الغيرة .. " سؤال و جواب لادم "

[Eng Esraa]

¤ صباح الخير ع الجميع بقي ¤
يا رب تكونوا بخير دايما ..
اولا حابه اشكر امل ع فكرتها الجميلة دي
علشلن فعلا اجابات الاسئلة ليها فائدة كبيرة
للشباب او البنات .. و الاكيد ان الشباب هيتقنوا
الرد ع الاسئلة اكتر من البنت ..
لاكن انا .. هرد من اللي اعرفه و بشوفه و بس
و اخو يا بقي

منذ الصغر وبداية التعرف على المجتمع المحيط بك من أسرة وأهل وأقارب
لم تكن هناك فوارق تُشعرك بأنك كائن مميز أو مختلف عن غيرك

ثم يبدأ التدرج بالسن بك وتبدأ المعاملة تختلف معك

على أساس أنك رجل ... ومختلف عمن حولك من فتيات مثلا كإخوات أو أقارب

(1) السؤال ..... في أي سن شعرت بهذا الفارق ؟؟ وماذا كان رد فعلك ؟
وما هي أول تعليمات صدرت لك بهذا السن ؟؟

انا شايفة ان من الطبيعي .. الشاب او البنت بيحسوا
بالاختلاف ف السن و المعاملة مع اختلاف ف تفكيرهم كمان .. و انا شايفة ان التغير ده بيبدا من مرحلة ثانوي اللي بنسميها مرحلة مراهقة .. بس ف ناس بيبقي تغير ليها للاحسن و ف ناس بيبقي
تغير ليها للاسوا .. للاسف لانه لما بيحس انه خلاص التعامل معاه ع انه بقي راجل .. بيبقي متخيل انه متاح ليه يعمل اي حاجة حتي لو عارف انها غلط تحت مسمي .. انا راجل .. و ده الغلط .


في مرحلة النضوج أو المراهقة كما يسميها علم النفس والإجتماع
رغم خطورة تلك المرحلة وصعوبتها على الفتيات والشباب أيضاً
إلا أن للشاب بتلك المرحلة متغيرات كثيرة تصيبه بالتخبط العاطفي مابين
الأهل والأسرة والأصدقاء ...

(2) السؤال .... من كان قدوتك بتلك المرحلة من السن ؟؟ وهل واجهت صعوبة
في التعامل مع من حولك ؟؟
هل تأثير أصدقائك كان أقوى أم أهلك ؟؟

انا تقريبا جاوبت ع السؤال ده فوق قبل ما اشوفه بس انا بشوف اكتر الشباب او البنات بيبقي
تاثير تفكيرهم و اصحابهم عليهم اكتر من الاب و الام
مع ان هما ف الوقت ده بيبقوا اكتر ناس بتخاف عليهم
لاكن هما بيكونوا فاهمين العكس تماما ...


خلال المراهقة تحدث تقلبات مزاجيه واجتماعيه متعلقة ببعض العادات المكتسبة
كشرب السجائر ... وكأنها أول إشارات التحرر من الطفولة والإحساس بالرجولة


(3) السؤال .... هل شربت السجائر ؟؟ وماذا كان رد فعل أهلك ؟؟
وماهو رأيك الآن في من يراها دليل على الرجولة ؟؟

السجائر فعلا ف شباب بتشوفها انها دليل
ع الرجولة و المشكلة انهم لما يفهموا بعد كده انها حاجة مضرة و ملهاش لذمة .. و عاوزين يبطلوها مبقوش يعرفوا .. انا اسلام اخويا مش شرب سجائر الصراحة .. كنت مش هبيته ف البيت معايا علشان ريحتها بتتعبني اصلا
بالنسبة لرد الفعل من الاهل .. ف منهم اللي بيتصرف بطريقة صح و بيصاحب ابنه و بيحاول معاه يبطلهاله فعلا .. و ف منهم اللي تصرفه غلط اللي بيتعامل معاه بعنف و قسوة و اللي بيقول هو حر ف نفسه . بقي راجل .. !


