السِر ..)( أسرآر الآعضـآء

[جنون قلب]

بِسم الله الرحمن الرحيم ..

السِر ..)( يعنى ايه
كل منـآ لديه بعض الاسرآر يخفيها عن اقرب الناس اليه
ويحتفض ب بعضها ل نفسه ولآ يخبر بها احد
ولدى كل منا اسلوبه فى التعـآمل مع الاسرآر
وايضــآ لدى كل منا تعريف ل كلمه السر نفسها
وعن نفسى .. يوجد العديد من الآسرآر حتى لآ يعلمهـآ أقرب الآقربـآء
مجرد فضفضه لكن بطريقه مُختلفه
حـآولت اعرف بس ان انا اللى كده ولآ فى نـآس زيى
وعشـآن كدآ سـآلت آلآعضـآء

إيمــآن طَلعت ..)( قَـآلت
كلمه سر يعني حاجه خاصه بيا جدا لا تخرج عني
مهي ادام سر يبقي لازم تكون مخفيه
ممكن تكون اسرار قلبيه او احزان نفسيه
قلبي هو كاتم اسراري
نادرا لما اقول سر لحد


جَميل جدآ إن الوآحد يصـآدق قلبه ويكون هو كـآتم أسرآره
بس يا ترى ده كـآن رأى أطيـآف المـآضى


أطيـآف المـآضى قـآلت لمـآ سألنــآهــآ ..)(
سألتهـآ عن معنى كلمه السر قـآلت لينـآ ..؟!
هو الذي اخفيه بين ثنايا قلبي وفي منحنيات عقلي
لأخبئه عن الآخرين
ويبقى بداخلي سر لا يعلمه احد غيري
وعن ردهـآ فى كيفيه التعامل مع الاسرآر ..؟
اسراري غالباً شيء اخشى ان يعلم عنه احد
اما خوفاً عليه او خجلاً منه
عن كـآتم الاسرآر قـآلت ..!
كاتمها هو الاقرب لقلبي
وليس بالضرورة ان يكون الحبيب
هو الشخص الذي اعتبره انا من الجائز ان يكون صديق


إجـآبــآت مُقنعه ده اللى حسيته مع رد اطيـآف المـآضى
بس اللى حيرنى رد دكتور نوشـــآ

Dr.NoSha
السر بالمتعارف عليه اذا طلع من بين اتنين مبقاش سر ...
السر معناه شيء مخفي عن الكل
بالنسبه لي لو عندي سر مع انه من النوادر ...
الا لو عملت غلط فبخبيه وبعتبره سر ..
فعاده مافيش اسرار قوي في حياتي
لان بابا وماما هم صحابي اللي بناقشهم
واحكيلهم عن كل حاجه بتحصل معايا
ولو صل وفي سر بيبقى ماما هي كاتمه اسراري
انا طبعي وحش شويه مابثقش في مخلوق في العالم غير امي وابويا
لان مهما زعلوا منيي مستحيل يستغلوا اي سر حقوله
حتى اخواتي مع زمنا الجميل ده ممكن يستغلوا سري
محدش عارف الدنيا بتخبي ايه
وانا محبش احط رقبتي تحت ضرس مخلوق
وفعلا معتقدش عندي سر في حياتي لحد وقتنا ده ...
اما اذا بتعامل مع اي سر بيتقالي ...
بحطه بين قوسين الامانه ..
والحمدلله ولا مرة مقلت سر حد او اكلمت او لمحت بيه ..
ولو في حد حسيت انه عارف سر وبيلمح لي بيه عن شخص تاتي بقلب معاه 180 درجه وببقى عنيفه جدا لان بحسه عديم الامانه


وآضح جدآ أن نوشه عندهـآ أسرآر ده اللى حسيته من كلآمهـآ
وبرضه وآضح انهـآ صـآحبه صآحبتهــآ
نروح بقى دلوقتى
ل ـsad love
السر يعنى لى ما يوجد داخل مشاعرى وقلبى
كاتم اسرارى هو ربى لانى مش بحكى مع غيره
نوعيه الاسرار ما تتعلق بمشاعرى واحلامى وذلك لعدم التقدير
او الاستهانه به بعض الشى

