المشرف والمنتدي 1

[Magic Dreams]

السلام عليكم بما اني مش بدخل كتير حبيت انزل التوبيك ده عن طريق الترفيه اول ما قام المشرف من النوم لقى الموبايل بتاعه بيرن فلقى الادمن بتاع المنتدى بيتصل بيه الماجيك ,,, احمد انا :اصطبحنا واصبح الملك لله ......صباح الخير يا فندم احمد: خير هييجى منين الخير يا بية انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف انا: ليه بس يا فندم دا انا حتى مغسلتش وشى ودخلت على طول على المنتدى احمد : عموما ادخل شوف قسمك ودا اخر انذار ليك وانتهت المكالمه وانا طبعا مضايق وبيقول ايه بس ياربى اللى دبسنى التدبيسه السودة دى ماكنت عضو وميه ميه المهم دخلت على الرسايل الخاصه بتاعتي بقى القى الرسايل دى الرسالة الأولى السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف الرسالة الثانية مرحب مشرفنا ..... بقلك شوف : في عضو قاعدلي كل موضوع يرد عليا ويهذاني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ... الرسالة الثالثة ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس .... الرسالة الرابعة مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<<( مصدقه نفسها ) الرسالة الخامسة هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي وانا مال اهلى انا محدش بيثبتلك مواضيعك متتحرقى انتى و مواضيعك دا رده طبعا الرسالة السادسة ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ... الرسالة السابعة مساك زي الفل يا سوبر ستار المنتدى ... بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت (ماهو دا اللى ناقص) الرسالة الثامنة يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي صحيح الى ميعرفش يقول عدس الرسالة التاسعة حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي الرسالة العاشرة (توحد ارواح) السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ... الرساله الحادى عشر لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا ( مهي دي اخرتهاااااا فتحنهاااا عالم سمسم) الرسالة الثانية عشر أزيك يا بوب انا بس كنت عايز أعرف أعمل اية علشان أبقى مشرف القسم الأنت ماسك أشرافة أصل أنا عايز أبقى مشرف (لا والله) وانتظرونا بقا مع مشرف المنتدي

[شاعر الحب الحزين]

ههههههاي ما انتا مدلع الدنيا اهو يا عم ادم

بس حلوة الفكرة جدا وبصراحة استمتعت وانا

بقرأ اسلوبك جميل وانتا كلك على بعضك حلو

منور الدنيا يا باشا

ربنا يوفقك ويسعدك

[مــريــم]

هههههههه
جميله مااشاء الله طريفه
ههههههههههههههههههههههه فى انتظار الباقى ال هى دلوقت ههههههه
ابدعت فى الكتابه باسلوب بسيط

[محمود الصاروخ]

عوده قويه منك يامعلم
بالتوفيق ان شاء الله

[ابن الحتة]

صباحك قشطه وعسل
بس ده مكرره يا غالى

[bobaOo]

هههههههع

عجبتني الفكرة

طريفه واسلوبك جميل

متابعه معاك بئا

تحياتي

[Dr. AnOosHo]

حلوة الفكرة دريم ... واسلوبك جميل متابعين معاك بقى

[توحد ارواح]

وعليكم السلام ورحمة الله

بالفعل توبيك جميل ترفيهي

[شاعرة الرومانسيه]

ههههههههههه

فصلتنى من الضحك

صراحه أسلوب ترفيهى رائع وجديد

تسلم ايديك ----- متابعه

[Just Ahuman]

جميل جداً .. تسلم إيدك