحلة الثانوية العامة .. وبعد كدا بعض مواقف بيني وبين صحاابي بس مبعتبرهااش صعوباات .. ممكن تقوول تجاارب الحمدلله عديت الثانوية العاامة . وحققت اول هدف ليا .. وموضوع صحاابي لحد ما حاولت ومازلت بحااول * لما الدنيا بتخبط معاكـ وتديكـ ظهرها بتعمل ايه ؟ انا كنت من النووع الي مبقدرش اسكت لازم احكي .. رغم ان معظم الامور مبوصلش لحلول جديدة يعني.. لاني دايما بعد افكر واوصل لحلول مع نفسي الاول وبعد كدا احكي واستشير أسأل استشير مع شمياء مفيش مستحيل * فى رأيكـ ايه الاسباب الى بتخلى الواحد يستسلم بسهوله لأى عقبه تقابله ؟ الحاالة النفسية والرغبة جوااه .. الرغبة جو الانساان هي الي بتحركه مهما كانت الصعوبة .. والحاالة النفسية والجو النفسي حواليه .. هو الي بيحدد ان كان هيقدر ولا هتصعب عليه اكتر وطبعا بتختلف نسبتهم من شخص للتاني وعلي اساسهم بيقدر يتخطي او يستسلم * لما يواجه المرء مشكله معينه فى رأيكـ الافضل ان يواجهها بمفرده ولا يجب ان يستعين بمن هو أكثر خبرة منه ؟ انا قلتلك انا بعد مع نفسى الاول واشووف الحل ايه .. لانك بتبقا اكتر حد عارف المشكلة.. بكل نواحيها .. غير حد بتحكيله .. !! يواجهها بمفرده .. لو قدر عليها تماام .. لو الموضوع بقا صعب .. يستشير عاادي .. المهم يدي لنفسه الفرصة الاول * لو افترضنا ان الشخص دا رفض الاستعانه بأحد أتسمى ذلكـ غرور ؟ ولو لاء .. امتى يكون غرور فى رأيكـ ؟ لا لا طبعا مش غروور .. في نااس بتحب تعتمد علي نفسها .. اعتمااد كامل .. وساعات ببقا الوسط المحيط مش مؤهل انه .. يفهمه .. !! فبيضطر يعتمد علس نفسه بس .. لانه اكييد عارف انه اهل لكدا و الغرور انه لما يستشير ويبقا عارف ان الي قدامه صح .. ويفضل مصر انه غلط ويمشي ورا دمااغه حتي لو غلط * فى رأيك الثقه بالنفس ليها دور فى الموضوع دا ؟ اكييد . لان لو مفيش ثقة مش هيقدر يتحرك وهيفضل متردد في كل خطوة وحتي لو استشار حد .. هيفضل خايف ينفذ كلامه .. لانه معندووش ثقه في نفسه هيبقا عنده ثقة في غيره ..!! * وانت شايف انكـ على درجه عاليه من الثقه بنفسكـ ؟ اها الحمدلله .. واثقة بنفسي وعقلي وقدراتي * تقدر تقولنـا بقآ الاثار المترتبه على الثقه بالنفس الزياده عن حدهـا لدى الفرد ؟ الثقة بالنفس الزياادة هي اقرب شئ للغرور .. يعني لو زادت اكتر هتتحول لغرور لانها لوزادت اكتر من حدها الطبيعي بتكون زياادة بدوون حق .. * قولنا بقى انت بتعمل ايه لما تواجهكـ مشكله بتستعين بحد ولا بتواجهها لوحدكـ ؟ بحااول مع نفسي الاول .. لو حسيت اني هيئس .. بستعين بحد يقويني .. ويساعدني .. يغيرلي فكرتي لو خطأ .. وطبعا مش اي حد بلجأله .. لازم حد فااهم دمااغي واسلوبي * ايهم من له الاولويه فى عملية إتخاذ القرار قلبكـ أم عقلكـ ؟ العقل اولا .. ولازم القلب يكوون موجوود بس العقل يفكر ويحلل ويقرر والقلب يلين شوي * يا ترى شايفه مستقبلكـ ماشـى ازاى ؟ الحمدلله .. بدأت اول خطوة فيه وهي الكلية فينك بقى اعم وفين سنه خامسه * متى شعرت بالفشل ؟ وماذا فعلت حينها ؟ في فترة قبل 3 ثانوية .. كنت حاسة بالفشل في حاجاات كتير زي الدراسة والتعامل مع النااس عموما .. فكانت اياام مؤرفة .. بس الحمدالله عديتها * اتفكـر فى الكلام قبل ان تقوله ؟ ساعااات لو في فرصة .. انما لما بنفعل .. مبفكرش في اي كلام ولا اي تصرف * هل لكلام الناس تأثير على شخصيتكـ ؟ اراء بعض النااس .. الي بثق فيهم وشخصيتهم عموما بتأثر فيا .. غير كدا كلاام النااس عموما مبفرقش معايا ممكن الكلاام ياثر وقتها بس بعد مع نفسي وافكر واي تاثير بعد كدا بيختفي * اذا خانكـ أعز صديق لكـ أتتقبل عزره واسفهـ ؟ لو اه .. امتـى لا تتقبله ؟ الصراحة لا .. مفيش مبرر يخلي الصديق يخوون صديقه اصلا .. الا لو كانت انانية منه .. او انا اعتبرته صديق .. وهو مش كدا * ايه رأيكـ فى موضة الملابس ؟ أتتبعها ام تتجاهلها ؟ هي الموضة حاجة كويسة لو في حدود انما ساعات بتزيد عن الحد وبتبقا حاجة غبية الصراحة وانا بتبع الي يليق بيا منها ويناسب شخصيتي * "وقتكـ كالسيف إن لم تقطعه قطعكـ" بمناسبة المقوله دى بقـى قولى انت من الشخصيات التى تفضل تخطيط وتنظيم الوقت ولا سايباها على الله زى ما تيجى ؟؟ بأعتبار ان كلنا سايبنها على الله طبعا فى كل الاحوال دي اكبر مشكلة في حيااتي اصلا .. اني ديما بسيبها كدا .. مش بنظم ولا اخطط لاي شئ الا في اوقاات زي اياام الامتحانات .. دي كنت بنظم وقتها .. عشان الحق الم المنهج في ليلة او ليلتين دا ف الثانوي ي عم خلاااص دلوقت ف الكليه المنهج بيتلم قبل امتحان الماده بساعتين خصوصا لو كنت هتمتحن الساعه 1 الظهر * "المال يصنع السعادة" ايه رأيك فى المقوله ديه اتتفق معها ام لا ...