مات الكلام

[جبل عالي]

مات الكلام جربت ..... تفرح ولا تغني ... وتطير زي الحمام ؟ أو ممكن تحب .. تعشق .. من غير ملام ؟؟ حاولت ... تدور جواك وتفتش .... متلاقيش كلام تصرخ ... تجري ...تسهر و تنسى المنام لقيت ..... كل حرف بيندهك يقولك ... مسكين مكسور قلب الغرام بريئة الحروف من كل ظلم وقسوة بيوصفوا نقطة في بحور آلآم مات الكلام .... على شفايف غرقانة وإيدين شايلة جبال وجع وكتير خصام أحلام تايهة ف السما من غير جناح مرفوضة وكمان حرام!!! صرخة أم بتنادي ...إبني راح فين الدوا ياولاد السلام ؟ غُربة ... ودار من غير حيطان وإنسانية ملوثة .. وعدم إحترام يبقى ايه معنى كل الحروف وايه معنى... كل الكلام ؟؟؟ مات الكلام !! جبل عالي

[شاعر الحب الحزين]

عندك حق مات الكلام

ويفيد بإيه الكلام لما الجرح يبقى اكبر من الكلام

ادينا بنهرب للسطور واحنا الشعور جوانا حطام


بس انتي يا جبل كلامك حياة

زي ما عهدتك كلماتك بتمس القلب

واحساسك عالي يا جبل يا عالي

يسلم فكرك ونبض قلبك الكبير

ربي يوفقك ويسعدك

[ابو نصير]

سيدتى
غُربة ... ودار من غير حيطان
وإنسانية ملوثة .. وعدم إحترام

يبقى ايه معنى كل الحروف
وايه معنى... كل الكلام ؟؟؟
جبل عالى
مات الإنسان فى عالم الإنسانيه من غير كلام
سيدتى سوف أكتفى بهذا القدر من الكلام
لأن بعد هذه الحروف على السطور سكوت ومفيش كلام
تحياتى
أبو نصير

[توحد ارواح]

عنوان جميل معبر عن كلام جوانا كتير

بس ف الاخر بنفضل عدم الكلام

جدا جميل

دام نبض قلمك الراقي

تقديري

[جنون قلب]

جِربت تِكون عَـآشق وجوآكـ كلآم جتير
وتعيش حيـآه طفل لسه صَغير
بيحــآرب فى آلآيــآم
نفسه يدوق طعم النوم
ويقـآبل حببته فى الاحلآم

طب جربت بسهم الحب فى قلبكـ
بيقولكـ أهلآ بيكـ فى دنيـآ آلآوهــآم


أختى الفــآضله
من آروع مــآ قرآت حقـآ
مَشكوره على روعه مــآ خَطه قَلمكـ
دُمتى أختى ب الف خير
ولآ تحرمينى رَوعه مـآ تكتبين
ب التوفيق لكـ .

[فداااااااااااء]

صدقتى غاليتى فالكلام قد قتل على ايادى قلوب وظروف قاسية

اصبح الصمت نهج حياتنا

رائعة دوما غاليتى جبل سلمتى وسلم رقى نبضك

[۩۩ elMagic ۩۩]

فعلا
مات الكلام
تسلمي لموضوعك بقن
دام نبضك

[السفيره عزيزه]

تصدم النفس ويتلعثم الكلام وربما يموت
ولكن سرعان ما يفك عقال اللسان ويصرخ السكوت
لا لظلم يفرض غطرستة على البيوت
ولا للياس يفت فى عضدد الصبر وينهار بينيان العزم سقوط
وكيف يموت الكلام ويحل مكانة فقط السكوت
وعندنا كتاب الله وسنة الحبيب وفية المعانى والعبر التى توزن
بالذهب والياقوت

احسنت حبيبتى ك عادتك دوما
حبي وودي واحترامي جبل
وتمنياتى لك بكل الخير
السفيرة

[حازم34]

اقتباس المشاركة الأصلية كتبت بواسطة جبل عالي مات الكلام جربت ..... تفرح ولا تغني ... وتطير زي الحمام ؟ أو ممكن تحب .. تعشق .. من غير ملام ؟؟ حاولت ... تدور جواك وتفتش .... متلاقيش كلام تصرخ ... تجري ...تسهر و تنسى المنام لقيت ..... كل حرف بيندهك يقولك ... مسكين مكسور قلب الغرام بريئة الحروف من كل ظلم وقسوة بيوصفوا نقطة في بحور آلآم مات الكلام .... على شفايف غرقانة وإيدين شايلة جبال وجع وكتير خصام أحلام تايهة ف السما من غير جناح مرفوضة وكمان حرام!!! صرخة أم بتنادي ...إبني راح فين الدوا ياولاد السلام ؟ غُربة ... ودار من غير حيطان وإنسانية ملوثة .. وعدم إحترام يبقى ايه معنى كل الحروف وايه معنى... كل الكلام ؟؟؟ مات الكلام !! جبل عالي

والله كلام جميل والمعني عالي كما جبل عالي

يسلموا والله


رائعه ومبدعه

مات الكلام

ما احلاها الابيات

تقبلوا مروري

[a7med -3del]

تمام التمام ياجبل الكلام
تحية من القلب