محمود فى حـآجه عايز يقولهـآ بس خبـآهــآ او رجع فى كلآمه
دلوقتى بقى هنروح ل دمعه حـآئره

دَمعه حَـآئره ..)(
كلمة سر بالنسبه ليا هى بيتى وعيلتى
محبش اى حد يتدخل فيها ولايقحم نفسه فى خصوصيتها
ومش بعتبر دى اسرار قد ماهو خصوصيه بس
لكن لو كلام عام ومعلومات عاديه مافيهاش اى مشكله عندى
واقرب الناس ليا اخواتى اللى بحكيلهم اى حاجه بمر بيها
ووالدى قبل كل دول لانه هو قدوتى واكتر شخص بثق فيه
وفى المقابل بحترم خصوصيه الاخر جدا ومابحاولش اتعداها

النضوج الفكرى ل ابعد الحدود
نروح بقى ل التعليق اللى عجبنى جدآ
الاخت /
~schezOophrenia
امممم هو اسراري عامه مش بحب اقوولها لحد
لان محدش بيحس بحد ولا بيقدر حد وعامه بين البنات بحس انهم بييخبصوا ع بعض وكدا اه وربنا
امممم وماليش حد اني احكيله ع اي حاجه او افضفضله غير ربنا هو بس ال هيحس بيا مش حد تان
ولما بحب افضفض برده باجي اكتب ف مدونتى


تحسوآ انهـآ عارفه هى عايزه ايه
بغض النظر عن النفسيات اللى بتتكلم عنهــآ وبعيد عن موضوع الخبص

دلوقتى بقى مع .. / شاعر الحب الحزين
نشوف قـآل ايه عن السر ..

.)(
يا صديقي لو هقول مش هيبقى سر كده
هو لو نيجي للصح اقدر اقول ان كتير من الاسرار
بتبقى ذنوب بين العبد وربه وبيداريها عن الناس
والا مكنش فيه أسرار، كلمة سر نابعة من الستر اصلا
بالنسبالي لسه بدور على سر واحد لحاجات عديدة ومش لاقيه
معنديش اسرار وما احبش اعرف اسرار حد
بس لو هنصنف الكتمان والصمت من ضمن الأسرار يبقى انا عندي أسرار كتير
الاسرار اللي بخفيها عن الناس بحسب معرفتي بيهم
منهم اللي بداري عنه حبي وبيعيش السر كتير ويا الخجل
ومنهم اللي بداري عنهم ضعفي عشان ما يشمتوش
ومنهم اللي بداري عنهم وجعي عشان ما يتألموش بسببي
كتير اسرار بداريها عن الخلق وعن السطور وبتفضل بيني وبين ربي



يُتبع فى الجزء الثَــآنى ..@!

[جنون قلب]

الجزء الثــآنى من أسرآر اللآعضــآء .
مع .. رفعت
عَـآشق لم يتب ..
السرمش محتاج معانى
صفة معروفة عند الكل
وورد معانيهافى القراءان والاحاديث
وقصص الزمان
السريعنى كتم شيئ مهم
اى كانت نوعية اهميته عند البعض
2اكيد فيه اشياء لازم اخبيهاعن كل الناس
لكن ايه هى على حسب
3كاتم اسرارى /انالوحدى

مقنع ب كل اللى بيقوله .. يارب دايمــآ


دلوقتى بقى مع .. / eng esraa

قـآلت ..
معناها بالنسبة لي .. ان مش اي حاجة
يتقال عليها سر او اعتبرها سر بالنسبة لي
لان سر بالنسبة لي يعني حاجة كبيرة ..
لازم ان احافظ عليها .. نوعية الاسرار ..
مش حاجة معينة بالنسبة لي بس بم انه بقي سر
ف معني كده انه مش يخص اي حد غيري .. اي ان كان بقي .. انا بس اللي بحافظ ع سري
علشان مش بحس ان ف حد اعرفه
ثقتي فيه تبقي للدرجة دي .. اي حاجة ممكن تتعرف عادي . لاكن السر مش اي حد



