القولون العصبي >> صيدليتك لحد بيتك

[Words Whisper]

>> سلام عليكم <<


مبدئياً كدا إيه القولون العصبي ؟؟
Irritable Bowel Syndrome = القولون العصبي
هو من أكثر اضرابات الجهاز الهضمي شيوعاً
لكن هو مش مرض وبحد ذاته لايؤدي لمضاعفات سيئة
هو (( اضطراب )) مزعج للشخص سببه إلى اليوم غير معروف تحديداً ..
القولون دوره في الهضم بيتلخص دور في الامتصاص و دور في الإخراج
جداره عباره عن عضلات بتنقبض
طول ما الانقباض منتظم يبآ مش فيه مشاكل
حصل خلل بسرعة أو بطء في الانقباض بتظهر مشاكل القولون ..
تشخيصه طبياً بيعتمد على الأعراض واستثناء الأسباب الأخرى لها و الفحص السريري ..


∞∞∞∞


إيه أعراض القولون العصبي ؟؟
- ألم ..
- إسهال أو إمساك حسب طبيعة الانقباضات ..
- شعور بالانتفاخ ..
- رغبة كاذبة في الذهاب للحمام ..
- قرقرة ( أصوات ) تصدر من البطن ..
مش شرط الشعور بكل الأعراض
بس الألم و الإمساك أو الإسهال من الأعراض الأساسية
والأعراض بترتبط بمسبب تهيج القولون ( غذاء - حالة نفسية - طبيعة الحياة ) ..


∞∞∞∞


إيه اللي بيسبب تهيج القولون وظهور الأعراض ؟؟
ودا بردو مرتبط بالشخص نفسه :
- الكافيين و الشاي والمشروبات الغازية ..
- المقليات و البهار و الحار ..
- الإجهاد العصبي ..
- الثوم و البصل النيء ..
- الطماطم بقشرها ( بدون قشر مش بتسببه ) ..
- أدوية معينة ..
- العدس و اللوبيا و الفول ..
- أنواع خضار ( كرنب - باذنجان - ملوخية ... ) ..
عامة اللي بيعاني منه هياخد باله ان ف حاجات معينة لما تحصل
أو أكل معين لما ياكله بتظهر عنده الأعراض و عدم الارتياح ..


∞∞∞∞


طيب إيه العلاج ؟؟
أولا انه يبعد عن السبب اللي بيهيج القولون و بلاها عصبية ونرفزة وتوتر
من الحاجات بردو اللي بتخفف الأعراض لكن مش بتشيلها مضغ العلك
ودا عن تجربة شخصية وإن كنت لاأعلم سندها العلمي ..
دوا بآ يريح من الأعراض دي ::
2-1 حبة كولونا قبل الأكل بـ 20 دقيقة
خاصة الوجبات اللي الواحد عارف انها بتهيج القولون عنده
هو مكونه الدوائي بيتعامل مع الأعراض
ولو ف إحساس بزيادة بالانتفاخ ممكن حبة ديسفلاتيل معاه ..


∞∞∞∞


لاحظت ان ف ناس بتاخد حبوب فحم
هي حبوب الفحم كويسة و عبارة عن adsorbent يعني بتمسك بعض المواد و السميات
بس مش ينفع تتاخد مع أي دوا تاني
يعني حكاية تاخد حباية فحم و كولونا فكرة فاشلة جداااااااااااا
لأن حبوب الفحم هتمسك المادة اللي ف الكولونا أو أي دوا غيره وتمنع شغله ..


∞∞∞∞


كدا خلاص
اللي عايز يسأل عن أي حاجه إضافية عن الموضوع
يكتبها بكمنت وهجاوب عليها إن شاء الله ..


∞∞∞∞


>> يعطيكم العافية <<

[Dr. AnOosHo]

تسلم ايدك ورلد على الموضوع المميز والمهم ده وفعلا القولون بقى مرض شائع

[Words Whisper]

اقتباس المشاركة الأصلية كتبت بواسطة @anoooooosh@ تسلم ايدك ورلد على الموضوع المميز والمهم ده وفعلا القولون بقى مرض شائع

يعطيكِ العافية ..
نورتِ ..

[حازم34]

موضوع مهم جدا عن اي بس اس



وهو منتشر بكثره الان للعادات الغذائيه السيئه وايضا الضغوط النفسيه


وعدم مضع الطعام جيد


ومشاهده التلفاز اثناء الاكل


والوجبات السريعه وما تحويه


لقد ابدعتم في السرد العلمي الجميل للموضوع المهم


وكذا ممكن استخدام


الليبراكس وهودواء مهم


لانه يعالج النفسيه ويعالج ايضا حركه القولون والامعاء


بالنسبه لحبوب الفحم وهي شائعه الاستخدام بكثره


فاني احذر منها صحيح انها تقوم بالادمصاص للغازات


وكذلك للادويه وغيرها من العناصر المهمه في الغذاء


ونوصي بعد اذنك بالتنبيه للنساء ال عندها القولون وتاخذ حبوب الفحم مع حبوب منع الحمل


لنها ممكن تعرقل عمل الحبوب


تسلمي يارب والله طرح جميل مفيد علمي اكاديمي عملي


لكي مني خالص التحيه والتقدير


تقبلي مروري

[ندوشه 2011]

تسلمي يا ست الدكتوره

[ابتسام القمة]

شكرا على المعلومات المفيدة

[ساحر الأحزان]

معلومات جميله منك د اسماء

احسنتي توضيحها بجميل المعلومات

يدوم جميل مجهودك الطيب

[~♥ Queen sozan♥~]

تسلم ايدك يا دكتوره

وانا شخصيا استفدت من موضوعك الراقي