~~ٍٍٍِِْ~ِِْ())اللي ملهــومش في الكووورة بيشجعوا منتخبنــــا ْْ~~~ٍِِِ()~

[ARAGON]

بسم الله الرحمن الرحيم

الموضوع ممكن يكون جديد شوية أو اسلوبه مختلف شوية عن اللي أنا بقدمه في المنتدى الرياضي

كل الشعب المصري سعيد جدا بعد الآداء الجميل لمنتخبنا في كأس القارات وفي المبارتين اللي لعبناهم بالتحديد مباراة البرازيل والثلاث اهداف ومدى تأثر الجميع بالهدف الرابع والذي اثر على نفس الجميع وخاصة ان المباراة كانت في متناول اليد

اشجع جميع اللاعبين على الأداء الرجولي وأتوجه بالشكر للكابتن حسن شحاته قائد هذه المجموعة وخاصة بعد تفوق مارشيلو ليبي العرب على مارشيلو ليبي ايطاليا وخاصة بعد تعديل التشكيل الذي اشرت اليه في موضوع سابق واسباب الهزيمة اما الجزائر في تصفيات كأس العالم وابعاد اصحاب المشاكل ومثيريها وضم معظم اللاعبين الأكفاء من مختلف الأندية والملاحظ مشاركتهم في المباريات... وتباين أدائهم الرائع....

حصل موقف طريف امس خلاني اكتب عنوان الموضوع ده بالذات واللي ملهومش في الكوورة بيشجعوا منتخبنا
في واحد من زمايلي في الشغل كان بيتفرج على الماتش في الكوفي شوب (القهوة) في مصر وطبعا كنا بنتفرج على المباراة وخاصة في الشوط الأول قبل انتهائه بلحظات وبين الشوطين ... وسألني سؤال هو احنا بنلعب على أرضهم ولا على أرضنا؟؟؟؟

بصراحة ضحكت وابتسمت ابتسامة عريضة وقولتله على نظام البطولة وان هي لا على ارضنا ولا على ارضهم وهي على ارض منظمة للبطولة وشرحت ليه الموال الطويل بتاع صفر المونديال وغيره من طرائف اختيار البلد المنظمة للبطولة......... الخ
اللي اسعدني في الموضوع اننا في غربة في ****************** وفي ناس كتير لاتعرف ذلك واننا بنتابع اخبار مصر وبنساند كل الفرق بمختلف انتمائتها في كل البطولات وبنحاول نخرج من جو العمل والمشاكل الخاصة والنفسية بمشاهدة كرة القدم وغيره من وسائل الترفيه
بصراحة انا مش قادر اوصف فرحة الشعب المصري والناس اللي كانت في الكوفي شوب كانت كبيرة اد ايه والغالبية العظمى مممن كانوا يشاهدون المباراة لا يعرفون اي شيء عن قوانين كرة القدم ولا عن طرق تنظيم البطولات ولا اي شيء سوى أنهم يشجعون منتخب مصر فقط وكانت فرحتهم كبيرة خاصة بعد انتهاء المباراة وفوزنا في النهاية على ابطال العالم والناس كلها مش قدرة تصدق نتيجة الفوز والأداء المبهر وكل كلمات الثناء التي تنشر في حق منتخبنا في الصحف ******************ية وكل المباركات من اخواننا ******************ين في هذه المناسبة وعلى فكرة الشعب ******************ي من عشاق الكرة الايطالية وخاصة المنتخب الايطالي الملقب بالأزرق وتقارب زي المنتخبين من بعض

ولكن شعور الأخوة ******************ين في هذا الوقت بعد تشريف المنتخب المصري لكل العرب في هذه البطولة ولعبه مباريات لا تنسى بغض النظر عن النتيجة القادمة واي انجاز جديد يمكن ان يضاف لمنتخبنا في هذه البطولة هو انجاز للعرب جميعا ولمصر خاصة
وصراحة انا سعيد بعد اداء المنتخب وفرحة كل العرب بتمثيل منتخب مصر في البطولة لكل العرب وتقاسمه في تمثيل القارة السمراء مع منتخب البافانا بافانا

خالص امنياتي الطيبة لمنتخب مصر

[هدوء الكون]

يسلمووووووو ايدك على الموضوع المميز والرائع
والمصرين رفعوا راس العرب كلهم
ومن فوز لفوز أفضل
وبشرك مرة تانية على الموضوع المميز

نايس توبيك

[لوليتا المصريه]

وربنا وربنا انا كنت طايرة وانا بتفرج على الماتش

بجد كان رهيب وكان هيجرالى حاجة بقى وانا بتفرج على ماتش البرازيل اووووووووووووه رائع بجد

منتخب مصر بجد رفع راسنا كلنا وراس العرب كلهم

وربنا معاه

ميرسى للموضوع الجميل دة

[lolla]

اقتباس والناس كلها مش قدرة تصدق نتيجة الفوز والأداء المبهر

فعلاااااا يا ميدو انا كنت بتفرج ع الماتش مع بابا

ولغاية آخر دقيقة وهو بيقول التلاينة مش هيسكتوا

ومش بعيدة كمان يكون مش مصدق لغاية دلوقتى

بس بجد موضوع جمييييييل

وانا مليييييش فى الكورة

كنت عملة زى الاخ الى كان قاعد جنبك ع القهوة

وطبعاااا زهقت بابا

بس انا جاية اشجع

لان بجد الحكاية دلوقتى بئت وطنية وحب لبلدك مش بس كورة

على عكس ماتشات الاهلى والزمالك

[روميو مجنن البنات]

شكرا على الموضوع الجميل

[razan]

شكرا على الموضوع اللذيذ

عجبنى الاسم وشدنى جدااا

ولقيت المضمون احلى

ان شاءالله نكسب بكرة عشان

تكمل الفرحة

[ARAGON]

شكرا لكم جميعا على مشاركتكم الرائعة معي في هذا الموضوع وإن شاء الله بالتوفيق لمنتخبنا الوطني اليوم

[* lovelygirl*]

شكرا على الموضوع
ويرب الفوز لمصر النهارده

[soso baby]

شكرا على الموضوع واداء المنتخب كان حلو ويارب يكون كدة مع امريكا

[ARAGON]

شكرا لكم جميعا على مشاركتكم الرائعة معي في هذا الموضوع وإن شاء الله بالتوفيق لمنتخبنا الوطني اليوم