امـآ بقى دلوقتى هنروح ل توحد اروآح .. مع انهـآ مش فاضيه
بتحتفل ب اللون آلآحمر

هى قــآلت .. لمـآ سـآلتهــآ
حابب اعرف معنى كلمه سر بالنسبه ليك
يعني ممكن نقول حاجه بنكتمها او نخفيها دا بالمعني الدارج
وكنت قرات مره ان معني السر هو ما يسره الشخص في نفسه من الامور
وايه نوعيه الاسرآر اللى بتخفيها عن اهم الناس
صراحة يعتبر مش عندي اسرار
ولو فرض ممكن مثلا اقعد ع المنتدي ليلة امتحان واقول لاخواتي خليه سر
يعني ممكن اقول نوعية الاسرار عاديه مش مؤثره اوي لدرجة اني اخاف حد يعرفها
ومين هو كاتم اسرآركـ
عامة انا مش بحب افضفض مع حد غير ماما
ولكن لو فرض حاجه سر يبقي لاختي الكبيره

جميل جدآ التعليق ده
دلوقتى بقى هنروح ب سرعه ل السفيره
نشوف رأيهــآ ايه فى الموضوع ده واكيد عندهـآ الخُلآصه
السفيره عزيزه قـآلت ..)(
السر هو الخبر ال ما احب يطلع علية احد لاسباب
سرية للغاية ...وسريتى اكيد لها اسباب .
ان اخفيت سر عن اهم الناس بيكون من اجلهم هم ولحبى
وخوفي عليهم لانى لو اخبرتهم لسبب لهم الاخبار عن السر
حزن والم ولربما صدمة ..فاوارى عنهم لاراهم سعداء وكفاية انا عارفة وحزينة ..
نوعية السر بتتوقف على الشخص المهم دا..ممكن السر يخصنى انا وممكن يخصة هو وفى الحالتين اكيد لمصلحتة اخبي ..
وهل هناك كاتم سر غير قلبي..وذاتى .فى ما يتعلق بالمشاعر وكدا يعنى ..اما هناك امور اخرى من اسراري
خارج هذا الايطار (لي صديقة واحدة وكانها انا اسمها ليلي
وهى جزائرية هنا معنا بمصر ...مكمن اسراري المباح بها اقولها لها فقط )

دلوقتى بقى مع فِدآء
نشوفهـآ قـآلت ايه عن موضوع السر
السر أمر ما ثقيل على قلب الفرد يخشى البوح به
كاتم الاسرار هو الشخص الذى يعلم جيدا عدم قدرة استيعاب من حوله لفهم ما يخبئه او يعلم ان الاسرار لها تأثير كبير يخشي الاصطدام به
التعامل مع السر غالبا بيكون الاجدر الكتمان مع التناسي حتى نستطيع العيش مع الاخرين بشكل طبيعى
اخبئ السر الذى لايقبل الظهور


جَميل جدآ جدآ دلوقتى بقى مع المنشــآوى
السر بنسبالي حاجة مينفعش تتقال او تظهر لحد ..
يا اما عشان آمنع مشكلة ..يا اما عشان آحفظ سمعة حد
يا آما عشان في حاجة حصلت معايه او موجودة ف حياتي
مينفعش آي حد يتعرف عليها او آكشفها لآي شخصية
وبنسبالي السر دا بيكون من الحاجات النوادر عندي
لآني معنديش ما آخفيه ع الناس وحياتي مكشوفة للكل
آو بمعني آصح زي الكتاب المفتوح لكل الناس وعشان يكون ف حياتي سر دا لازم يكون حاجة قوية ومينفعش فعلاً تتقال لآي حد ..كاتم آسراري الوحيد آتنين ف حياتي
آمي ربنا يخلهالي ..وف الحاجات اللي مينفعش تتقال لآمي آو آتحرج منها فيها ..واحد صحبي من الطفولة لحد الآن انا وهو نعرف كل حاجة عن بعض لدرجة لما حد فينا بيزهق ويمشي ومحدش من اهله يعرف طريقه ..احنا نعرف طريق بعض ^^ ونعرف اماكن بعض ..بس عاوز رغي تاني؟

