انت وحياتك المثاليه ؟!

[۩۩ elMagic ۩۩]

السلام عليكم ورحمة الله وبركاته


انت وحياتك
تعالى قول حياتك اليوميه المثاليه بتمشيها ازاى او امتى بتوصف يومك بالكمال ؟
بمعنى ترويق الاعصاب وانك تعمل اللى انت عايزهه
ووقت ما دا يحصل بتوصف يومك بالكمال

هاديكوا مثال مصور



دى مرحلة الكمال لناس كتيره
انك تبقى مأنتخ كده واكل شارب نايم مع الميوزيك
واصحابك وأهلك معاك وبعيد عن العواطف والحب
ومعاك باقة النت او الواى فاي والوايرليس وعايش حياتك دردشه وفيس بوك ،،

وقبل ما حد يسألني اليوم عندى بيوصل للكمال امتى هاجاوب واقول
ان لازم نبقى مانتخين وواكلين وتكون الترويقه حلوه "الآكل باللبناني "
ولابد من الواى فاي والوايرليس
انا واحد من الناس اللى مش عامل باقه ع الفون
لان مبكرهش قد النت البطئ
ومش بتاع واتس أب الحاجات دي مليش فيها طبعا
بابقى عايش مع البرامج والملفات
اى نعم دا مجالى المفضل
بس من نحيه تانيه انا شغلي في المحاسبه والحاسب بحكم البكالوريوس
بنلعب في ملعبنا بقى والتعليم بيطور نفسه
والفروض الدينيه بحاول ماقصرش فيها بس لازم بتطير مني فروض للاسف
ربنا يهدينا وبردك بنسمع بعض الميوزيكات رغم معرفتي انه حرام
بس ما باليد حيله فتره بتاخد وقتها وبتضيع بالاستغفار
وربنا يكرمنا ونبطل الحاجات دي
بالنسبه للاصحاب مش كل يوم طبعا معاهم
بس لما بنعيش مع بعض بنعمل جو وهزار وحركات
وبكده هو دا اليوم اللى بيتصف بالكمال عندى

اقعد لحظات كده مع نفسك وفكر وارجع
شوف هتقولنا ايه بقى ؟؟

:158

[واد حبيب]

كل ما اقعد مع نفسي
تسبني وتمشي

حلو الموضوع يا احمد

[۩۩ elMagic ۩۩]

اقتباس المشاركة الأصلية كتبت بواسطة واد حبيب كل ما اقعد مع نفسي تسبني وتمشي حلو الموضوع يا احمد

انت ف الضياع كده علطول
طب يبقى سلملنا عليها اما تلاقيها بقى
منور

[Eng Esraa]

بص هو بدون تفكير
انا يومي بيكمل لما برجع من الجامعة
و اصلي و خلاص بقي انااااام
ايوه متستغربش انا يومي بيكمل لما بنام
مش لما بصحي .. عكس الناس انا هههههه
بس طبعا بصحي اكل و اصلي تاني
و الموبايل و الواي فاي شغالين و كده بقي يعني

تسلم لفكرتك يا ابو حميد

[العاشق الذى لم يتب]

جميل الهمس
وجميل الحوارمع النفس
أكيد كل واحدفيناله طقوسه
وحكاياته ومايفضله ومايبغضه
يختلف كل واحد وميوله عن الآخر
وأنا لاأدعى المثالية ولاالكمال
فالكمال لله وحده
كل ابن آدم خطاء
وأناأرى نفسى سيد المخطئين والمقصرين فى
حق الله وحق عباد الله وحق نفسى
لكن دائماأضع الله فى مخيلتى
وأتذكرأنه علىّ رقيب عتيد
أحاول بقدرالإمكان أن أؤدى فرائض الله
وأرى درجات الإيمان عندى متفاوتة
مع مايكون منى من حسن العبادة أو التقصير
فقط أرجو رضاء ربى سبحانه وتعالى
وأحاول أرضى كل من أتعامل معهم
وأكيد رضى أمى يهمنى
ومابين الشغل ووقت الفراغ
معظمه أقضيه فى المنتديات
ولااحب الفيس ولاالوتساب ولا لى بيهم علاقة نهائى
المهم
ندعوالله ان يرضى عنا
كل الشكرلك
احمد
لجميل موضوع

[توحد ارواح]

