بيننـا الأيـــام

[شاعر الحب الحزين]

بيننــا الأيـــام هثبتلكـم إنـي قـادر أعيـش وحيــد

وإن حياتي مـش واقفـة علـى بشـر

ده أنـا حتـى وانــا بيـن أحضانكم كنت بحس إني بعيد

زي شمس غايبة بين الغيوم والمطر

بيننـا الأيـــام وهتشوفــوا إن قلبـي أقوى من أي جرح جديد

وإن غروركم قصاد عنادي مش هيبقاله أثر

مهما اتألم صعب استسلم أنا في الصبر معلم ميئسش أكيد

لاعبوني صعب تغلبوني فاهم لعبكم بالمختصر

مش عايز حاجة منكم لا ضمة كدابة ف حضنكم ولا لمسة إيــد

ما تمثلوش متحاولوش تلينوا قلوب قاسية زي الحجر

اتخدعت فيكوا مرة مش هتخدع كمان مرة معدتش السذاجة تفيد

وقعت ولا يقع الا الشاطر بس انا قادر اوقعكوا زي ورق الشجر

بيننا الأيام واللي جاي فعل مش كلام وقلب تاني صلب زي الحديد

قلب تاني غير اللي كان يقدر يتعامل مع كل البشر



شـــــــــــــــــــــــــــــــــــــ . حــــــــــــــــــــــــــــــــــــــــــــــــ