[ للنقاش ] ابراهيم سعيد Vs رمضان صبحي

[محمود الصاروخ]

السلام عليكم ورحمة الله وبركاته

الكثير منا يعرف ابراهيم سعيد وكيف كانت بدايته في عالم الساحرة المستديرة
وتنبأ الجميع له بأنه سيكون أفضل مدافع في تاريخ الكرة المصرية وكان مشروع
مدافع صلب يجيد التمركز وتم اختيارة في المنتخب وهو لم يتجاوز الـ 18 عام
ولكن بعد تسليط الاضواء عليه بدء انهيار لاعب كان متوقع له النجاح

والتألق بالاستعراض وكثرة التصريحات وخرج تركيزة من الملعب اللي الفضائيات
والاعلام وبالفعل انتهي مشروع نجم واعد

الأن ...

أري أمامي نجم أخر وهو رمضان صبحي لاعب الاهلي وهو لاعب صغير وتألق
وعلي المستوي الشخصي أحببت لعب رمضان ودائما احب مشاهدة في الملعب
قبل الاحداث الاخيرة وكان من الممكن أن يكون رمضان خليفة ابو تريكة
ولكن بعد أن أحس بالشهرة وبأن الاعلام يهتم به بدء نفس المعاناة والاستعراض
والوقوف علي الكرة معتقدا بأن الوقوف علي الكرة بحد ذاته انجاز لن ولم يتكرر
وها هو الان يفقد تركيزه بما تحمل الكلمه من معني ومؤخرا تم استبعاده
من المنتخب ورفض كوبر بالمطلق ضمه للمنتخب

[ سؤال للنقاش ]

هل تري أن هناك تشابه بين رمضان صبحي و ابراهيم سعيد
أم ان سيناريو ابراهيم سعيد مختلف ؟

تحياتي للجميع
محمود الصاروخ

[morshooo]

هههههههههه
هى الى يقف على الكورة بقت قله ادب
ومسخره وبتاع بنات
طيب هاتلى تصريح لكوبر قال فيه سبب استبعاد رمضان صبحى ^_^
لو كنت شوفت انتا بقى حلقه حسام البدرى من كام يوم
كنت هتعرف هو مع المنتخب الاوليمبى ليه الفتره الجايه
عموما كنت اتمنى تعمل المقارنه دى مثلا بين
عمرو زكى وابراهيم سعيد
وقت ماكان عمرو زكى نجم الزمالك ومنتخب مصر
ومكنش لسه مكملش 18 سنه واهو كان عاقل
او بين
شيكا و ابراهيم سعيد
بما ان شيكا موهوب وفى اعتقاد الزمالكويه انه احسن لاعب فى التاريخ
او بين
ميدو و ابراهيم سعيد
اهو ميدو بقى الى احتف وهو 17 سنه تقريبا
ولعب فى كل دوريات العالم واديك شوفت
المجلات الانجليزيه اخترته من اسواء لاعبين انجلترا
فى فترة من الفترات ^_^ .

هرجع بقى لسؤالك اصاروخ
عشان ماتقولش مش بترد على النقاش .

اقتباس هل تري أن هناك تشابه بين رمضان صبحي و ابراهيم سعيد أم ان سيناريو ابراهيم سعيد مختلف ؟

بصراحه مش عارف ايه سبب المقارنه من الاساس
انتا بتقارن لاعب لسه بيقول يا هادى وانا بقولك اهو رمضان صبحى
كلها سنه او سنتين بالكتير وهتلاقيه محترف ورمضان مش هيرجع مصر
تانى لما يحترف لان الجيل دا كل طموحاته الاحتراف زى
صلاح والننى وكوكا وتريزيجيه .
عكس فتره ابراهيم سعيد و عمرو زكى وميدو
الى كانو بيشيشو وبيشربو خمور فى عز ماكانو نجوم .
وعلى فكره انا مع الهجوم على رمضان صبحى وهو صغير
عشان يكون درس ليه لانه مشروع نجم ولما يحترف اعتقد
فى فتره صغيرة هنشوفه فى نادى كبير .