وعليكم السلام ورحمة الله


بالنسبه لليوم المثالي بالنسبه ليا

اما اكون قريبه من ربنا واؤدي كل الفروض واقرا كدا ورد قرآن

واروح الكليه ويادوب علي قد السكاشن والكورسات

وتكون الاسره عندي سعيده وبابا وماما راضين عني


وادخل المنتدي واقضي فيه كل الريست بتاعي

لان برده مش ليا نهائي ف الفيس او الواتس او اي حاجه غير المنتدي هنا وبس

وتقريبا معظم اليوم بيكون كدا


ولو مشي اليوم جميل بتبقي الحياه شبه مثاليه

وبيكون فيه راحه نفسيه

[۩۩ elMagic ۩۩]

اقتباس المشاركة الأصلية كتبت بواسطة eng esraa بص هو بدون تفكير انا يومي بيكمل لما برجع من الجامعة و اصلي و خلاص بقي انااااام ايوه متستغربش انا يومي بيكمل لما بنام مش لما بصحي .. عكس الناس انا هههههه بس طبعا بصحي اكل و اصلي تاني و الموبايل و الواي فاي شغالين و كده بقي يعني تسلم لفكرتك يا ابو حميد

هههههههههه
فيه احلى من كوده طويب
بس اما تخلصى دراستك
اكيد الدنيا هتتغير
منوره طبعا

[واد حبيب]

اقتباس المشاركة الأصلية كتبت بواسطة ۩۩ elmagic ۩۩ انت ف الضياع كده علطول طب يبقى سلملنا عليها اما تلاقيها بقى منور

لما تيجي اسلملك عليها
انا يومي واحد وبيتكرر كل يوم بنفس الشكل
اقوم من النوم الساعه 6 اروح الدوام اخلص الساعه 2
اخد دش واعمل اكل واريح شويه واقوم اكلم البيت
وافتح الفيس اتكلم عليه شويه وانام واصحي الساعه 6
كل يوم بنفس الطريقه

[۩۩ elMagic ۩۩]

اقتباس المشاركة الأصلية كتبت بواسطة العاشق الذى لم يتب جميل الهمس وجميل الحوارمع النفس أكيد كل واحدفيناله طقوسه وحكاياته ومايفضله ومايبغضه يختلف كل واحد وميوله عن الآخر وأنا لاأدعى المثالية ولاالكمال فالكمال لله وحده كل ابن آدم خطاء وأناأرى نفسى سيد المخطئين والمقصرين فى حق الله وحق عباد الله وحق نفسى لكن دائماأضع الله فى مخيلتى وأتذكرأنه علىّ رقيب عتيد أحاول بقدرالإمكان أن أؤدى فرائض الله وأرى درجات الإيمان عندى متفاوتة مع مايكون منى من حسن العبادة أو التقصير فقط أرجو رضاء ربى سبحانه وتعالى وأحاول أرضى كل من أتعامل معهم وأكيد رضى أمى يهمنى ومابين الشغل ووقت الفراغ معظمه أقضيه فى المنتديات ولااحب الفيس ولاالوتساب ولا لى بيهم علاقة نهائى المهم ندعوالله ان يرضى عنا كل الشكرلك احمد لجميل موضوع

اكيد بدايه الخطى السليمه
هو انك تعترف بالتقصير
وربنا يكرمنا ان شاء الله جميعا
منور عم رفعت

[۩۩ elMagic ۩۩]

اقتباس المشاركة الأصلية كتبت بواسطة توحد ارواح وعليكم السلام ورحمة الله بالنسبه لليوم المثالي بالنسبه ليا اما اكون قريبه من ربنا واؤدي كل الفروض واقرا كدا ورد قرآن واروح الكليه ويادوب علي قد السكاشن والكورسات وتكون الاسره عندي سعيده وبابا وماما راضين عني وادخل المنتدي واقضي فيه كل الريست بتاعي لان برده مش ليا نهائي ف الفيس او الواتس او اي حاجه غير المنتدي هنا وبس وتقريبا معظم اليوم بيكون كدا ولو مشي اليوم جميل بتبقي الحياه شبه مثاليه وبيكون فيه راحه نفسيه

الله يكرمك دايما ندى
وييسرلك كل امورك
انتى نقيه من جوه
وتستاهلى اكيد كل خير
منوره بقى