حلمٌ ضائعُ

[همس الحنين]

اقتباس المشاركة الأصلية كتبت بواسطة شاعرة الرومانسيه مش عيب ان الحكومه تفتح باب للحرفين المجتمع محتاج حرفين فى كل المجالات بالعكس انا شايفه انها فكره ايجابيه لم يعهدها المجتمع من قبل

جميل يا حنين مجتمع محتاج للحرفين واستحاله هننكر اهمية تواجدهم

بس ماطلبش من خريج طب وهندسه ولا شريعه وقانون واقوله اشتغل بياع ولا ميكانيكى كده ياخدها من بدرى تعليم متوسط ويكتفى والاهل وحلمهم بأبنهم

اظن فى ظلم كبير لما تختصر المجتمع فى فئة الحرف وبس

نورتينى غاليتى

[morshooo]

معتقدش يابسنت ان كل الموظفين
فى الدوله ابناء عاملين والا الدكتور فى المستشفى الحكومى
والده كان دكتور والا الموظف فى الكهرباء والده كان موظف .... الخ
مشكله الوظائف اعتقد انها فى كل مكان دا غير ان العدد السكانى بتاعنا
ماشاء الله عايز يجى 3 دول عشان يتم توظيف الشباب فيهم
انا اكيد معاكى ان ازاى اجتهد واخد شهادة واهلى يصرفو عليه
وفجاه بعد ما اخلص برضو يصرفو عليه .

[همس الحنين]

اقتباس المشاركة الأصلية كتبت بواسطة واد حبيب في ناس كتير دلوقتي بيقولو لو معاك مهنه احسن من التعليم ده علشان عارفين ان مهما اتعلمت اخرك تفعد علي القهوه تطلب شيشه تفاح

دى عقليات راكده الفكر لو استمرنا بمنطق حرفه افضل يبقى قول على التعليم السلام
انت عندك ابن شوف لما يبدأ يدخل مدارس وقتها هتتمنى تشوفه دكتور ولا مهندس ولا يعيش عيشة الغربه بره بلده وقتها فكرك نفسه هيتغير لانك عاوز لابنك الافضل يبقى منظومة الحررفين فقط منظومه غير متكامله

احترامى لك

[همس الحنين]

اقتباس المشاركة الأصلية كتبت بواسطة العاشق الذى لم يتب منظومة التعليم خاطئة من الاول مافيش دراسة جدوى ومافيش عمل من الاول ومايحتاجه سوق العمل وحكومة نايمة فى العسل

ممكن تكون منظومة التعليم فاشله

بس خلاص اتعلمنا واجتازنا كل المراحل فين حقنا

وفين حلمنا

اعتقد مش حابين الغربه وتعبها

شباب حابين التعب فى بلدهم وخدمتها

لكن حكومه عقيمه الفكر

سلم ردك

[همس الحنين]

اقتباس المشاركة الأصلية كتبت بواسطة ابو نصير سيدتى............ لا تعلمو العلم لأولاد السفهاء أو لأولاد السفله ابو نصير عندما يكون تاجر المخدرات يدفع رشوه ويدخل ابنه كلية الشرطه هل هذا يبنى مجتمع أم يفسد المجتمع.... ونقيس على ذالك فى مجتمعنا والمسؤول الأول على تعين هؤلاء سفهاء الوطن الذى جعل العلم حلم وجعل الجهل حقيقه تحياتى موضوع يستحق

الرشوة سمة سائده فى البلد

وبسببها انظلم جيل بل اجيال

وخصوصا جزئية ابناء العاملين دى

والقانون المدنى الجديد

مش بنقول وظائف اداريه بس تطوير المصالح فكريا يمكن تبقى منظومه متكامله نافعه مش روتينيه

وده يعمل الجيل الجديد ان اتاحت له الفرصه

تسلم لردك

[همس الحنين]

اقتباس المشاركة الأصلية كتبت بواسطة big bốss الوظائف و البطاله مشكلة العصر من سنوات مضت و لم يجد لها احد حل مشكلة كل الحكومات المتعاقبه لان عدد العماله اكبر من عدد الوظائف فيه تضخم و مفيش توازن محتاجين عمل مشاريع جديده و توفير وظايف للخريجين و ربنا يعين الشباب