لآ يا حبيبى كفـآيه انت ما صدقت .. انا عرفت ليه قلت ليا استنى ل بالليل
عشان تاخد فرصتك وترغى
بس رغى جميل
وبنختم بقى مع .. Rainsy

المهم كلمة سر بالنسبه لى اكون خارصه لو حد قالى حاجه وحد سالنى عن الحاجه ديه واتمنى برده ان اى سر او اى حاجه اقولها لحد مش تتقال لحد تانى
نوعيه الاسرار اللى بخفيها عن الناس !!!
كل الاسرار بصراحه عدا حاجات بسسيطه كدا وبعملها قصد ...
كاتم اسرارى ... اخووووووويا ربنا يحليه ليا ياارب يعرف كل حاجه عنى مهما كانت عمرى ما بخبى عليه حاجه


دلوقتى نُكون وصلنـآ ل النهـآيه
وعرفنــآ ازاى كل وأحد بيتعـآمل مع الاسرآر ..
بس بقى نوصل ل السؤآل آلآخير
إنت فى سر فى حيـآتكـ مخبيه عن اعز نـآس على قلبكـ .. ؟
وبصرآحه .

,,
ترقبوآ بوح الاسرآر ب طريقه مُختلفه
مـآ هذآ إلآ مُقدمه
دُمتم ب امـآن الله

[BaAnOtA 7eKayaa]

واو .. جميل اوى الموضوع وجميل كلامهم اووى ..

بصراحه انا ف اسراار مش سر واحد مخبياه عن اعز واحد ف قلبى وف حياتى بس هوه يصدقنى بس !!

[Eng Esraa]

جميلة خالص فكرة البرنامج
و جميلة الاجابات و الردود دي
تسلم اسلام ع مجهودك
بالتوفيق بقي

[ابو نصير]

جميله أوى جوووووووووو
طول عمرك خيالك كبير ومتمكن فى مغازلة الأخوه الأفاضل
بالتوفيق
ونحن فى أنتظار الجديد من ألاسرار التى من الصعب البوح بيها
لأن الله وحده هو الذى يعلم السر وأخفى
أخوك أبو نصير

[انجي_1]

ناااايس
يا صديقي ..

[جنون قلب]

Rainsy
طـآلمـآ اعز الناس على قلبكـ
قوليله واحكى ومتخـآفيش
وخلى قلبكـ جـآمد
وقد كل كلمه بيقولهــآ
واوعى تضيعى فرصه جـآيـآلكـ
انك تحكى لحد غالى عندكـ


نورتينى اختى
وخليكى قريبه من نفسكـ وحبيها هى تستحق ..

[Lamees]

نجم ومتألق جداً اسلام
البرنامج جميل جداً ومميز
ومجهودك واضح فيه
استمتعت جداً بأراء الأعضاء المختلفة
يودم التميز

[۩۩ elMagic ۩۩]

جميل ما تم سرده
الاسرار خصوصيات مرتبطه بالشخص ذاته
لا يسمح لأحد تخطيها إلا بموافقه صاحبها
وحينما يحدث ذلك ستفتقد الاسرار مزاياها في الخصوصيه
وتتحول الى كلام عابر قد يضر صاحبها
إن اختار الشخص الخاطئ للبوح معه بأسراره ،،
متميز كالعاده إسلام

[فداااااااااااء]

برنامج جميل اخى جنون

واحلى ما فيه رؤية كل فرد فينا للسر

رائع اخى دوام ابداعك