[ للنقاش ] من المسئول عن هزيمة الاهلي من المقاصة ؟

[محمود الصاروخ]

السلام عليكم ورحمه الله وبركاته
خسر النادي الاهلي من المقاصه بهدف مقابل لا شيء ودخول اكرامي الشبكه
وهذا ليس موضوعنا ولكن أحببت أن أطرح عليكم موضوع للنقاش


المقاصه قص الاهلي في 3 نقاط
[ ياتري فين انجازات مجلس طاهر؟ طب فين رمضان صبحي يقف ع الكوره ]

ياتري العيب فين مين في مجلس الادارة انه مش متمكن
ومش مسيطر على الامور في الاهلي

ولا في اللاعبين وده مستواهم وفعلا ممكن فرق كتير تهزمهم
ولا في المدير الفني انه مش على مستوى نادي كبير زي الاهلي
أو أقولكو ممكن يكون العيب في الحكام !
ماهي نغمه بقي

ولا العيب في الجمهور انه هو روح الاهلي
وبدونه اللاعبين ولا ليهم اي لازمة



[ سؤال للنقاش ]
برأيك شايف ايه السبب ؟ وشايف العيب من مين ؟
وشايف انك ممكن تحكم ع المدرب الجديد من خلال الماتش ده ولا لسه بدري ؟
و من المسئول عن دخول اكرامي الشبكه ؟

تحياتي للجميع
محمود الصاروخ

[توحد ارواح]

من رايي الجمهور مهم بس النادي الاهلي خد بطولات من غير جمهور
زي افريقيا والدوري

المدرب سيرته فعلا لا تليق بالنادي الاهلي وده كان سبب غضب الجماهير الشديد
ومباراة امس اظهرت اخطاء كبيره وعدم قدرته علي ادارة المباراه بشكل جيد
منها الدفع براسي حربه متعب الذي لا يستطيع ان يلعب غير اخر ١٠ دقائق فقط
وانطوي الغير موفق بعد الاصابه
واستبعاده لاعبين مهمين من القايمه زي رمضان صبحي

ف معظم الاوقات صعب الحكم علي مدرب من اول شهرين مثلا

لكن هنقدر نحكم عليه بعد عودة الدوري بعد التوقف

تسلم ع التوبيك والتحليل

[واد حبيب]

شريف دخل الشبكه
ذي ما الشناوي دخلها بظبط

[شاعر الحب الحزين]

اولا مبروك الصدارة لحامل اللقب الزمالك

بصراحة من اجمل اهداف الدوري هدف المقاصة مبارح

لا امبارح مكنش فيه اخطاء مؤثرة للحكم ف ماتش الاهلي

بس كان في خطأ مؤثر ف ماتش انبي وسموحة

كان فيه هدف لإنبي اتلغى بحجة التسلل وهو هدف صحيح

بيسيرو لسه عايزله شوية وقت عشان يتأقلم مع الفريق

مستوى الاهلي مش هو حتى الماتش اللي فات فازوا بصعوبة ف اخر الدقايق


تسلم يا كابتن صاروخ

ربي يعطيك العافية

[۩۩ elMagic ۩۩]

عايز ايه من مدرب كل ما الصحفيين يسألوه اى أسئله يقول نفس الكلام
"كانت عندنا فرص مؤكده كتيره وكنا نستطيع الفوز" !
المبارايات مش بالفرص ودي لسته شماعات ليس لها قيمه بلغة الكوره
لان الكوره اهداف واقتناص فرص وتسجيل ،،
مدرب لسه مدخلش ف جو الدورى المصري وهيبقى ظلم الحكم عليه دلوقت
بس دخول متعب من البدايه وقعاد ايفونا ع الدكه وصالح جمعه واستبعاد رمضان صبحي
والناس اللى اكتفت بالتصوير بالتيشرت امثال الشيخ المفروض ينجز بقى ويستفاد منهم
انطوى غير موفق ف الكام ماتش اللى فاتوا
والناس اللى اتدلعت كتير زي مؤمن زكريا لازم يرتاحوا شويه
اخطاء ياريت يفكر فيها ويدرسها كويس
عشان يقدر يعوض في المباريات اللى جايه ،،

[محمود الصاروخ]

اقتباس المشاركة الأصلية كتبت بواسطة توحد ارواح من رايي الجمهور مهم بس النادي الاهلي خد بطولات من غير جمهور زي افريقيا والدوري المدرب سيرته فعلا لا تليق بالنادي الاهلي وده كان سبب غضب الجماهير الشديد ومباراة امس اظهرت اخطاء كبيره وعدم قدرته علي ادارة المباراه بشكل جيد منها الدفع براسي حربه متعب الذي لا يستطيع ان يلعب غير اخر ١٠ دقائق فقط وانطوي الغير موفق بعد الاصابه واستبعاده لاعبين مهمين من القايمه زي رمضان صبحي ف معظم الاوقات صعب الحكم علي مدرب من اول شهرين مثلا لكن هنقدر نحكم عليه بعد عودة الدوري بعد التوقف تسلم ع التوبيك والتحليل