[محمود الصاروخ]

اقتباس المشاركة الأصلية كتبت بواسطة morshooo هههههههههه هى الى يقف على الكورة بقت قله ادب ومسخره وبتاع بنات طيب هاتلى تصريح لكوبر قال فيه سبب استبعاد رمضان صبحى ^_^ لو كنت شوفت انتا بقى حلقه حسام البدرى من كام يوم كنت هتعرف هو مع المنتخب الاوليمبى ليه الفتره الجايه عموما كنت اتمنى تعمل المقارنه دى مثلا بين عمرو زكى وابراهيم سعيد وقت ماكان عمرو زكى نجم الزمالك ومنتخب مصر ومكنش لسه مكملش 18 سنه واهو كان عاقل او بين شيكا و ابراهيم سعيد بما ان شيكا موهوب وفى اعتقاد الزمالكويه انه احسن لاعب فى التاريخ او بين ميدو و ابراهيم سعيد اهو ميدو بقى الى احتف وهو 17 سنه تقريبا ولعب فى كل دوريات العالم واديك شوفت المجلات الانجليزيه اخترته من اسواء لاعبين انجلترا فى فترة من الفترات ^_^ . هرجع بقى لسؤالك اصاروخ عشان ماتقولش مش بترد على النقاش . بصراحه مش عارف ايه سبب المقارنه من الاساس انتا بتقارن لاعب لسه بيقول يا هادى وانا بقولك اهو رمضان صبحى كلها سنه او سنتين بالكتير وهتلاقيه محترف ورمضان مش هيرجع مصر تانى لما يحترف لان الجيل دا كل طموحاته الاحتراف زى صلاح والننى وكوكا وتريزيجيه . عكس فتره ابراهيم سعيد و عمرو زكى وميدو الى كانو بيشيشو وبيشربو خمور فى عز ماكانو نجوم . وعلى فكره انا مع الهجوم على رمضان صبحى وهو صغير عشان يكون درس ليه لانه مشروع نجم ولما يحترف اعتقد فى فتره صغيرة هنشوفه فى نادى كبير .

ياغالي انت منورني دايما ده اولا
والوقف علي الكره مش قلة أدب ولا حاجه انا جبتلك لقطه لنيمار قبل كده
وقولتلك شوف رد فعل المنافس ولكن ده مش موضوعنا ولا الوقوف
علي الكره موضوعنا انا بتكلم في نقطه محدده ومش بهاجم رمضان صبحي
واكبر دليل ان كاتب في موضوعي ان انا علي المستوي الشخصي
معجب ب لعب رمضان صبحي وبخصوص التصريح ف اسامه نبيه
صرح بالكلام ده علي ما أتذكر علي اذاعة راديو دي حاجة

يابرنس انا اختارت رمضان صبحي حاليا لان الاستعراض يشبه
لاستعراض ابراهيم سعيد اما عمرو زكي حاليا معتزل
الموضوع للنقاش مش اكتر

انت دخلتني في ميدو وشيكابالاوعمرو ذكي مش عارف ليه !
بس ما علينا هيكون لينا مجال تاني للكلام عن المواضيع دي كلها
بشكل عام خلينا في موضوعنا

بخصوص موضوع الاحتراف ياغالي ودي وجهة نظري
رمضان صبحي هيعترف ولكن النهايه هتكون متوقعه كالعاده ياغالي
احنا معندناش غير محترف واحد وهو محمد صلاح اللي ناجح بشكل ملحوظ
ونهايته هتكون قريبه جدا في ايطاليا

انت فهمت الموضوع غلط ...
ابراهيم سعيد افضل مليون مره من رمضان صبحي ولكن ياريت اسمع ردك
علي السؤال بشكل أوضح ....

هل هناك تشابه بين الاتنين ؟ واحد أضاع موهبته بأفعاله والتاني
يسير بخطوات متسارعه لمصير الاول ؟

جميعا نري الان مستوي رمضان صبحي في النازل
ومن ينكر ذلك ماهو الا كارهه لرمضان صبحي

[morshooo]

طيب بخصوص سؤالك يا صاروخ
هى ايه الافعال الى عملها رمضان صبحى
خليتك تقول انه بيسير بخطواط سريعه عشان هيبقى زى ابراهيم سعيد

[محمود الصاروخ]

اقتباس المشاركة الأصلية كتبت بواسطة morshooo طيب بخصوص سؤالك يا صاروخ هى ايه الافعال الى عملها رمضان صبحى خليتك تقول انه بيسير بخطواط سريعه عشان هيبقى زى ابراهيم سعيد

يابرنس الموضوع واضح قدامك ....
اتفقنا او اختلفنا حول اخلاقيات او المزاج الخاص لابراهيم سعيد
ولكنه أفضل مليون مرة من رمضان صبحي وكان مشروع لاعب ونجم واعد
ولكن التألق بالاستعراض وكثرة التصريحات وخرج تركيزة من الملعب اللي الفضائيات
والاعلام وبالفعل انتهي مشروع نجم واعد


