وبعد خمس سنين

[دمعه حائره]

بسم الله الرحمن الرحيم
***
صباح الخير
بقالي فتره كبيره مادخلتش بدرى كده
اصل النهاردة يوم مش عادى وفيه مناسبه مهمه
زى النهاردة من خمس سنين 27-10-2010

سجلت فى المنتدى يمكن مش هاعرف احكى زى كل سنه
واقول ازاى عرفت المنتدى وسجلت فيه
وقد ايه كنت مبهوره وعالم جديد عليا
متلخبطه ولسه بتعرف على الناس
لانى حكيتها كتير..
بس هاقولكم احساسي النهاردة وبعد الفتره دى كلها
قريب اوى ليوم ماسجلت هنا..

لما براجع كل الذكريات اللى عدت بكل مافيها
سواء كان حلو او وحش بحس ان الفتره دى مش مرت على الفاضي
استفدت كتير على المستوى الشخصي
عدلت حاجات كتير فى شخصيتى سواء عزلةاو انى اعرف اعبر عن اللى جوايا
مارست هوايتى وكونت صداقات كتير مستحيل كنت اعرف اكونها فى الواقع

استفدت على المستوى العملى بقيت اعرف اتعامل مع الناس اكتر
مريت بكل المناصب والالوان وكتبت فى اغلب الاقسام
مسكت اشراف بعد شهرين من دخولى المنتدى كان قسم الخواطر
وآخر مرحله كانت الاداره..

عشان كده بقولكم احساسي النهاردة زى اول يوم سجلت
مفيش مسئوليه وبدخل عادى زى اى عضوة
مبسوطة اوى النهاردة انى لسه معاكم وبحب المنتدى
مكنتش فاكره يومها انى هاكمل كل ده
ونفسي نرجع كلنا تانى زى الاول
وكل الاعضاء اللى كانوا موجودين زمان يرجعوا
قولولي بقا كل سنه وانتى طيبه
واوعدونى انكم هاتفضلوا مكملين

[توحد ارواح]

كل سنه وانتي طيبه ودايما معانا يارب
فعلا انا اول اما دخلت المنتدي يوم مش ناسياه
صراحة كنتي اول حد رحب بيا وكنتي دايما تشجعيني
وكنتي نعم الاخت ليا وللجميع يشهد علي دماثة اخلاقك وحسن تعاونك
بجد انتي جميله وتستاهلي كل الخير
وكل عام وانتي هنا ومكملين وانتي معانا يا اجمل اخت

[العاشق الذى لم يتب]

كل سنة وانت طيبة
منة
اخت جليلة وجميلة فى كل أحوالك
ماشوفتش منك غيركل ماهو جميل وراقى
وهكذا تمرالحياة بحلوهاومرها
ولايبقى فيهاسوى الطيب
واناسعيد بيك وبتواجدك معانا
يارب ديمانلتقى على الخير
والمودة والمحبة
ربنايسعد ايامك وعمرك
ويباركلك فى اهلاك
ولايرحمناطلتك
كل سنة وانت بالف عافية

[كريم*]

كل سنة وانتى طيبة اختى
خلال اعوامك تركتى بصمة واثر طيب
شهد بيه الجميع ربنا يجعلة فى ميزان حسناتك

[♥○ moOoOoOna ♥○]

ربنا يخليكى لينا

وانا شاركت من سنه واحده بس

لكن عجبنى جداً المنتدى فيه شخصيات محترمه جداً

وناس كتير بحب اتكلم معاها واستفدت بردو من حاجات كتير ومعلومات كتير

[فداااااااااااء]

كل سنة وانتى طيبة منون

ويارب تفضلى دايما معانا

وانتى شخصية رائعة وقلم مميز قمرى

يدوم تواجد روحك الحلوة بينا

[*قمر*]

كل سنه وانتي طيبه ومنوره المنتدي
ودايما يارب موجوده ومكمله معانا

[جنون قلب]