هنرجع تاني ونقول اصل العيب في بيسيرو


منوراني دايما والله

[محمود الصاروخ]

اقتباس المشاركة الأصلية كتبت بواسطة واد حبيب شريف دخل الشبكه ذي ما الشناوي دخلها بظبط

بعيد عن انك مرديتش علي السؤال عموما
أو مناقشتش الموضوع وده مش جديد يعني
أحب اسألك سؤال في الموسم اللي الشناوي دخل فيه الشبكه
كان مين بطل الدوري و الكاس ؟
طب شوفت انت باسم عمل ايه مع اكرامي ف نهائي الكاس ؟


أقولك حاجه
أصل العيب في بيسيرو

[محمود الصاروخ]

اقتباس المشاركة الأصلية كتبت بواسطة شاعر الحب الحزين اولا مبروك الصدارة لحامل اللقب الزمالك بصراحة من اجمل اهداف الدوري هدف المقاصة مبارح لا امبارح مكنش فيه اخطاء مؤثرة للحكم ف ماتش الاهلي بس كان في خطأ مؤثر ف ماتش انبي وسموحة كان فيه هدف لإنبي اتلغى بحجة التسلل وهو هدف صحيح بيسيرو لسه عايزله شوية وقت عشان يتأقلم مع الفريق مستوى الاهلي مش هو حتى الماتش اللي فات فازوا بصعوبة ف اخر الدقايق تسلم يا كابتن صاروخ ربي يعطيك العافية

الخطأ التحكيمي وارد ع الكل وفي ناس مش عايزه تفهم كده
واكبر دليل هدف انبي الملغي اللي انت بتقول عليه
وفي كوره ل انطوي راح بيها انفراد امبارح ولو كانت جات هدف
كان هيبقي من تسلل وكان هيتحسب وعادي جدا

منور شاعرنا

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ عايز ايه من مدرب كل ما الصحفيين يسألوه اى أسئله يقول نفس الكلام "كانت عندنا فرص مؤكده كتيره وكنا نستطيع الفوز" ! المبارايات مش بالفرص ودي لسته شماعات ليس لها قيمه بلغة الكوره لان الكوره اهداف واقتناص فرص وتسجيل ،، مدرب لسه مدخلش ف جو الدورى المصري وهيبقى ظلم الحكم عليه دلوقت بس دخول متعب من البدايه وقعاد ايفونا ع الدكه وصالح جمعه واستبعاد رمضان صبحي والناس اللى اكتفت بالتصوير بالتيشرت امثال الشيخ المفروض ينجز بقى ويستفاد منهم انطوى غير موفق ف الكام ماتش اللى فاتوا والناس اللى اتدلعت كتير زي مؤمن زكريا لازم يرتاحوا شويه اخطاء ياريت يفكر فيها ويدرسها كويس عشان يقدر يعوض في المباريات اللى جايه ،،

يعني العيب من بيسيرو ولا ايه
منور أماجيك

[احساسى صحيح]

صعب الحكم على المدرب وهو جاى من الدار للنار
لانه مسك الفريق قبل الدورى باربع ايام فقط بعد ماتش السوبر
وتقريبا ميعرفش غير اللى شافه فى المباريات فى التلفزيون
والاشياء والمعلومات اللى قالها زيزو وعلى ماهر قبل تسلم الفريق
يعنى يعتبر اللى كان بيدير الاهلى الفتره دى زيزو ومساعدينه السابقين
لأنه مشى على كلامهم وتقاريرهم وتقريبا الاهلى محصلش فيه اى تغير كبير
هو صحيح كان بيفوز المباريات اللى فاتت بس كان فوز باهت بدون طعم
وبدون حتى لعب كوره حلوه المهم انه فاز وخلاص
ولكن السبب الحقيقى لهزيمة الاهلى ماتش المقاصه
إنه ظهر زيه زى اى فريق بالدورى يمكن يفوز ويمكن يتعادل ويمكن يتهزم
وهزيمته كانت طبيعيه لاداءه فى المباراه
يعنى لم يكن بالفريق المخيف بأسمه ولعبه ..

اكيد بيسيرو بعد الهزيمه هينسى كلام المدرب السابق وهيشتغل على فكره هو
واكيد هيعمل مباريات وديه
وهيقعد مع اللاعبين وقت اكبر يقدر يحكم على امكاناتهم ويقدر يقدم توليفه مناسبه
ويقدر كمان يقارن بين الجدد اللى ما اخدوش فرص زى حمدى زكى والشيخ
وصالح جمعه وكمان يعرف الطريقه اللى تناسب فكره

الموهم الحكم الصحيح على بيسيرو هيكون بنهاية الدور الاول
وقتها نقدر نعرف امكانات وفكر المدرب
ونحكم عليه حكم منطقى وسليم وعن تجربه حقيقيه

وشكرا صاروخ ع النقاش