لا فى كتير مصالح محتاجه عمال وموظفين بالعكس فى عجز كمان فى الموظفين

يا نور اغلب الوظائف مركونه لاصحاب الرشاوى وعشان المحسوبيات

وفى بلدنا حدث ولا حرج عن المحسوبيه

تسلم نور

[همس الحنين]

اقتباس المشاركة الأصلية كتبت بواسطة فداااااااااااء الوظيفة فى بلدنا اشبه بمهمة صعبة ولمن لا يملك الوسطة فهى مهمة تكاد تكون مستحيلة المشكلة ان الرد بيكون مافيش ميزانية لتعيين الشباب لكن فى ميزانية لرفع رواتب بعض الفئات الكبرى فى الدولة اظاهر احنا بنعيش فى زمن الاقطاع لا فى تعليم محترم ولا فى تقدير للمتعلم يللا نحن نعيش مصر فلا عجب سلمتى همس

الميزانيه بقت مخصصه لرواتب القضاه والجيش والشرطه

باقى الشعب دول كمالة عدد

يبقى خلاص نعينهم على الاقل تعويض عن الملايين المدفوعه للجيش والقضاه

انما تنظيم ادارى فاشل ويطالبو الشباب ان يكونو باعه ولا حرفيين

والله قمة الظلم

تسلمى فداء

[همس الحنين]

اقتباس المشاركة الأصلية كتبت بواسطة محمود أبوزيد وكأنكي أقتربتي من الجرح وكأن الدماء اذا سكنت عادت لتتساقط لامستي الواقع بحروفك ابدعتي وليس كلماتك بموضوع للنقاش بل بحقيقة لا سبيل للهروب منها فأنا كحاصل علي درجة ماجستير قد القوا بي خارجا وتميز عني دبلوم صنايع ابن الوساطة وحينما ذهبت انا وزملائي لنطالب بحقوقنا كان الرد قويا وتم حبسنا مرتين متتاليتين وكانت تهمتنا #الجريمة #دكتور لنا الله ولكي الله يامصر وتحيا مصر أنحنائي لكل حرف من احرفك همس أحترامي

اه عارفه تفاصل قضيتكم وتابعت حواركم كامنسقى الحمله

وحتى لما عرض البرنامج على الهوا انت نفسك شفت كلام المتصلين اغلبهم حاصلين على دكتوراه او ماجيستير والمهن حرفيه

وكل حلمهم وظيفه مش عشان اموال عشان الاستقرار

اتمنى ان تجد قضيتكم صدها وتصلوا لبر الامان

تسلم محمود

[همس الحنين]

اقتباس المشاركة الأصلية كتبت بواسطة morshooo معتقدش يابسنت ان كل الموظفين فى الدوله ابناء عاملين والا الدكتور فى المستشفى الحكومى والده كان دكتور والا الموظف فى الكهرباء والده كان موظف .... الخ مشكله الوظائف اعتقد انها فى كل مكان دا غير ان العدد السكانى بتاعنا ماشاء الله عايز يجى 3 دول عشان يتم توظيف الشباب فيهم انا اكيد معاكى ان ازاى اجتهد واخد شهادة واهلى يصرفو عليه وفجاه بعد ما اخلص برضو يصرفو عليه .

انا كلامى على اخر القرارات يا مورشو عدم تعين اى خريجى جديد من الدفعات الجديده قتل الحلم ببساطه

ثم الدكتور فى المستشفى الحكومى تقدر تقولى راتبه كام

ده بياخد 4 جنيه بدل عدوى

والقاضى 2000 جنيه بدل عدوى ياشيخ منتهى الظلم

عرفت ليه الخريجين الجداد نفسهم يستقروا ويتوظفوا

من الاخر المصالح الحكوميه محتاجه لكن فى سوء تنظيم واضح

وده من الحكومه نفسها

تسلم مورشو

[(طائر الشرق)]

الوعود منذ قديم الزمن

وسياسة التجويع لا تُطبق الا على الفقراء

وأصحاب الحرف ليبقى السجن الكبير يعمل

دون ضجيج لينعم الأكابر بكل ما هو حميل

طرح جميل ومميز

خالص دعواتى