[مقال] نجوم مصر تحت المجهر

[محمود الصاروخ]

السلام عليكم ورحمة الله وبركاته

للأسف - نجوم الكرة المصرية ليسو جميعا مثاللين كما كنا نحب
ومواهب عديده كادت ان تكون الافضل في العالم وليس مصر وافريقيا فقط

لكن مزاجية بعض اللاعبين واستهتارهم أحيانا وقلة خبراتهم أحيانا
تركت أثرا كبيرا في مشوارهم الكروي

مصر كانت ستكون أقوي بهم لو قوموا سلبياتهم
ولكن ماتزال الفرصه كبيره لنجوم مثل باسم مرسي و شيكا وشكري بأن يحققو المعجزه
فهم قادرون علي العوده من جديد فقط عليهم التركيز الشديد والاعتراف بالسلبيات
وسماع أراء الجماهير قبل النقاد ف مصر تحتاج أن تقوي بهم

وقبل ان ابدأ موضوعي اتمني لهم التوفيق لصالح منتخب مصر

موضوعي عن لاعبين مصريين أبدعوا داخل المستطيل الاخضر
وبالفعل جميعهم يملكون سحر خاص عندما يلمسون الكرة

هم نجوم مازالت الفرصه بالنسبالهم قائمه شرط الالتزام الجاد والاصرار
والأهم ان يكونوا عبره للاعبين اللاحقين هم والأخرون
أمثال أبو تريكه و حازم امام



أولا - شيكابالا



انه محمود عبدالرازق - شيكابالا
لاعب من طراز فريد أراه يملك كل المقومات ليكون الاعظم في افريقيا
ولا أبالغ ان قلت من عظماء العالم

فهوا تحديدا يملك كل المقومات - قوة جسمانيه وسرعه لا حدود لها
مهارات خاصه كالتصويب والمراوغة والتمرير السليم
أراه لاعبا متكامل من جميع نواحي ابداع الكره

ولكن تبقي له مشكلة الإلتزام الخلقي البحت

فـ شيكا كما نحب أن نطلق عليه انسان سريع الغضب وعصبيته لا حدود لها
وقت انفجارها وهذه هي أزمته الوحيده مع الجمهور المصري بصفه عامه

فالبعض يري أن نغفر له غضبه لمهاراته
والآخرون ينكرون ذلك - من مبدأ أن اللاعب عليه الإلتزام داخل الملعب وخارجه
وبالفعل لكلا الجمهورين كل الحق ولا أحد ينكر ذلك

ولكن في النهايه

شيكابالا لاعب لاغبار عليه فقط ينقصه الهدوء والإلتزام
ليكون من أعظم من لمسوا الكرة في تاريخ مصر
وسيجد مكانا في مصاف كبار وعظماء اللعبة في مصر وإفريقيا



ثانيا - باسم مرسي



انه باسم مرسي - الحاسم
مهاجم من طراز فريد للغايه يتفق الجميع على أنه من أفضل لاعبي
صندوق العمليات في الوقت الراهن

مهاجم قوي لا يخشى أي مدافع مهما كانت قوته
رائع في الإلتحامات مع المنافس في منطقة المناورات
يجيب ألعاب الهواء و صاحب رأس رائعة في التصويب

جاء إلى الزمالك كمهاجم رابع خلف قمر وسيسيه واحمد علي
ولكن حماسه وإصراره جعله مهاجم مصر الأول
يقاتل أمام المنافسين لإحراز الأهداف وإسعاد جماهيره

قدّم موسم منقضي ولا أروع

ولكن هذا الموسم لم يقدم ما ننتظره من مقاتل مثله
وكأنه بعد أن ضمن مكانا ثابتا في تشكيلة الزمالك لم يعد يهتم بالأمر
لا يبالي للفريق ام متراخي إلى هذا الحد أم أنه يعاني من حالة نفسيه سلبيه

أنا شخصيا أشك في الأولى

وأعتقد أن باسم مرسي ليس من نوعية اللاعبين المتراخين
وعزائي الوحيد أنه لا زال صغيرا وأمامه مستقبل واعد
ليكون أحد أباطرة الهدافين المصريين



ثالثا - عفروتو وشهاب الدين واحمد شكري



سأتحدث عنهم من نفس المنطلق نظرا لجملة التشابهات فيهم
فجميعهم لعبوا للنادي الاهلي وتقريبا نفس توقيت الظهور مع الفريق الأول
وبالفعل جميعهم لهم مهارة خاصه

فها هو شكري بتصويباته الدقيقه
وعفرتو بمراوغاته السريعه
وشهاب بقذائفه القويه

ولكن سرعان ما لمع نجمهم مع الأهلي وسرعان ما انطفئ
وأصبحوا أصدقاء لدكة البدلاء رغم منحهم الفرصة كامله
بل زاد عفرتو الطين بله بخلقه السيئ وسلوكه الغير جيد