مع ذكر وجهت نظركـ فيها ؟ عمره ما كاان سر سعاادة .. السعادة بتبدأ بالقنااعة والرضا اولا .. وعلي اساسها بقا الماال دا هتتحدد قيمته .. ممكن السعاادة عند شخص مكتفي باكله ولوازمه العادية .. هي نفس مقداار السعاادة عند شخص معااه امواال لا تعد .. لان قلتلك القناعة والرضا بيحددوا قيمة المال دا .. * بيقولوا ان الحب بيصنع المعجزات ياترى ممكن فى يوم تتنازل عن مبادئكـ فى سبيل إرضاء من تحب ؟؟ الي بتنازل عن مبدأ اصلا .. يبقي معندوش المبدأ دا من البداية .. او متطبع علي الحاجة دي .. ومتخيل انها مبدأ .. او حتي مهيئ من البداية انه يتنازل عنه في يووم من الاياام .. فيبقا الحاجة دي متعتبرش مبدأ اصلا وعن نفسي لا .. بدل مبدأ يبقا خلااص لان المبادئ بتبقا مبنية علي اسس واعتقاداات كبيرة اوي اكبر من اننا نتانزل عنها .. بالسهولة دي * هل للكرامه والاعتزاز بالنفس وجود فى الحب ؟؟ طبعا .. هو لو مفيش كرامة يبقا مفيش حب اصلا .. والي بيحب حد مش هيهين كرامته زي مهو ميحبش حد يهين كرامته هو لو مفيش كرامة .. يبقا اكيد في حد من الطرفين دايما بتنازل ويستحمل الاهانة.. ودا في الغااالب بنتهي بالفشل * ايه رأيك فى المقولات ديه *الواد دا وشه فقري *البنت دى نحس *انا حظى وحش فى الدنيا دى *ابعد عنى انت عينكـ وحشه ؟؟ مقولاات متخلفة قالها نااس ورددها البااقي زي حاجات كتير في حياتنا وبيداري بيها بعض النااس فشلهم بياخدوها حجج بمعني اصح * ما مفهوم كلاً من : "من وجهة نظركـ " الحياه متاهة كبيرة اوي .. الشاطر الي يوصل فيها لرضا ربه ورضااه عن نفسه النجاح بدايته حلو اوي ونهياته مرة لو محافظناش عليه .. او حققنا نجاح اكبر الفشل شعور سئ جدا .. لكنه اكتر حاجة ممكن تقوي وتكون دافع كبير .. وعن تجربة في حاجاات كتير مرت عليا اليأس حجة بيستخبي الانساان وراها .. لانه مش عاوز يحااول الامل شعوور حلو جدا .. ومعاه الاراادة .. بتقدر تحول حياتك الموت نهاية المتاهة والفائز هو اللي قدر يكسب اخرته فيها * اذا وصفك احدهم بصفات مذمومه كـ " مغروره ومعقده وانطوائيه ودمك تقيل " ماذا سيكون رد فعلك اتجاه هذا الموقف ؟؟ عادي يجي ويكلمني في وشي اهلا وسهلا واشوف يمكن اكوون كدا فعلا .. انما هيتكلم من ورايا يبقا انا شغلااه اوي وهو حر يقول الي يقوله * على مستوى العمل او الدراسه وبما انك طالبه جامعيه في بداية مراحلها اذا وجدتى من هم اكثر تفوقاً منك ،،ما المشاعر التى تراودك اهى غيره او لا مبالاه وعدم اهتمام بالامر او منافسه او اشياء اخرى ؟ بتبدأ بغيرة في البداية وتتحول لمنافسة .. لاني من النوع ااي احب اكون مميزة او مختلفة في اي مكاان اكون فيه * ع اى اساس تكوني صداقاتك ؟ ويمكن ان تكون من الجنسين ام جنس الإناث فقط ؟ على اساس التفكير والتواافق فيه .. والثقة بنا .. وبتكوون من جنس الاناث بس انما الجنس الاخر التعاامل سطحي زي المنتدي هنا * ما مفهومك للنقد ؟ وما هى الاساسيات التى يجب ان تتوفر في الشخص المنتقد لكي ؟ اعترااض علي تصرف او كلاام لكن بهدف .. مش من قبيل الاعتراض والسلاام .. وهو شئ مهم في حياتنا والشرووط يكوون صاحب رأي وفكر في المجاال الي بينتقد فيه .. * ما بين ذكريات الطفوله الى يومنا الحاضر العديد من المواقف اللى بتمر علينا وبتسيب علامات جوانا .. ومن هنا نترك لكي القلم لتوضيح ماذا علمتك الحياة الماضيه الى يومنا الحاضر وما رؤيتك للمستقبل المرتبط بشخصيتك ؟؟ ايه السؤاال دا يا عم احمد انا اتعلمت كتير اوي .. اتعلمت اولا التعامل مع النااس كويس اتعلمت ازااي افكر واكوون رأي خااص اتعلمت اززاي اعاتب نفسي والومها وقت الغلط .. اتعلمت ازااي احلل مشاكلي واتعلمت ازاي اكون عالم لنفسي دون اللجوء لحد واتعلمت اززاي اكوون طموحة وشايفة ان مستقبل فيه امل كبير اوي مع شخصيتي الي بتسعي للافضل دايما فالحمدلله طبعا متقائلة ^^ كلنا امتحنا تعبير ف تالته ثانوي بديكي فرصتك بقن وكده * قولنا بقآ كام نصيحه كده للجمهورعلشان يقدر يعيشهـا صح ؟ خليك متفائل .. خليك مؤمن بنفسك وقدراتك .. خليك واثق انك مصدر سعاادة نفسك ومش تستني السعاادة من الي حواليك ويس كدا .. ثانكس يا أحمد الاسئلة حلوة اوي وعجبتني الصراااحة ^^ ويارب اكون ضيفة خفيفة علي قلوبكم جميله اجاباتك اكيد ربنا يكرمك ويوفقك بإذن الله في حياتك وإن شاء الله تحققي كل ما تتمنيه يارب الحلقه تعجبكوا ف امان الله ..

