سافرت ******************,,

[دمعه حائره]

سافرت ******************

مصر هى أمى أتولدت فيها وأتربيت

شربت من نيلها وعلى أرضها مشيت

لايوم نكرت خيرها ولا لخرابها أتمنيت

عايش فيها بعافر وعلى رزقي ماتهنيت

ضاق بيا الحال وللغربة عمرى ماهويت

قولت أسافر وأجرب,, سافرت ******************

صحيح الغربة صعبة وأناعمرى ما أتذليت

تمر الأيام وأنا بحلم ,,وبقسمتي رضيت

لكن كرامتى دى غاليه قسما ورب البيت

داسوا عليا وقالوا أيه يعنى مصري بسيط

أموت ولايقولوا..انى جبان وليهم طاطيت

ورجعت تانى لبلدى,, ميت ولا أتزفيت

عريس فى السما صغير,, كان نفسي أفتح بيت

دى حكاية شاب مصرى سافر ومات فى ****************** ..

mena_hassan

دمعه حائره

[فداااااااااااء]

دى حكاية كتير من الشباب المصرى مش بس فى ****************** فى بلاد الغربة عامة

احنا مش بنعيب على دولة وانما على بعض سكانها اللى اتنزعت الرحمة والاخلاق من قلوبهم ونفوسهم

كلمات رائعة منون

سردك ليها مميز
قلمك دائما مبدع فى رسم الحالة
سلمتى غلاتى ودام نبضك الراقى

ودى لقلبك غلاتى

[♥○ moOoOoOna ♥○]

مصر ام الدنيا

و المصرى اكبر كتير من انه يهان فى اى حته

وناس كتيره جداً بتعزنا وعارفين قيمتنا

لكن ناس تانيه عندهم همجيه وبلطجه

طبعاً مش بتكلم على كل اللى فى البلد اللى بتتكلمى عنها

لان فيه ناس بتعزنا وعندهم اخلاق .. مش هعمم

[Eng Esraa]

المصري اكبر من ان حد
يجي عليه او ع كرامته ..

تسلمي حبيبتي
كلام جميل

[ايمان طلعت]

لا حول ولا قوة الا بالله
رحمه الله وصبر اهله
كتير بيتذل عشان لقمه العيش
كلماتك جميله منه
وحكت حياته بكل سهوله
مثل ما مات بكل سهوله
تحياتي

[واد حبيب]

علي الزعم ان فيه تجوزات كتير من بعض الناس هنا
الا ان المصري كرامته غاليه اوي عليه ولا يقبل الاهانه ابداااا
احمد عاطف علشان مقبلش الاهانه ورد الاهانه للكويتي اللي شتمه حتي لما وصلت للضرب المصريين اجمعو مع بعض وكانو يد واحده ضد ******************ه ولكن لما الضرب زاد ******************ي دخل فيهم بسياره وكانت النتيجه موت الشاب احمد
بس للاسف لا يوجد سفاره في ****************** الواحد يعتمد عليها انها تجيب حق حد

مع العلم ان ده تاني مصري في اسبوع يموت مقتول في ******************
الاول علي يد سوري ضربه بسكينه
والتاتي
احمد عاطف تحت عجله السياره

[.Lamar]

عبرتى باسلوبك المتميز منون

رحمة الله و اسكنه فسيح جناته

هقول بس كلمتين

احنا ملناش كرامة و تقدير فى بلدنا

منتظرين غيرنا يعاملونا ازاى

تسلمى يا قلبى

[العندليب الاسـمر]

صدقيني يا استاذة منه
الموضوع اكبر من مجرد شاب مات في خناقة

لان ببساطة شديدة الخناقة دي وارد جدا ان الواحد يتعرض ليها حتي وهوة في بلدة ووسط اهله ويموت برضة عادي

لكن المصيبة السودة اللي احنا كمغتربين عايشين ومحدش حاسس بينا فيها

اننا في بلدنا اغتصبوا الحد الادني من المقومات الاساسية لكرامتنا الانسانية

وبالتالي بقي طبيعي جدا جدا ان يكون فينا الطمع برة بلدنا

لله الامر من قبل ومن بعد

رحم الله الشهيد – باذن الله – واسكنه فسيح جناتة

ونساله جل وعلا ان يعيدنا الي اهلنا غير خزايا ولا محرومين من رحمته ولطفه بنا

تسلم ايدك دمعة حائرة علي حسك العالي

[العاشق الذى لم يتب]

طبعا العالم كله
شاف ازاى المصرى وهو بيموت
بكل انواع الاهانة والمذلة
وشاف طبعا رد فعل الرئيس المصرى وحكومته
لمابعتوا طيارات حربية
وضربت ****************** وأخدت تارالمصرى
لله الامر
جميلة الكلمات
والاجمل روحك السمحة

[ندوشه 2011]

يا ساتر ربنا يرحمهم برحمته الواسعة اللهم أخرجنا من هذه الدنيا علي خير وحسبي الله ونعمه الوكيل في كل ظالم