نظام فاشل

[د/ عبد الله]

من الطبيعى فى كل بلاد العالم أن تجد معارضةً تنتقد النظام الحاكم فى طريقة إدارته , فى مدى نجاحه فى تطوير الوضع الاقتصادى, فى مدى احترامه لحريات شعبه , فى الوضع الأمنى لبلاده........ إلخ.

لكن أن تجد نظاماً يتبع سياسة ( لا معارضة بعد اليوم) فكل من يعارض يُتهم بالخيانة والعمالة والإرهاب ويُسجن وأحياناً يُعدم وتارةً يختفى فلا يبقى له أثر
فاعلم أنه نظام ٌ فاشلُ يسعى لهدم كل شئ ليرتفع فوقه ولا يبالى من تحت الأنقاض.
أن تجد كل أجهزة الدولة من جيش وشرطة وقضاء وإعلام ومن يُسمّون رجالُ دين رهن إشارته ولا يرفضون له طلباً مهما كانت نتائجه ويدعون ليل نهار لدعمه والإذعان لأوامره , ثم تُفاجأ بعد كل ذلك بفشل ٍذريع فى كل نواحى الحياة سواءً الاقتصادية أو الأمنية أو حتى الأخلاقية , فتيّقن أنه نظام ُلا يصلُح لإدارة شركة صغيرة.

أعلم أننى قد أُتهم بالخيانة والانضمام لجماعة إرهابية. لكن للعلم فقط أنا لا أنتمى إلى تيارٍ سياسىّ أو دينى.
أرجو أن أجد نقاشا ًمحترماً من معارضى هذا الرأى , كما أرجو أن يتم نشرُ الموضوع.

[big bốss]

و مين قال أن نظام الحكم فى مصر و اداء الحكومه فاشل

دا ناجح و تكاتف الشرطه و الجيش و القضاء و الاعلام و رجال الدين وراه

دا دليل نجاحه لانهم بيمثلوا الشعب المصرى

و السجن مش للمعارضه دا للجماعات الارهابيه

و حجة انك لا تنتمى لاى تيار دى مبرر بيتداوله البعض للايحاء أن معرضة النظام

ليس جماعة الاخوان المسلمين

اخى الكريم انا مصرى و احب اقولك الرئيس السيسى انجح قائد مر على بلادنا

و كفايه دعاه الى التطرف و الثوره

انظروا الى غيرنا نحن راضيون بحالنا

[د/ عبد الله]

اقتباس المشاركة الأصلية كتبت بواسطة big bốss و مين قال أن نظام الحكم فى مصر و اداء الحكومه فاشل دا ناجح و تكاتف الشرطه و الجيش و القضاء و الاعلام و رجال الدين وراه دا دليل نجاحه لانهم بيمثلوا الشعب المصرى و السجن مش للمعارضه دا للجماعات الارهابيه و حجة انك لا تنتمى لاى تيار دى مبرر بيتداوله البعض للايحاء أن معرضة النظام ليس جماعة الاخوان المسلمين اخى الكريم انا مصرى و احب اقولك الرئيس السيسى انجح قائد مر على بلادنا و كفايه دعاه الى التطرف و الثوره انظروا الى غيرنا نحن راضيون بحالنا

وأنا والله العظيم مصرى ومش تبع الاخوان مش مدعى ولا حاجه ولو كنت تبعهم كنت هقول والله بس هى دى الحقيقة

وعلى فكرة قادة الجيش والشرطة والاعلام المضلل والقضاء مش هما دول الشعب المصرى

طيب ممكن حضرتك تقولى شوية من الانجازات اللى بتتكلم عنها ؟؟؟

[د/ عبد الله]

اقتباس المشاركة الأصلية كتبت بواسطة !lion hart! لا حول ولا قوة الا بالله ربنا لا تؤاخذنا بما فعل السفهاء منا !!

