ميدو يحكي عن الجبان والعبيط في تصريحاته عن محمد صلاح

[الفيلسـوف]

تحدث أحمد حسام ميدو المدير الفني للإسماعيلي، عن تصريحاته الأخيرة التي انتقد فيها محمد صلاح اللاعب المصري المحترف في روما الإيطالي، حيث قال إنه يفتقد للكاريزما.
وقال ميدو عبر حسابه الشخصي بموقع التواصل الاجتماعي "تويتر": ««من الطبيعي عندما تدلي برأيك في اي موضوع ان يتجادل الجميع عن ما قلته خاصة اذا كنت مثلي تقول رأيك بصراحة ولا تخاف من احد!!».
وأضاف: «ففيه الجبان اللي هيستنا يشوف الموجة رايحة فين وهيركبها من غير حتي ما يحاول يفهم انت قولت ايه».
وتابع: «وفيه المنفسن اللي فاكر كل الناس منفسنه زيه وما عرفش يعني ايه انك تقول رأيك بصراحة بدون اي حسابات».
وواصل: «وفيه العبيط اللي مشتاق لكلمة في الاعلام فصحفي كلمه ضحك عليه وهد منه كلمتين عملهم عنوان عريض».
وأكمل: «وفيه اللي يحاول يفهم انت قولت ايه ويقيم الموضوع وما يديلوش اكبر من حجمه».
واستطرد بقوله: «يعني ايه واحد عنده كاريزما؟؟ يعني واحد شغال في مجال ويخلي الناس اللي مش مهتمه بالمجال ده تهتم بيه وبأخباره الشخصية!!».
وأوضح: «يعني ممكن لاعيب كويس يقدر يخلي حتى الناس اللي مالهاش في الكورة حريصة على متابعة اخباره زي بيكهام مثلا، وفيه لاعيب جامد جدا بس ماعندوش الكاريزما اللي تخلي ناس مالهاش في الكورة عايزة تتابع اخباره زي ريفالدو مثلا!!».
وواصل قائلًا: «ساعات بتحاول تقول رأي وتلاقي كل واحد ياخده في الاتجاه اللي هو عايزه..لكن بالنسبةلك هيفضل رأيك هو وجهة نظرك الخالصة اللي قولتها وخلاص!!!».
وأتم تدويناته بقوله: «عموما قمة النجاح انك تقول كلمة وتخلي الناس كلها تختلف عليها وهو ده الهدف من الظهور الإعلامي!!».

[محمود الصاروخ]

الله ينور ياحوده
تسلم علي المتابعه الجميله