رابعا - رامي عادل



انه رامي عادل
لاعب الأهلي والإتحاد السكندري والجونة الأسبق ولاعب المقاولون العرب الحالي
أتى من المقاولون إلى الأهلي وهو مدافع منتخب مصر

ولكن السبب الحقيقي في تراجع مستواه
من رأيي الشخصي هو النادي الاهلي

فقد تعاقد الاهلي مع اللاعب وهو لاعب اساسي في منتخب مصر
ومن ثم تعاقد الأهلي مع النحاس وفي ظل وجود الصخرة جمعه وشادي كابتن الفريق

أصبح اللاعب صديقا لدكة البدلاء ولم يستطع اللاعب إقناع جوزيه بمستواه
ولكن للحق كنت أراه أفضل من شادي محمد

وهذا رأيي الشخصيفاللاعب لم يقصر في تدريباته أو في بعض المباريات القليلة التي لعبها

وهنا أوجه كلامي لإدارة الأهلي

أنتم حرمتم منتخب مصر من مدافع مثل رامي عادل
وهذا اللاعب هو الإستثناء الوحيد عن القاعدة وهي ثقافة الأستمرار
فاللاعب مازال في الملاعب ويؤدي بكل إصرار وحماس
ويحاول التألق مع الفرق التي لعب لها






ما سبق ليس الا أمثله قليله للغايه من عينة هؤلاء اللاعبون أصحاب المهارات العديده
في مختلف المراكز بالمستطيل الأخضر فمنهم المهاجم الصريح ومنهم صانع الألعاب
ومنهم لاعب الوسط المدافع ومنهم المدافع - المساك

ولكن إن أردنا الحصر فحدث ولا حرج

فهناك ابراهيم سعيد ومحمد صبري ومحمد عباس
واحمد صلاح حسني وغيرهم الكثير والكثير

ملحوظه

اللاعب داخل الملعب ملك للجماهير وخارج الملعب ملك نفسه
لكن عليه المحافظه على نفسه لانه سيعود حتما لمالكه الحقيقي

أغلب حالات إنتهاء اللاعب كرويا تكون بسبب أخلاقه
فكم من لاعب تعشقه الجماهير وستجدهم جميعا من ذوي الأخلاق العاليه

والأمثلة لا حصر لها

فهناك علي ابو جريشه و حازم امام 14 و محمد ابوتريكه و الخطيب
وطه بصري و محمد حازم و شحته و عبدالحليم علي و حنفي بسطان
وعلي خليل و ثابت البطل و ابراهيم يوسف و تامر عبدالحميد والشيخ طه
والجوهري الكبير والصغير و شريف وحسين الفار

القائمه تطول وجميعهم كانوا من أصحاب الأخلاق العالية والمهارات الرفيعه

إنها ثقافه - ثقافة المزج بين المهاره والاخلاق
فعلي مستوى العالم ايضا أصحاب القامات الرفيعه هم أصحاب الأخلاق الحميده
باستثناء مارادونا

فهناك بيليه وزيدان ورونالدو - وغيرهم الكثير

وفي نهاية الموضوع
أعود وأكررالأخلاق قبل المهارة يا ساده



كل التوفيق لمنتخبنا المصري فيما هو قادم
واتمني ان نري نظرية عدم المجامله في قائمة منتخبنا
ومبارك علينا مره أخري وصول منتخبنا للمرحله الحاسمه من تصفيات كاس العالم

تحياتي للجميع
محمود الصاروخ

[Just Ahuman]

أولا تسلم إيدك يا محمود على الموضوع المُميز

بالنسبه لشيكابالا زي مانت قولت لسه القطر مفاتهوش .. بس من وجهة نظري إن بمجرد عودته للزمالك هيعود لعهده القديم وهيعمل مشاكل وبلبله فى النادي

نيجي لباسم مُرسي اللي يُعد أكبر علامات الإستفهام فى الوقت الحالي .. من وجهة نظري المتواضيع قلة مُستواه بدأت بمُجرد دخول محمود "كهربا" للزمالك .. حسيت إن باسم بقي أدائه مهزوز جداً .. مع إن وجود منافسه ده يزيده حماس زي زمان أما كان زي مانت ذكرت فى الموضوع خيار أخير بس شق طريقه من أنصاف فُرص حتي صار المهاجم الأوحد للزمالك ومصر ..

شهاب .. عفروتو .. شُكري .. هما اللى عملو فى نفسهم كده وبالأخص شكري وعفروتو .. الإتنين بيسيرو على خُطي لاعبين مشاغبين كتير وأكيد أنت عارفهم ..