فعلا الوآحد مينفعش ينسى لحظــآت زى دى
برضه لسه فـآكر أن سبب شهرتى فى المكـآن هنــآ
وسبب ان الاعضــآء تعرفنى كُنتى انتى
من خلآل موضوع اجدد عُضو
وكمــآن رحبتى بيــآ فى موضوع الترحيب المجنون بتــآعى
كل حــآجه هنــآ الوآحد مينفعش ينسـآهــآ
زى أول مره اكتب قصه .. كـآن بنـآءآ عن طلب اخت فـآضله
فكره انى اكون مشرف .. وثقه النــآس
وكمان فكره انى مسبش القلم ابدآ
كان المنتدى السبب فى ده كله
إن شاء الله تمر السنين واحنــآ مع بعض ..



كل سنه وانتى طيبه اختى
دُمتى دومــآ ك آول يوم لكـ هُنــآ
ب التوفيق

[حـيـــــآة ❤]

كل سنةة وآنتي طيبہ ودآئمآ بخير ومعنآ حبيبتي،،
خمس سنين مده طويله
وانتي اثبتي نفسك وشخصك في كل سنه منهم..
بحييكي ع شخصك الجميل
دمتي بخير ومتواجده معانا دايما يارب

[حازم34]

اقتباس المشاركة الأصلية كتبت بواسطة دمعه حائره بسم الله الرحمن الرحيم *** صباح الخير بقالي فتره كبيره مادخلتش بدرى كده اصل النهاردة يوم مش عادى وفيه مناسبه مهمه زى النهاردة من خمس سنين 27-10-2010 سجلت فى المنتدى يمكن مش هاعرف احكى زى كل سنه واقول ازاى عرفت المنتدى وسجلت فيه وقد ايه كنت مبهوره وعالم جديد عليا متلخبطه ولسه بتعرف على الناس لانى حكيتها كتير.. بس هاقولكم احساسي النهاردة وبعد الفتره دى كلها قريب اوى ليوم ماسجلت هنا.. لما براجع كل الذكريات اللى عدت بكل مافيها سواء كان حلو او وحش بحس ان الفتره دى مش مرت على الفاضي استفدت كتير على المستوى الشخصي عدلت حاجات كتير فى شخصيتى سواء عزلةاو انى اعرف اعبر عن اللى جوايا مارست هوايتى وكونت صداقات كتير مستحيل كنت اعرف اكونها فى الواقع استفدت على المستوى العملى بقيت اعرف اتعامل مع الناس اكتر مريت بكل المناصب والالوان وكتبت فى اغلب الاقسام مسكت اشراف بعد شهرين من دخولى المنتدى كان قسم الخواطر وآخر مرحله كانت الاداره.. عشان كده بقولكم احساسي النهاردة زى اول يوم سجلت مفيش مسئوليه وبدخل عادى زى اى عضوة مبسوطة اوى النهاردة انى لسه معاكم وبحب المنتدى مكنتش فاكره يومها انى هاكمل كل ده ونفسي نرجع كلنا تانى زى الاول وكل الاعضاء اللى كانوا موجودين زمان يرجعوا قولولي بقا كل سنه وانتى طيبه واوعدونى انكم هاتفضلوا مكملين

اولا كل سنه وانتي بالف خير يارب وموجوده دايما ومنوره دايما

حقيقي انتي لكي بصمه كتير جميله وساطعه بالمنتدي

ووجودك شئ مهم في اجمل منتدي سائرا بكم منيرا بوجودكم

وكل الشخصيات الجميله التي به

وانا لي فتره صغيره بالمنتدي ولكني اشعر ان ها المنتدي قلعه من قلاع الثقافه

وبه نخبه طيبه جدا وكانهم اهل وفي بيت العائله الكبير الذي يضمهم

يارب تكوني موجوده هنا يارب كمان مائتي سنه وتنوري دايما وكل خمس سنين

تتذكري وتقولي لي عشره وعشرين وثلاثين ومائتي سنه

كلك ذوق وطيبه

واني لسعيد بتواجدي معكم

اسعدك الرحمن

ودمتي بكل خير

وكل عام وانتي بخير وسعاده