استضافه خاصه مع (( el magic ))

[big bốss]

السلام عليكم و رحمة الله و بركاته نلتقى اليوم اعضاء بنات مصر مع مديرها العام لنستمع الى ما جعبته و ما وراء الكواليس و نواجهه بالتهم لنتوصل الى الحقيقه و نبدأ الحوار ۩۩ elMagic ۩۩ 1- الماجيك اعلى قمه فى بنات مصر الان . ما شعورك ؟ اممممم سيبها ع الله بقى 2 - بعد خروج ساحر الاحزان على المعاش . هل سنرى تعيين ادارى جديد خصوصا لو تم دخولك الجيش ؟ حتى لو مدخلتش جيش لازم هيكون فيه وجوه جديده بالاحمر هيكونوا اثنين واظن معروفين ربنا يكرمهم وانا مش هاقصر في اى دعم ليهم بإذن الله 3- يا ترى الاداره الجديده هيتم تعينها بالانتخاب و يكون للاعضاء دور ، و لا هيتم فرضها مباشرة على الاعضاء ؟ انا عملت فعلا استبيان بالمناسبه وقلت نعرضه ونشوف بس تعالى نبص ع الحكايه بالعقل كام عضو هينضم للتصويت وشخصيه العام مثال حي قدامك ؟ فا هنا للاداره والرقابه الدور ف الاختيار انا بعت السؤال للطاقم ساحر وبعض المراقبين واخدت رأيهم ووصلنا لاتفاق على التعيينات وهاقولك ان انا كمان كنت عايز ادى صلاحيات لناس لسه داخله جديد وظهرت بسرعه بس هنا هتكون واقف قصاد مشكلة السلم الادارى وان الاولويه للاقدميه وهو دا مبدأ تكافي الفرص وكل واحد بياخد نصيبه ف وقته المناسب المهم بصرف النظر عن الالوان انت بتعمل حاجه عشان نفسك وعشان المكان اللى انت موجود فيه والمفروض كلنا تيم بيكمل بعضه ان شاء الله بس يكونوا طاقم جيد للمكان وانا هاحاول قد ما اقدر مش اتاخر معاهم وأعرفهم الدنيا ماشيه ازاى وربنا يكرمهم بقى ،، 4 - ما سبب انتشار انتقادك خارج حدود المنتدى ؟ هو محدش عملها غير اثنين بس متعرفش بقى انت ي معلم الادمغه فيها ايه .. في الاول والاخر انت ملكش غير باللى بيحصل هناا ربنا ييسر 5 - كثير من الاعضاء القدامى هجروا المكان بدافع رفضهم لبعض اوضاع المنتدى و القرارات الاداريه . كيف تعمل على حل هذه المشكله ام تتجاهلها تمام ؟ هو من قبل ما اتولى انا الاداره الموقع كان بيفتقر للتواجد المتواصل من الاعضاء انا ممسكتوش ف لحظة مجد يعني ! بالعكس انا شايف دلوقت بدأ يستعيد نشاطه عايز اوضحلك حاجه لما بتقعد انت ف مكان سنين طويله لازم بتمل منه خصوصا بعد انتشار مواقع التواصل الاجتماعي اللى بتسهل تواصل ودردشة الناس مع بعضها وخلاص بقى كل واحد بيشوف حياته ودلوقت اللحظة اللى كل شخص جديد من حقه ياخد الفرصه ويكمل ،، المنتدى كيان ثابت مش بيتغير فيه الا اعضاءه زمان كان فيه اعضاء وميشيوا واحنا هنمشى وهيجي بعد كده ناس تانيه وتكمل وهكذا دي طبيعة الحياه ،، 6- شخصيه العام . ظهرت لها انتقادات كثيره هل هذا دليل على فشلها ام نجاحها ؟ مفيش حاجه بتخلوا من النقد وشخصيه العام للاعضاء اهى شغاله هتلاقي فيها اعضاء لسه جديده ولكن عملت مجهود ف وقت قصير والناس بتدخل الموضوع وبتصوت حسب رغباتها الانتقاد اللى اتوجه له هأقولهولك ان عدد المصوتين لشخصيه العام اقل من عدد المرشحين هأقولك ان دي لعبه ف الاول والاخر وكل شخص من حقه يدي صوته للى شايفه افضل ودا بيتم حسب معايير كل شخص ناخب مفيش قيود على حد ولان عدد المتواجدين محدود فا متوقع ان يكون عدد المصوتين محدود ف الاول والاخر انت عايز تعمل جو بصرف النظر عن النتايج واى اعتبارات اخري ودا الهدف الرئيسي من شخصية العام ،، المسابقه تعتبر النسخه الثانيه من المسابقه الاقدم وكانت وقتها عامله جو وحوارات ما بين الاعضاء هي بتبقى محاوله لجذب الاعضاء وتوطيد العلاقات ودا ف الاخر لصالح الموقع ،، وشخصيه العام مش هتتوقف مفيش ما يمنع انها تتعمل في اى فترات بعد كده هى مسابقه للدعم وخلق الاجواء ما بين الناس وبعضها مش اكتر من كده ،، وكله بيعدي بقى المسابقات مش بتخلص ولا الجوايز بتخلص خزنة اللوحه مليانه ادعوا ان قاعدة البيانات بس متعطلش مننا 7 - هل ترى فوزك فى شخصية العام شهادة من الاعضاء بنجاحك فى الاداره ؟ هو اكيد محدش هيخش يديني صوته مجامله خصوصا وانت لسه قايل ناس بتنتقدني وكده المفروض بقى ان اخسر واخرج من اول جوله لو فعلا الكلام دا داخل دماغي وعامل قلق ليا ! والانتقادات ف العموم مش بتخلص ولا حد بيمل منها بص انا راجل مهني لو شايف حاجه ف الصالح باعملها واى حاجه غير كده باتصدى ليها ،، ومليش دعوه بالعواطف ولا بركز فيها هاقولك ان فيه ناس بتزعل مني لما مش بسأل عليها بس دا مش لان انا مش عايز اسأل لاء انا طبيعتي كده العواطف من اخر الامور اللى بفكر فيها يعني اكييد بكن كل تقديير طبعا لناس كتيره وتقصيري في السؤال شئ مش بإيدي فا معلش بقى محدش بيختار طبعه 8- لماذا يتم تجاهل الاعضاء الاكثر نشاطا مما يجعلهم يهجرون المكان دون ذكر اسماء ؟ مفيش الكلام داا ! اى حد بيطلب اى حاجه مني او من عم امجد لما كان لسه موجود كان هو بيعملها وانا بردوا مبقصرش ولله الحمد 9- هل لو اخطئت فى حق عضو على استعداد ان تعتذر له ؟ اهاا طبعا خصوصا لو كان شخص بقدره وباحترمه زي من شهور كده حصلت حوارات ومن غير قصد عرفت ان حد معين اتضايق مني دخلت في موضوعه واعتزرتله والموضوع موجود والشخص لسه بيتواجد وبيتفاعل لدلوقت ويارب دايما بس انا مش هاذكر الاسم لانه حوار قديم وخلص بديك بس مثال ان دا فعلا عملته ،، الاعتزار مش شئ يقلل من حد بالعكس ،، 10- ما هم الاعضاء الذين تتوقع لهم ظهور بارز الفتره القادمه ؟ فاطمه عيسى ستيف اوستن 11- من الملاحظ افتقار الاعضاء الجدد الى عنصر الابداع الذاتى .مع او ضد ؟ هو من دا ع داا بمعنى هتلاقي اعضاء عندها افكار بس مش عارفه تنفذها ازاى وهنا بيكون دور الطاقم الادارى اللى اوريدي اخد على الجو وبيعرف يشتغل وانا باشوف ناس كتيره متعاونه مع الاعضاء الجدد ابرزهم دكتور نوشه يعني الموضوع بس عايز شويه صبر لغاية ما تاخد على طريقة التعامل سواء في تنسيق المواضيع والتصاميم والتعامل مع قوانين كل قسم والطاقم من الاداره للمشرفين موجودين لتوضيح اى استفسارات واى مساعدات ،، 12- انتقاد سليفر سبكترا لك هل بتعتبره حافز للافضل ام توبيخ لا يقبل ؟ انت لو بصيت ع النقد هتعرف انه بيتكلم لصالح المكان ودا اللى انا دايما بقوله والفرق ما بين كل نقد واخر بالعكس انا مع كلام طارق ورديت عليه ف صفحتي وع الرغم من ذلك ما زلت بكن لطارق كل تقدير واحترام هو مازال الرجل الاول للمنتدى وهو اللى عمل كيان لبنات مصر طول الفتره اللى كان موجود فيها للاسف انا جيت متأخر اكيد لو مسكت الاداره ف ظل تواجد طارق كان ممكن تلاقي حاجات اقوى بكتير لعدة اسباب اهمهم الدوافع والتفاعل خصوصا وان لكل شخص الامكانيات والقدرات لعمل اى افكار ،، ربنا يكرمه ويكرمنا جميعاً بقآ - لو حبينا نصلح الامور بين الماجيك و مورشو و عكاشه ، ايه الى ممكن نعمله علشان نسيير الامور ما بينكم ؟ لا تعليق بقى ي معلم انا مبقصرش ف حاجه بس انت دايما بتبقى واقف ف قصة ان لكل واحد دماغه واراءه اللى مبتتغيرش فا ربنا يهدي الجميع ،، 13- بالنسبه للعضوه wold تم حظرها من شهور حتى الان ، متى ستغفر لها الاداره ؟ الشكاوي ضدها كترت وكل الناس مستغربه افكارها واراءها ربنا يهديها مكان ما موجوده بقى 14 - لماذا التعسف فى استخدام الحظر رغم اننا نعانى من تواجد الاعضاء ؟ الحظر دايما بيبقى اخر كرت الادارى بيستخدمه عشان انت قولت التواجد الضئيل للاعضاء ولكن لكل شخص آخر ولو اللى قدامك تواجده هيفيد اكيد الوضع هيكون مختلف وعمتا مافتكرش حد اتحظر غير عدد محدود واغلبهم كانوا بيعملوا دعايا لمواقع اخري وعندك محمود بقى متنساهوش بيبقاله كده افكار وقرارات من غير ما يرجع لحد من الاداره اللى متابعه ،، 15- تحب تقول ايه لكلا من :- -اعضاء بنات مصر المنتدى مش هيستمر الا بتواجدكوا وتفاعلكوا - الشريحه المعارضه لك معنديش مشكله ف انك تعارضني مفيش حد معصوم من الاخطاء وانا عنيد وليا دماغي وافكاري دا شئ اكييد بس في نفس الوقت لو شايف انك هتفيد هتلاقيني خير من مساند ومساعد ومعاون لشغلك وربنا يهدينا جميعا بقآ - مصر نور عينينا اكيد عايز كل حاجه حلوه تحصل والناس ترتقي بقى شويه الحكايه وسعت اوى وخرجت من ايدينا كلنا وبقت ف الايد التانيه كل الشكر الى الماجيك على قبول الاستضافه و اتمنى ان تكون قد روت ظمأكم فى عما يجول فى خطركم