بالنسبه لرامي عادل أنا شايف إنه متظلمش . رامي أخد فرصته آه مننكرش إن أي مُدافع كان هيبقي موجود فى الوقت ده كان هيبقي صعب إنه يشارك بس أنا شايف إنه أخد فرصته بس محافظش عليها

وبالنسبه للاعبين اللى ذكرتهم فعلاً القائمه تطول وممكن نضيف عليهم جمال حمزه نجم الزمالك السابق ... والكره ليست مهاره وفنيات فقط الكره ألتزام داخل وخارج الملعب وأخلاقيات .. وأكبر مثال أحمد حسام ميدو .. لو حافظ على نفسه كان زمانه بيلعب حتي الآن ... آسف على الإطاله .. وتسلم إيدك .. دُمت بود Mido

[حازم34]

تسلم يا كابتنا الجميل علي ها المقال الرائع

فكر جميل ومجهود طيب

انك حقا لرائع اخي

[شاعرة الرومانسيه]

مجهود رائع تسلم ايديك محمود

[محمود الصاروخ]

اقتباس المشاركة الأصلية كتبت بواسطة just ahuman أولا تسلم إيدك يا محمود على الموضوع المُميز بالنسبه لشيكابالا زي مانت قولت لسه القطر مفاتهوش .. بس من وجهة نظري إن بمجرد عودته للزمالك هيعود لعهده القديم وهيعمل مشاكل وبلبله فى النادي نيجي لباسم مُرسي اللي يُعد أكبر علامات الإستفهام فى الوقت الحالي .. من وجهة نظري المتواضيع قلة مُستواه بدأت بمُجرد دخول محمود "كهربا" للزمالك .. حسيت إن باسم بقي أدائه مهزوز جداً .. مع إن وجود منافسه ده يزيده حماس زي زمان أما كان زي مانت ذكرت فى الموضوع خيار أخير بس شق طريقه من أنصاف فُرص حتي صار المهاجم الأوحد للزمالك ومصر .. شهاب .. عفروتو .. شُكري .. هما اللى عملو فى نفسهم كده وبالأخص شكري وعفروتو .. الإتنين بيسيرو على خُطي لاعبين مشاغبين كتير وأكيد أنت عارفهم .. بالنسبه لرامي عادل أنا شايف إنه متظلمش . رامي أخد فرصته آه مننكرش إن أي مُدافع كان هيبقي موجود فى الوقت ده كان هيبقي صعب إنه يشارك بس أنا شايف إنه أخد فرصته بس محافظش عليها وبالنسبه للاعبين اللى ذكرتهم فعلاً القائمه تطول وممكن نضيف عليهم جمال حمزه نجم الزمالك السابق ... والكره ليست مهاره وفنيات فقط الكره ألتزام داخل وخارج الملعب وأخلاقيات .. وأكبر مثال أحمد حسام ميدو .. لو حافظ على نفسه كان زمانه بيلعب حتي الآن ... آسف على الإطاله .. وتسلم إيدك .. دُمت بود mido

شوف ياغالي
بالنسبه لشيكابالا زي ماحنا شايفين حاليا متألق مع الدراويش وعامل شغل عاالي
كل ماتش يلعبه يصنع هدف ويسجل هدف وماشاء الله بيقول بواجبات دفاعيه
لأول مره نشوفه بيها وموضوع اننا نشوف شيكا بالوضع الحالي ده
يدل انه راجع وهو عاوز يرجع مش احنا اللي عاوزينه يرجع
انا هتفق معاك في نقطه ان شيكا لو رجع الزمالك مش هيكون بسمتواه ده
بس هختلف معاك انه هيرجع لعهده القديم شوف ياغالي شيكا
بلغة الكورة جعان كورة بس اللي هيمنعه أنه يكون في الزمالك زي الاسماعيلي كدة
الضغوطات وهو ده سر انه متألق مع الاسماعيلي ان مفيش عليط ضغط
واهو مفيش أسرع م الايام وهيجي الزمالك وهنشوف هيقدر
يلعب تحت ضغط الجمهور والكلام ده ولا ايه
انا بتكلم حاليا علي شيكا انه ف ايده يرجع افضل من الاول وزياده

أما بخصوص كلامك عن باسم مرسي ف من وجهة نظري ان كهربا ملوش دخل فيها
السبب من وجهة نظري انه مهاجم أوحد وده ميليقش ب باسم مرسي
باسم مرسي محتاج مهاجم سوبر معاه في الفريق واتفرج علي باسم الحاسم

رامي عادل لو بصيت علي كلامي هتلاقيني نصفته هو شخصيا
وزي ماقولت ياغالي رامي انا شوفته مقصرش في تدريباته ولا المباريات القليله
اللي لعبها بالعكس كان مجتهد ويجتهد مع أي نادي يلعب له

