عندمايلعب الأهلى والزمالك القاهرة تتحول لمدينة أشباح

[العاشق الذى لم يتب]

السلام عليكم ورحمة الله
كرة القدم لاشك لها وقع السحر
على قلوب الكثيرمن الشعوب جميعها
هى الحدث الذى تتفاعل معه الناس
على المستوى الدولى أو مشجعين الفرق المحلية
مع مباراة كرة قدم
نتفاعل وننسى همومهنا ومشاكلنا
سواء المشاكل العامة أو الخاصة
منذ قليل أنتهت مبارة كاس السوبرالمصرية
بين قطبى الكرة المصرية الاهلى والزمالك
كانت المباراة على أرض دولة الإمارات الشقيقة
مباراة ولاأروع ولاأجمل من ناحية التكتيك الفنى
ومافيهامن جماليات وأهداف خمسة
مبارة استمتع بهاكل متابعى ومحبى كرة القدم
بغستثناء بعض الأموروخاصة الحدث الذى
شابهافى دقائقها الأخيرة من مشادة
على إثرهاتوقفت المبارة بعض الدقائق
ولكن عادت واستكملت على أكمل وجه
فاز الأهلى متخصص كأس السوبرالمصرية
فهو الحائز على تلك البطولة 9 مرات
مبروك للأهلى وهاردلك للزمالك
وتحت عنوان الموضوع
عندمايعلب الأهلى والزمالك تتحول
مدينة القاهرة لمدينة ـأشباح
هذه المقولة كانت صادرة من الفيفا من عام 91
وحقا عندمايعلب الاهلى والزمالك تجدالقاهرة المزدحمة
بقدرت قادرتحولت لمدينة اشباح فتجدالشوارع
خالية من المارة وتقريبا معظم المحلات غلقت
وذلك لأن الجميع يشاهد مبارة الأهلى والزمال
وكذلك الحال فى معظم مدن وقرى مصرناالحبيبة
مبروك للأهلى
ودعوات للزمالك
والسلام عليكم ورحمة الله
أخوكم
رفعت
2015/10/15

[فداااااااااااء]

صحيح مباراة روعة وان أسوء ما فيها الخناقة اللى ملهاش لازمة
بس معلش بقى نراعي الحالة النفسية
مبروك للأهلى
وهاردلك للزمالك لعب ماتش حلو بس مش احلى من لعب حسام غالى

سلمت اخى رفعت

[دمعه حائره]

دى الحاجه الوحيدة اللى بتمتع الشعب ويتجمعوا عليها
مباراه جميله عكر صفوها المشادات
لكن لازم نقول مبروك للاهلى
تسلم رفعت على التوبيك

[Fatma eissa]

لعبهم ولا اروع
المهم قدمو لنا
لعبه جميله
وممتعة
ومبروك لأهلي
فوزه الساحق
وهات لاك لزمالك
مع ان الزمالك مع لأيام الماضيه
أثبت نفسه
وتعوض
تسلم علي طرحك القيم

[محمود الصاروخ]

شوف يا رفعت مباراه كانت مفيش أروع من كده
بس مش هكلمك عن المباراه هكلمك عن حاجه اهم و اهم
يعني لما نكون بلد زي مصر دوله رائده في المسلسلات والافلام بهذا الشكل
وبنشوف مسلسلات رمضان بتنزل علينا بشكل جميل وممتع بتكلم عن التصوير !
وغير كده نيجي نشوف الماتشات اللي ف مصر هنا نلاقي تصويرها زباله
بما تحمل الكلمه من معني

طيب ايه رأيك في الملعب اللي اتلعب عليه الماتش ؟!
يعني مثلا الحاجات دي كلها غاليه علي اللي شغالين في اتحاد الكوره
وللعلم بياخدو ملايين الملايين ومبنشوفش حاجه !

طب نفضل نصرف الفلوس دي كلها علي اللاعيبه وفلوس مبالغ فيها
ومنعملش أي حاجه للمشاهد الغلبان زي اللي شوفناها النهارده في الامارات
اتمني يكونو اتعلمو من ماتش النهارده

اما بخصوص المباراه !
هكلمك في نقطه مهمه جدا بعيد عن موضوعك ده !
بالامس القريب كان عبدالصادق رفض يستلم الميدليات في حالة فوز الزمالك بالكاس
طب النهارده لاعيبه الزمالك بالكامل استلمت الميدليات وسلمت علي محمود طاهر
عرفت الفرق بقي ؟!

عشان مطولش عليك ماتشات الاهلي و الزمالك عموما بتعمل ضجه كبيره
في شوارع مصر لانك بتتكلم عن قطبي الكوره المصريه

الاهلي نادي كبير وله شعبيه كبيره في مصر وخارج مصر
والزمالك أيضا سطر من سطور الكوره المصريه وله شعبيه في مصر وخارج مصر

حاجه طبيعيه انك تشوف كده ومش القاهره بس
هنا ف المنصوره وف كل مكان في شوارع مصر
بتكون فرحه مصريه بما تحمل الكلمه من معني

ماتش كان متكافيء من الاهلي و الزمالك
الزمالك لم يخدمه التوفيق في الشوط الاول وهو كان الافضل
عمر جابر ضيع هدف حقيقي لعدم التوفيق
ثم كهربا اهدر ضربه جزاء وتألق فيها شريف اكرامي

الحمدلله رب العالمين احنا ربنا كارمنا أخر كرم
أبطال دوري و كاس وده معناه اننا ابطال مصر عن جداره
مفيهاش حاجه لما نخسر بطوله علي المستوي المحلي !

مليون مبروك فوز الاهلي علي الزمالك
بعد الفضايح اللي اتعرض ليها ف 5 بطولات من قبل
وأخرهم رباعيه أورلاندو الشهيره

تسلم علي موضوعك ياباشا
وبالتوفيق للكره المصريه في كل مكان

[Steve Austin]

ولو ما فرحتناش الكورة ايه تاني يفرحنا -_-

موضوع مميز جدا تسلم ايدك

[راجعة لحبيبى]

مبروك للاهلى
لعب مباره العمر
كل لعيبه الاهلى كانواابطال
من احلى مبارات الاهلى
شوفتهاالليله
يستحقوالفوزوالكاس
والزنالك فريق كبيرلعب كويس
مبروك ليك ي رفعت
وكل الاهلويه
وشمراللموضوع
لروحك السعاده

[reda galal]

مبروك للاهلى

[۩۩ elMagic ۩۩]

دول قطبي الكوره المصريه
مبروك للاهلى بقى
فوز كان محتاجه عشان المرحله اللى جايه

[ندوشه 2011]

مبروك للاهلي بتاعكوا وحظ سعيد للفريق التاني مع ان ماليش في الكوره دي بس قولت اما ادخل انا كمان هي جت عليه يعني ههههههه