إنتـــــــا متعرفـــش حاجـــــة

[شاعر الحب الحزين]

عنـــدك ثقـــــة كبيــرة فيهــا

أكتـر من نفسك بتخاف عليها

بتقول للكل عن إخلاصها

وصدقني محد غيرك رايح فيهـا

بتقول إنك حبيبها وتاج راسها

ولغيرك مال قلبها وزاغت عنيهــا

على قد ما إديتها الأمان

على قد ما إحساسها خان

وإنتا ولا داري ولساك مآمن ليهــا

الحب ف نظرها كلمة مش نعمة

خون بقى يا اخي سوء الظن عصمة

متقولش مستحيل الثقة لوحدك كنت بتبنيها

عشان دلعتها خدعتك ولا خدعتها

عنيها قالت انها كارهاك ولا سمعتها

اسأل نفسك كانت بتبقى فين لما تسئل وما تلاقيها

إنتا متعرفش حاجة عن الموضوع

بس إنتا قابل إنك تعيش مخـدوع

وعلى نياتك مش فاهم مشاعرك واخداك شداك ليها

انتا معرفتش تختار بجد صعبان عليا

إنها تعرفك وتحبك لمجرد مصلحة شخصية

قبلك واجهت نفس المشكلة وكنت ف حبها ضحية

حاولت ترجعلي ف عهدك ورفضت ومعرفش راحت فين بعديها

قبل ما تعلق قلبك اكتر بيها أديني نصحتك قبل ما تتعود عليها



شــــــــــــــــــــــــــــــــــــ . حـــــــــــــــــــــــــــــــــــــــــ

[reda galal]

الله على الجمال

تميز وابداع دمت مبدع اخي شاعر الحب الحزين

[الطائر المغرد]

شاعر الحب
إنتا غيرهم يا حبيبي
إنتا غيرهم
يسلم خاطرك
كم هو رقيق همســـــــــــــك
الطاغي بالجمال
تحياتي
وباقه من السوسن

[Steve Austin]

شعر متميز تسلم ايدك

[شاعر الحب الحزين]

اقتباس المشاركة الأصلية كتبت بواسطة reda galal الله على الجمال تميز وابداع دمت مبدع اخي شاعر الحب الحزين

تسلم أخي الحبيب رضا

الاجمل وجودك اكيد وردك الطيب

نورتني واسعدني حضورك الطيب

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة الطائر المغرد شاعر الحب إنتا غيرهم يا حبيبي إنتا غيرهم يسلم خاطرك كم هو رقيق همســـــــــــــك الطاغي بالجمال تحياتي وباقه من السوسن

تسلم يا غالي الطائر المغرد الراقي

اشكرك للتواجد الجميل واثره الجميل ف النفس

نورتني واسعدني وجودك وكلامك الجميل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة steve austin شعر متميز تسلم ايدك

تسلم أخي الطيب لتواجدك الطيب

نورتني واسعدني ردك وحضورك

ربنا يوفقك ويسعدك

[ايمان طلعت]

حبيتها وهي بتحب غيرك
وهو بيحب غيرها
ابعد قبل ما يوم تجيلك
وقلبها مش مالكها
احزن شويه على فراقها
احسن ما تعيش عمرك ضحيه
هي دي القلوب
ولا حكم عليها

كلمات رائعه منك خالد
تحياتي

[شاعر الحب الحزين]

اقتباس المشاركة الأصلية كتبت بواسطة ايمان طلعت حبيتها وهي بتحب غيرك وهو بيحب غيرها ابعد قبل ما يوم تجيلك وقلبها مش مالكها احزن شويه على فراقها احسن ما تعيش عمرك ضحيه هي دي القلوب ولا حكم عليها كلمات رائعه منك خالد تحياتي

عندك حق يا ايمان هي دي القلوب

ومحدش له حكم عليها

تسلمي شمعة الحياة الاروع وجودك

وتفاعلك الاجمل اكيد

نورتيني يا ايمان واسعدني ردك وتواجدك الرقيق

ربنا يوفقك ويسعدك

[bobaOo]

للأسف كان نفسي اواسيك..
بس هيا كده القلوب..
الي بيحب بجد ويقف قصاد الدنيا كلها..
الي يخاف على الي بيحبو اكتر من خوفو ع نفسو..
الي بيديلو كل حاجه من غير مقابل..

بس ايه المقابل..

غدر وخيانه..
حب مصلحه..
مكانش حب من الأساس..

هتعمل مع غيرك زي ماعملت معاك..
هيتعمل فيها زي مابتعمل في القلوب البريئه الطيبه..
هيا نسين ان كما تدين تدان!!

هترجع مكسورة وتندم..
هتترجاك بحق الحب والعشره ترجعلك..

بس لا مترجعلهاش



جميل ماخطه قلمك أ/خالد..
حركت مابداخلي بسطورك..

تقبل مروري