بص و شوف

[ايمان طلعت]

اول مرة اكتب بالطريقه دي
فمش عارفه بقي هتعجبكم ولا لا


قرب قرب
بص و شوف
إعلان أخبار
برامج وقطوف
هنا فضايح
ياما هتشوف
وأعراض بنات
على كل القنوات
إتفرج و شوف
كله عالهوا
كله مباح
اعلان دجال
بيشوف البخت
الحق اوام
لا يسافر باليخت
تعالى و شوف
أخبار أوهام
فبرك واحتال
و اهي حرقه دم
و ضغط كمان
تعالي و شوف
برامج دين
معموله لمين
ماحناش عارفين
احنا مساكين
واهو كله مباح
حتى الافراح
بقي ليها قناه
واهو كله غزاة
العقل اهو تاه
ما تبص و شوف
برامج حوارات
و زعيق وخناق
كأنك في حارات
ولا مترو الانفاق
واهو كله نفاق
الفكر احتار
ما العيشه مرار
فين الاعلام
اهو حلم و نام
وكله اوهام
وابقى قابلني
لو صحي فيوم
من الايام
ولو هاب وقام
هنفتح العيون
ونسقف كمان
وهنبص ونشوف
و بالفرحه هنطوف

[ParoOo]

اول مره عجبتنى ومستنيه المرات اللى بعد كدا

[BaAnOtA 7eKayaa]

جامده والله يا ايمى منتظره حاجات حلوه زيها كدا

[.Lamar]

جميلة يا ايمى

واحلى حاجة فيكى

انك دايما بتجددى افكارك

تسلمى حبيبتى

[توحد ارواح]

للاسف بقي كل شئ من سئ لاسوء
جميل ايمي

دام نبض قلمك

تقديري

[ابو نصير]

والله العظيم باين عليكى هنتسجن قريب ياايمان
بص وشوف ونظام مكشوف
ويادى الكسوف
فين الليه وفين الخروف
وأعلام كفته وماشى على الحروف
وتعالو شوفو الحلوف
ابو نصير
أستمرى ايمان واضربى فى المليان علشان الماجيك ينبسط
هههههههههههههه

[جنون قلب]

حكَــآيه وآقعيه
تم سردهـآ ب طريقه مُبهجه
فأبكت القلب مع العين

مشكوره اختى إيمــآن
بجد تحفه .
وسردتى لنــآ وآقع مر
نرآه نصب اعيننــآ كل يوم
دُمتى ب الف خير

[العاشق الذى لم يتب]

والطريقة دى جميلة جدا
وسلسة
ورائعة الرسالة والمضمون
ربنايصلح احوالناجميعا
راقى القلم
دمت بخير

[حازم34]

جميله والله ويسلموا

فعلا صورتي الحاله المصريه بكلام مهضوم وخفيف

والاعلام وبص وشوف وكل شئ علي المكشوف

يسلموا علي الفكر الجميل الراصد للالم

متي يفيق الاعلام

ويكون بناء

يسلموا علي الطرح الجميل

[مــريــم]

احسنتى بما فيها من معان
حتى وان كان الشعر عامى
تقبلى مرورى
مريم