حبيت أعلق علي ال 3 نقط دول واتفق معك في باقي كلامك ياغالي
أشكرك علي مرورك الجميل

[محمود الصاروخ]

اقتباس المشاركة الأصلية كتبت بواسطة حازم34 تسلم يا كابتنا الجميل علي ها المقال الرائع فكر جميل ومجهود طيب انك حقا لرائع اخي

كم جميلا ان أكتب موضوع ويأتي العمالقه للرد
أشكرك حازم علي مرورك الأجميل
منورني دايما ياغالي

[محمود الصاروخ]

اقتباس المشاركة الأصلية كتبت بواسطة شاعرة الرومانسيه مجهود رائع تسلم ايديك محمود

تسلمي اختي علي مرورك الأروع
منوراني

[Just Ahuman]

اقتباس المشاركة الأصلية كتبت بواسطة مـح ـ الصاروخ ـمود شوف ياغالي بالنسبه لشيكابالا زي ماحنا شايفين حاليا متألق مع الدراويش وعامل شغل عاالي كل ماتش يلعبه يصنع هدف ويسجل هدف وماشاء الله بيقول بواجبات دفاعيه لأول مره نشوفه بيها وموضوع اننا نشوف شيكا بالوضع الحالي ده يدل انه راجع وهو عاوز يرجع مش احنا اللي عاوزينه يرجع انا هتفق معاك في نقطه ان شيكا لو رجع الزمالك مش هيكون بسمتواه ده بس هختلف معاك انه هيرجع لعهده القديم شوف ياغالي شيكا بلغة الكورة جعان كورة بس اللي هيمنعه أنه يكون في الزمالك زي الاسماعيلي كدة الضغوطات وهو ده سر انه متألق مع الاسماعيلي ان مفيش عليط ضغط واهو مفيش أسرع م الايام وهيجي الزمالك وهنشوف هيقدر يلعب تحت ضغط الجمهور والكلام ده ولا ايه انا بتكلم حاليا علي شيكا انه ف ايده يرجع افضل من الاول وزياده أما بخصوص كلامك عن باسم مرسي ف من وجهة نظري ان كهربا ملوش دخل فيها السبب من وجهة نظري انه مهاجم أوحد وده ميليقش ب باسم مرسي باسم مرسي محتاج مهاجم سوبر معاه في الفريق واتفرج علي باسم الحاسم رامي عادل لو بصيت علي كلامي هتلاقيني نصفته هو شخصيا وزي ماقولت ياغالي رامي انا شوفته مقصرش في تدريباته ولا المباريات القليله اللي لعبها بالعكس كان مجتهد ويجتهد مع أي نادي يلعب له حبيت أعلق علي ال 3 نقط دول واتفق معك في باقي كلامك ياغالي أشكرك علي مرورك الجميل

بالنسبه لشيكا أنا أهلاوي بس هو من اللاعيبه اللى بحبهم و بجد نفسي أشوفه زي أول ما ظهر أتمني إنه يفضل كده لأنه لو فضل كده مش هيبقي إضافه للزمالك أو للإسماعيلي بس .. هيبقي إضافه للمنتخب وهيجبر هيكتور كوبر إنه يضمه .. وهيبقي ليه دور فعال فى الخط الأمامي ..

باسم منكرش إنه محتاج حد يسند معاه بس برضو أنا شايف السبب اللى أنا قولته جزء من الموضوع وعامل كبير ...

أما إختلافي معاك فى نقطة رامي .. بس برضو الإختلاف في الرأي لا يفسد من الود قضيه

تسلم على موضوعك مره تانيه

[ابن الحتة]

اللى محيرنى الكابتن شيكا
عامل زى الديناصور المغرور
دماغه صغيره ومخه على قده
مالهوش مستقبل وصدقونى

[محمود الصاروخ]

اقتباس المشاركة الأصلية كتبت بواسطة just ahuman بالنسبه لشيكا أنا أهلاوي بس هو من اللاعيبه اللى بحبهم و بجد نفسي أشوفه زي أول ما ظهر أتمني إنه يفضل كده لأنه لو فضل كده مش هيبقي إضافه للزمالك أو للإسماعيلي بس .. هيبقي إضافه للمنتخب وهيجبر هيكتور كوبر إنه يضمه .. وهيبقي ليه دور فعال فى الخط الأمامي .. باسم منكرش إنه محتاج حد يسند معاه بس برضو أنا شايف السبب اللى أنا قولته جزء من الموضوع وعامل كبير ... أما إختلافي معاك فى نقطة رامي .. بس برضو الإختلاف في الرأي لا يفسد من الود قضيه تسلم على موضوعك مره تانيه

لو تلاحظ في موضوعي ياغالي
هتلاقي كلامي كله لصالح المنتخب مش للانديه
وزي مانت قولت الاختلاف ف الرأي لايفسد للود قضيه

منور ياغالي