ان الإحساس الفطري لدى آدم بالسيطرة على حواء أيا كانت درجة القرابة
أو القرب ... إحساس لاينكره آدم ..

(4) السؤال .... هل انت ممن يشعر بنزعة الرغبة في السيطرة وفرض الرأي الفطري
والمنبعث من إحساسك بأنك الأقوى وصاحب الحق الأول في القوامة ؟؟

هو انا معنديش اجابة بالظبط ع السؤال ده
بس اللي اعرفه ان الخوف و الغيرة ..
غير التحكم و السيطرة المفرطة ع حواء ..
بعض الناس بتربط دي ب دي و انا شايفة
ان دي حاجة غلط ...

ايه ده انا كده خلصت
شكلي كده وقعت حاجة ف النص ههههه
عموما تسلمي مرة تانية امل و كان ليا شرف
ان اشتركت معاكي انتي ومحمود
و يا رب بقي تكون الاجابات ف مكانها
و مش اكون طولت عليكوا ..


******

[العاشق الذى لم يتب]

مين امل
وفين الاسئلة
كلام كبير اوى
وجميل وراقى
عن نفسى استمتعت
بالكمية الهائلة
من المعلومات
وطريقة سردك جمعت مابين الفضفضة والنثر
وخفة الدم والمعلومات
توبيك متكامل
تسلمى

[ŌиĹч.Ḿё]

منكم نتعلم يا فندم

[۩۩ elMagic ۩۩]

حلوه الاسئله والاجابات
لا واضح اخوكي مطلع عينك
يلا احســـن كلنا كده

[انجي_1]

ارد انا ؟
ولا الاسئلة للعيال الشباب بس ؟
نايس توبيك

[انجي_1]

بصي انا بما اني مليش اخوات صبيان
ولي اخت وحدة بس
ف فترة الثانوي وبداية المراهقة
كت بت مسؤولة جدا
مش هقول مكتش شقية ومعشتش سني
لاء ده انا صعت يعني وكل حاجة
وايام الثانوي كان في صحبات ليا وكنا ف السعات الي مفيش دراسة كنا نروح حفلات وكده بس مرة وحدة اتعزمت لحفلة
ف المغرب بنسميها - بوم - يعني حفلة فيها رقص شباب وبنات وكده
رحت انا وصحبتي والله بلبس المدرسة
ويلهوي علي شوفته هناك
بيرة وسجاير وحجات مسخرة
شوفت بعيني انا والبت الي كانت معايا
اتعزمنا نرقص ونشرب احنا كمان
بس لاء نوووووووووووو واااااااااي
خرجنا ومكملناش
ومن ذلك الوقت حلفت اني مرحش معاهم اي مكان ثاني
عشان عرفت ان طريقهم مش حلوة وهتجر لي مشاكل مع اهلي وهتخرب لي حياتي
سبحان الله ف فترة المراهقة كت عاقلة جدا وبوزن الامور ومكتش طايشة رغم ان فيا شوية شقاوة
ومن طفولتي لغاية فترة مراهقتي كان مثلي الاعلى ف الحياة خالي الله يرحمه
كان بيدلني عالطريق الصحيح ديما وكان ديما يهمه اني ادرس واوصل
وعلى طول متابعني وعارف بعمل ايه ومش بعمل
وهو كان حد مثقف وواعي وكت بفتخر بيه
للاسف مات ف فترة مراهقتي وافتقدته جدا
بس تصرفاتي بجد كانت مسؤولة رغم اني معشتش ف بيت فيه اب واخوات صبيان
وكانت ماما ديما مشيلاني المسؤولية
الله يرحمها
اديني رغيت يا اوختي
يارب اكون رديت كويس
سولام

[حازم34]

ما شاء الله شئ طيب

واسئله مهمه

و اجابات مفيده


يسلموا والله وما شاء الله

سعدت بالمرور

[الفيلسـوف]

تسلم ايدك ههههه بصراحه رد تلقائى جدا
تسلم ايدك يا ااسراء
وسعدت لوجودك القيم داخل ادم