يوميات اعضاء متفبركه .. الاشاعه الاولى

[Dr. AnOosHo]

كلنا بتمر في حياتنا اشاعات كتيره وناس بتفرك علينا قصص وتنشرها وتنقلها من شخص لشخص وتبقى مستغرب مين قال كده ومين طلع عليا الاشاعه دي وساعات بنخسر ناس بسبب انهم صدقوا الاشاعه ومصدقوش حلفانا ليهم بان ده محصلش .... النهاردة معانا اول عضو اتعرض معانا للاشاعه كلنا اكيد اتعرضنا لها ...ودي كانت اخف اشاعه اتعرضلها عضو من اعضاء المنتدى ..حبيت ابدا باخفهم صدمه وانزل بالتقيل بعدها بس اكتر ما ميز الاشاعه دي ان العضو كان حريص جدا انه يفهمنا ان الاشاعه دي غلط .. وحاول بكل طاقته انه يفسر الصح .... معانا ... العاشق الذي لم يتب ... استاذ رفعت على الصبح بدري حاول محمد انه يجيب اخر العاشق ... وكان موضوع الاشاعه ... ليه بتكلم عني !!! تعالوا نشوف الحوار سوا محمد : لما تحب تكلم حد ياريت متجبش سيرتي العاشق: سيرة مين وحد مين يمحمد بلاش كده اي حد بلغك عني كلام هاته هنا ويكلمني .. انا مالي ومالك والله مكلمت حد عيب يمحمد انت اكبر من كده محمد: هو عموما ياريت تكون قد المسؤوليه اللي انت فيها وتبطل تكلم عن الاعضاء وطبعا العاشق مسكتش ع كده .. بعت تاني والله ثم والله ثم والله منطقت كلمه عنك .. معنديش حاجه غير يمين الله .. لو مش مصدق يمين الله فولي اعمل ايه ؟؟ ولما تعب العاشق .. قاله لو كنت بتهز يبقى هزار ماسخ اما لو جد وبعد كل الحلفان اللي حلفته وكلامي ومش مصدق .. كانت نظرتي فيك اكبر من كده وليك الحريه.. قولي اعمل ايه؟؟ محمد شاف ان لازم يهدى لان العاشق جاب اخره وبعتله يعم خلاص اهدى الحوار كله متصور وحيتذاع عبر قنوات نوشه وده كان رد العاشق بعد ماجاب اخره : نرفزتني وغيظتني وقهرتني ايه رايكم ... لو كنتم مكان العاشق كنتم اصريتوا كده لحد متقنع صاحبك انك ماعملتش كده ومكلمتش عليه ؟؟ ولا جتقول انت حر تصدق متصدقش انا قولت معملتش وبراحتك ولا حتقول انا زعلان جدا انك ممكن تصدق حد يكلم عني وحش امال فين الصحوبيه!! وتعملها زعله؟؟ حتختار انهي موقف من التلاته؟؟؟

[Eng Esraa]

انا ممكن اختار ال 3 هههههه
هي الفكرة ان انا مصدقش حاجة غير لما
يحصل مواجهة بين الطرفين قدامي و اكيد
وقتها هيبان مين الصح و مين غلط ..
تسلمي ع الفكرة .. جميلة

[Steve Austin]

اقتباس ولما تعب العاشق .. قاله لو كنت بتهز يبقى هزار ماسخ

هزار ماسخ :d

اختار الموقف التاني بصراحة وع الله ما يتعملش فيا الموقف ده :d
مشكورة نوشة ع التنظيم ومشكور محمد ع المقلب ومشكور العاشق ع الوقوع ف المقلب ^^
ويدوم علينا الاشاعات والي منظمينها والي بيقعوا فيها

[واد حبيب]

العاشق كان طيب اوي
بس والله انا لما لقيتو اتعصب خفيت عنه
انا اختار رقم 2

[.Lamar]

بصى هو لو حصلت معاى موقفى هيكون خليط من التلاتة

يعنى لو انسان عزيز عليا

هساله و افهم منه و احاول اوضح له

وفى نفس الوقت هكون زعلانة انه مسالنيش قبل ما يزعل و صدق بسهولة اى كلام

و مرة اتنين

لو مصمم يبقى هو حر

انا وضحت وجهة نظرى و اللى ما يبقى عليك و سهل يخسرك

تبقى عليه بامارة ايه


وخفى علينا يا هنا شوية
احنا مش قد جنانك هههههه
تسلمى يا قلبى

[فداااااااااااء]

انا بقول ما اتكلمتش عنك صدق خير وبركة ما صدقش هو حر

انا هتخوت ههههههه

سلمتى نوشا يدوم الابداع

[۩۩ elMagic ۩۩]

ههههههههه
قلبك قلب خصايه اشيخ رفعت
كان واضح طبعا حرص الراجل انه يخرج بره دايرة الاتهامات دي
رايقه انتى انوشه وهتولعيها
ولع ولع ي عم

[حافظة القرآن]

لو كنت مكانه
كنت هحاول اوضح بردو انى معملتش كدة
هحاول كتير
لكن لو مصدقش فى الاخر فمفيش حاجة اعملها
ولو كان دة حد عزيز عليا
فممكن فى الحالة دى اتضايق ان المفروض يبقى فى ثقة شوية

تسلمى يا نوشة

[حـيـــــآة ❤]

رقم 2 بني ادمخ واثقه من نفسي ومن ال عملته وال ماعملتوش
هبرر موففي ليه!
عذرا ..
بس جامد الموقف
تسلم الايادي

[bobaOo]

هههههههههه..

حلوة الإشاعه دي..

تسلمي نوشه.