صنع بس في مصر

a7med -3del · منذ /11-09-2015, 08:20 PM

الفرعون.... واللي علي نهجه مكمل
المجنون..... عامل عاقل وبيمثل
جهل.... ومفيش
اسكت... تعيش
او بيع حشيش
واهرب بقي من الفقر
صنع بس في مصر

تتعب يدوب تعيش
واهو احسن من مفيش
تسرق هتسكن قصر
ايوة انت في مصر

غلبانين غلب السنين
شقيانين ويحس مين
شحاتين في كل عصر
ولسه برضه في مصر

ولا حد عارف مين اللي خان
والحق ضايع او جبان
والبركة في الاخوان
حجج ومالهاش حصر
شماعة بلدي مصر

همس الحنين · منذ /11-09-2015, 10:01 PM

نعم صنع فقط فى مصر

كل ماهو غريب ونادر وغير اعتيادى

صنع بأرض مصر

بل وبأيدى مصريه

قلم مميز ومعبر

احترامى

شاعر الحب الحزين · منذ /11-09-2015, 11:43 PM

ولا حد هيتنازل ويعترف باخطائه

رغم انه باين وواضح للملأ

انتا كمان صنع في مصر بس انتا غير

يسلم مصنع الرجولة اللي انجب امثالك

شاعر الثورة الجميل ابو عادل منور الدنيا

مفيش كلام بعد كلامك يا فنان

ربنا يوفقك ويسعدك

ابو نصير · منذ /11-10-2015, 02:05 AM

صنع فى مصر بشر ينامون بعد العصر
وصنع فى مصر ناس مرحرحه فى القصر
والكل بيسأل متى النصر
من ظلم ملهوش حصر
وقريبا سوف يأتى يوم الفصل
أبو نصير
تحياتى للقلم الحر الذى يعبر عن حال وطن وشعب مازال يعانى من أنشقاق
فى وحدة الصف
منور

ندوشه 2011 · منذ /11-10-2015, 07:49 AM

.........استخفر الله العظيم.....

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

صنع بس في مصر

ابداعات الاعضاء العامية