[انجي_1]

حلقة جميلة
تسلم الايادي

[الفيلسـوف]

يخرب بيت كده ده انته مش بنى ادم ويقولك انته عارف ماليش ف جو الاسئله تحفه ياابو حميد وشيماء شخصيه دمها خفيف اجتماعيه ربنا يسعدها ونشوفه احسن مجنونه يوووه احسن مهندسه تسلم ياماجيكو

[العاشق الذى لم يتب]

حميل البرنامج وحشنى
شيماءوعقلانية
وفكرواعى
ربنايوفقك

[حـيـــــآة ❤]

كل دي اسئله
فرفشي اختي فرفشي
عسلايه ياشيموو
حلقه جميله احمد
تسلم ايديكوا

[ساحر الأحزان]

جميلة الحلقة احمد

مع شيماء

خليها تعيشها صح

[Lamees]

البرنامج جميل طبعاً ماجيك
وانا من محبي متابعته
شيماء شخصية واضح انها حبوبة وطيبة

شكراً لهذة المساحة النقية
تحيتي للجميع

[Dr. AnOosHo]

يخرب بيت عقلك كل دي اساله .. ههههههههه

بس حلوة بجد واسلوب ممتع وشيماء كل ردودها حلوة قوي

تسلموا ونورتوا اليوميات بقى

[توحد ارواح]

وعليكم السلام ورحمة الله


حوار جميل ممتع


الاسئله منوعه ومختلفه

الضيفه مميزه ف اجاباتها

تسلم ع مجهودك القيم

[نسيم الورود]

الحلقة رؤعة بجد
تسلم ايدك احمد على المجهود ده
و شيماء شوشو شخصية جميلة و محبوبة
و اجابتها مختصرة و جميلة
بتوفيق ليكم