أنا المغلوب علي أمري

[محمود أبوزيد]

أنا الشاب الي كنت تملي أقوم بدري علشان ألقي صباح وردي علشان أفطر أوام وأجري علي الاتوبيس وبنت جارتنا حبيتها ونظرة ساعتها وبعدي وأشوف الكل وكأني عايش عنتر بنات الكون ف تفكيري بتضحكلي وأبص ساعتها للشعر المسبسب أقول ياعيني عليا ياحلاوتي أنا الهادي ما بين نفسي وديما لما اطفي النور أسمع اغاني العندليب كأني ف الحياة رومانسي انا المنسي انا الي تملي بتمني يعود عمري لحياة مجنونة حبيتها ساعات كان عقلي ما يميز لكن حيز وجودي ف الحياة ضحكة ومش أكتر هموم الدنيا صدتني بقيت عايش ومش عايش بقيت علي نفسي مش بقدر انا العاطل في ظل نهاية مرسومة كانت مجهولة من صغري انا الصرخة الي خبيتها علشان خايف من الظلمة ويا كلمة تداوي شباب وتقتلهم ف ليه رافضة يادولة لو تعينهم انا المصري الي عايش قال علي ارضي ولكن هجروه بدري كفاية اكون هاجر نفسي انا اسمي تصدق ياااه نسيت اسمي فأنا المغلوب علي امري شعر لــ :محمود أبوزيد

[شاعر الحب الحزين]

مهما تنغلب على أمرك

في رب كبير عارف قدرك

اللي زيك ما يتغلبش

انتا الكسبان دايما بصبرك

دنيا فانية ما تساويش

اغلى منها حياتك وايام عمرك

اصبر وما بعد الصبر الا الفرج

سيبك من الخلق وسلم للخالق أمرك


تسلم يا حودة ع الكلمات الحلوة ف قالب حزين

بس للأسف واقعية جدا ومين يحس بالتاني

ربنا ينولك كل اللي ف بالك يا محمود

ربنا يوفقك ويسعدك

[همس الحنين]

نسيت اسمك

والله من كتر التوهه فى بلدنا نسينا حتى فين السكن

نسينا احنا مين وليه اصلا عايشين

نسينا حتى ذكريتنا لانها كانت فى يوم من وحى خيالنا

نسينا ان البلد لها قواعد ومحاسيب

واحنا هنفضل دايما فى القطار منتظرين

روعه خاطرتك محمود

يسلم قلمك

[فداااااااااااء]

من زمان والشعب بيعانى الامرين

ما فيش تجديد
سوى بصيص من الامور

لكن يظل المواطن غريق فى نهر البأس

سلمت اخى لروعة كلماتك

والله يصلح الحال