رمضان صبحي لاعب الاهلي وهو لاعب صغير وتألق
وعلي المستوي الشخصي أحببت لعب رمضان ودائما احب مشاهدة في الملعب
قبل الاحداث الاخيرة وكان من الممكن أن يكون رمضان خليفة ابو تريكة
ولكن بعد أن أحس بالشهرة وبأن الاعلام يهتم به بدء نفس المعاناة والاستعراض
والوقوف علي الكرة معتقدا بأن الوقوف علي الكرة بحد ذاته انجاز لن ولم يتكرر
وها هو الان يفقد تركيزه بما تحمل الكلمه من معني ومؤخرا تم استبعاده
من المنتخب ورفض كوبر بالمطلق ضمه للمنتخب

جبتلك الموضوع تاني
وحط الموضوع وااحداث رمضان صبحي الاخيره جنب اداء رمضان
في الفتره الاخيره او مستواه وانت هتعرف قصدي

ياسيدي الفاضل ده موضوع للنقاش وكتبت وجهة نظري !
قدام حضرتك سؤال للنقاش عاوز ترد عليه تمام
مش عاوز ترد عليه تمام برضه
انت دخلتني في مليون لاعب ومليون قضية
السؤال قدامك

[Mohamed zaki]

هناك فرق كبير بين هيما سعيد والصاعد الواعد رمضان
رمضان معملش حاجه يتعاقب عليها.
لو تقصد موضوع الوقوف على الكورة
لو كان ده فعل خاطيء كان من باب أولى أن الفيفا يصدر قرار بجعل تلك اللعبة خاطئة أو فاول لكن لاعيبة كتير بتعملها ومش بيحصل حاجه
دى وجهة نظرى المتواضعة...

[morshooo]

ههههههههههههههه
انتا عمال تقولى الاحداث الاخيرة الاحداث الاخيرة
هو الواد اتمسك فى قضيه اداب يابنى هههههه
عموما ياعم الحاج سؤالك اهو

هل تري أن هناك تشابه بين رمضان صبحي و ابراهيم سعيد ؟

الاجابه : لا
^_^

أم ان سيناريو ابراهيم سعيد مختلف ؟

مختلف

[محمود الصاروخ]

اقتباس المشاركة الأصلية كتبت بواسطة mohamed zaki هناك فرق كبير بين هيما سعيد والصاعد الواعد رمضان رمضان معملش حاجه يتعاقب عليها. لو تقصد موضوع الوقوف على الكورة لو كان ده فعل خاطيء كان من باب أولى أن الفيفا يصدر قرار بجعل تلك اللعبة خاطئة أو فاول لكن لاعيبة كتير بتعملها ومش بيحصل حاجه دى وجهة نظرى المتواضعة...

شوف ياغالي رمضان صبحي موهبه لا خلاف عليها
ولكن في الفتره الاخيره وتحديدا بعد تسليط الاضواء عليه
وكثرة التصريحات بعد مباريات القمه أدت اللي سوء مستواه بشكل ملحوظ

ياغالي وقفة الكوره مفيهاش حاجه وزيها زي أي حاجه في الملعب تمام
بس تقدر تقولي مين كان مع رمضان علي اللعبه ؟ مفيش حد معاه
وكان قدامه فدان في الملعب فاضي وده معناه انه استهزاء بالخصم
وهناك قانون في كرة القدم أنصح حضرتك بالاطلاع عليه
يقول الاستهزاء بالخصم خارج اطار اللعب المباشر عقوبته الانذار واسقاط الكرة
وهناك العديد من المواقف والاهداف التي تم الغاءها بسبب الاستهزاء بالخصم

والموضوع ليس له علاقه بالمعاقبه
الموضوع بان رمضان صبحي مستواه في النازل
بعد تسليط الضوء عليه في الفتره الاخيره

منور ياغالي

[محمود الصاروخ]

اقتباس المشاركة الأصلية كتبت بواسطة morshooo ههههههههههههههه انتا عمال تقولى الاحداث الاخيرة الاحداث الاخيرة هو الواد اتمسك فى قضيه اداب يابنى هههههه عموما ياعم الحاج سؤالك اهو هل تري أن هناك تشابه بين رمضان صبحي و ابراهيم سعيد ؟ الاجابه : لا ^_^ أم ان سيناريو ابراهيم سعيد مختلف ؟ مختلف

وهي دي الاجابه المطلوبه
منور ياغالي

[ParoOo]

ايه دا يا نهار اسود ازاى رمضان وابراهيم يعنى


هل تري أن هناك تشابه بين رمضان صبحي و ابراهيم سعيد

لا خاااااااالص
أم ان سيناريو ابراهيم سعيد مختلف ؟

مختلف اوووى بقن ..