[حازم34]

موضوع جيد لنقاش بين بيج بوس طرح النقاش

وبيج بوس الاداره والرد علي النقاش

طبعا اني لجديد بالمنتدي


ولكن اري ان المنتدي يسير علي خطي النجاح

واسال الله انم يكتب له ان يكون صرحا للنفع


وان تكون هناك خطه اداريه لتحفيز الاعضاء علي التفاعل والمشاركه


واني لاري بانه منتدي جيد جدا وفيه عقول ما شاء الله

حفظكم الله ورعاكم

ودائما الي الامام

ما اجمل النقاش في دائره الضوء


يسلموا علي النقاش المفيد

[Steve Austin]

حوار ولا اروع

مشكور بيج بوس ع الاستضافة
ومشكور الماجيك

اقتباس 10- ما هم الاعضاء الذين تتوقع لهم ظهور بارز الفتره القادمه ؟ فاطمه عيسى ستيف اوستن

[الملكة كيلوباترا]

استضافة فى منتهى الجمال
واجابات احمد روعة
ومجهود عالى منك يانور
وتسلم على الموضوع

[Dr. AnOosHo]

موضوع رائع وحوار شيق جدا
واجابات الماجيك اهم حاجه بتميزها انها صريحه وواضحه وبتتصف بالتواضع

بالتوفيق لكل عضو تشيط وبالتوفيق للمراقبين اللي حيدخلوا الادارة وربنا معاهم وفلا المنتدى انا شايفاه بيطور حلو وبدا فيه تفاعل اجمل من الاول
مجهودك يماجك واضح جدا فيه

وبالنسبه لشخصيه العام انا مؤيده جدا انك تكون انت سخصيه العام لانك بجد متعاون ومحترم وبتقدر المنتدى جدا واكيد كل اللي اترشحوا بس تستحقها بجدارة

بوص تسلم ايدك على الاساله ويدوم التميز ده

وتسلم يماجيك على دعمك للكل وشكر على شهادتك الطيبه

[راجعة لحبيبى]

كلام حلووحوارحلو
من المضيف والضيف
تسلم نور
واحمدبالعقل والهدوءكانت احابته مميزه
التوفيق للمنتدى بحول الله

[حـيـــــآة ❤]

هتكلم كتير معلش
اولا احمد منور كتيرر
تانيا بالنسبه للمنتدى من وجهة نظري
ال بيتواجدوا الى الان لايصلحوا ابداا
مش عايزين اداري يمسك منصب
وينام ف الخط !
ومش هتكلم يامه عن النوم ف الخط
في ناس موجوده ولسه موجوده رغم ظروفها عشان المنتدى يبئا افضل..
ودول ال يستحقوا الترشيح
ده كلام م البدايه عشان دي وجهة نظر الاعضاء مش وجهة نظر حياة الروح
ثالثا الشخص المميز يبعد عن الانتقادات ولايكترث بهم
وانت غني عن التعريف يا احمد الله يباركلك
رابعا واخيرا بعد انسحاب الطاقم الاداري الحالي
مافيش منتدى
وكلامي هيظهر بعدين
وربنا يوفقك ويوفق امجد يارب
ويارب يقيم المنتدى ده ع الحب دايما
وان شاء الله الناس الجديده ليها مستقبل فعلا
نورت جدا احمد كنت منتظره اجابتك ع بعض الاسئله دي..
تسلم يانور ع الاستضافه
دمتم بخير
سوري ع الكلام الكتير

[Fatma eissa]

استضافه حلوه
وحوار اكتر من رائع
وممتع
تسلم علي طرحك القيم

[big bốss]

اقتباس المشاركة الأصلية كتبت بواسطة ♥حيآة آلروح♥ هتكلم كتير معلش اولا احمد منور كتيرر تانيا بالنسبه للمنتدى من وجهة نظري ال بيتواجدوا الى الان لايصلحوا ابداا مش عايزين اداري يمسك منصب وينام ف الخط ! ومش هتكلم يامه عن النوم ف الخط في ناس موجوده ولسه موجوده رغم ظروفها عشان المنتدى يبئا افضل.. ودول ال يستحقوا الترشيح ده كلام م البدايه عشان دي وجهة نظر الاعضاء مش وجهة نظر حياة الروح ثالثا الشخص المميز يبعد عن الانتقادات ولايكترث بهم وانت غني عن التعريف يا احمد الله يباركلك رابعا واخيرا بعد انسحاب الطاقم الاداري الحالي مافيش منتدى وكلامي هيظهر بعدين وربنا يوفقك ويوفق امجد يارب ويارب يقيم المنتدى ده ع الحب دايما وان شاء الله الناس الجديده ليها مستقبل فعلا نورت جدا احمد كنت منتظره اجابتك ع بعض الاسئله دي.. تسلم يانور ع الاستضافه دمتم بخير سوري ع الكلام الكتير

رغايه طول عمرك و بتحبي الرغى 😅

بس انتى غلطانه

المنتدى مش بيقف على اشخاص هيفضل برضو شغال

لانه جيل بيسلم جيل

[حـيـــــآة ❤]

لا ما انت متفهمش بجانب وتسيب باقي الجوانب
انت هتشوف ال هيحصل
لان محدش هيبئا مسيطر