معلش ممكن تبينلى قصدك ايه؟
هل تقصدنى أنا بالسفهاء؟

[αЛαstoOorα]

عمتاً مبحبش آدخل ف نقاش سياسي مع حد مش هيتقبل النقاش او شايف انه صح والدونيا غلط
بس هرد علي سؤالك لنور وهو آيه الآنجازات اللي حققها ..وهنتكلم هنا ف آنجازات عام واحد
بس قبل ما نتكلم عن الآنجازات تشوف الآول الرئيس السيسي مستلم مصر آزاي ...تمام؟؟

اول حاجة الرئيس السيسي مستلم مصر فيها آرهاب آسود ومنيل بستين نيلة
ثاني حاجة استلم مصر وآقتصادها شبه واقع ..الجهاز الآداري كله بايظ علي مستوي البلد كلها
بالآضافة بقة الي موقف سياسي دولي غير معترف بآيرادة المصريين ف ثورة 30 /6
وكان بيمارس علينا ضغوط كبيرة من الخارج ...ومقاطعة الدول الغربية والآفريقيه للنظام في مصر
وتعليق عضوية مصر ف الآتحاد الآفريقي ووصول الآحتياطي النقدي لآقل مستواياته وكان بنسبة
15 مليار ؟
ووصول معدل البطالة الي 13 % تقريباً وعجز آنتاج الكهربة بلغ 4000 ميجا
وآرتفاع معدل الجريمة بشكل كبير بقت 4 آضعاف المعدل الطبيعي تقريباً
بالآضافة بقة للمشاكل اللي متركمة من عهد مبارك وهي الفساد والآهمال والتعليم والصحة
وترهل النظام الآداري بشكل كبير وتوتر الآوضاع الآقليميه ف ظل نمو البؤر الآرهابيه
جوه مصر وحولين منها ..وآنهيار المفاوضات بين مصر وآثيوبيا فيما يتعلق بسد النهضة
دا كدا آنا بختصر بس عشان في حاجات كتير ممكن تخليني آكتب للصبح معاك وآعرفك
الرئيس السيسي قعد ع الكرسي وهي مصر فين وف خلال سنة مصر بقت فين ؟
نيجي بقة للآنجازات
آول آنجاز قناة السويس الجديدة آو مش آول آنجاز نخليه آكبر آنجاز علي مستوي العالم

دا غير مشاريع الشبكة القوميه اللي آطلقها الرئيس واللي بتحسن من البنيه التحتيه وبتعيد رسم خريطة النقل والمواصلات واللي هي كمان هتساهم ف التنميه الآقتصاديه ودا آتحقق منه مشاريع كثيرة تقريباً بنسبة 50% من الآعمال المستهدفة وهيتم آفتتاح آكبر كمب منهم في آغسطس الجاي
نيجي بقة لمحدودي الدخل والناس الغلابة

الرئيس السيسي هو اللي طبق الحد الآدني للآجور وهو اللي خلي آقل راتب للفرد 1200 جنيه

بس دا كان بآعتمادة ماليه قدرها 9 مليار جنيه آخدها من الموازنه العامه للدولة ودا طبعاً في ظل

ان هو واخد مصر خرابه وعليها ديون وفيها آرهاب وخربانه من فوق ومن تحت ؟؟ آصحي معايه بس ^^

نيجي لمنظومة التموين والعيش الجديدة واللي آطبقت ف عهده واللي آستفاد منها 22 مليون آسرة
تم دعمهم ب 375 مليون شهرياً وضخ الصندوق الآجتماعي للتنميه و المشروعات الصغيرة بمبلغ
1.2 مليار للمشروعات الصغيرة ولمحدودي الدخل بآجمال 73.3 مشروع وتم تشغيل 165 الف عامل من العمالة غير منتظة ؟ خد بالك برضه ان كل دا ومصر خربانة من فوق ومن تحت ^^
نيجي بقة لآطلاق مبادرة مصر بدون غرامات لتحقيق الآمن الآجتماعي والبدء ف تنفيذ المشروع القومي للقرة الآكثر آحتياجاً ودعمه بمبلغ 500 مليون جنيه من صندوق تحيا مصر
وتنفيذ المرحلة الآولي من مبادرة الرئيس بتوزيع عشر تلاف رآس ماشيه للآسر المحتاجه ؟
وهيتم تنفيذ المرحلة التانيه ف الشهر الجاي ^^ كما تم رفع قيمة المعاشات للآسر الفقيرة بنسبة
50% ودعم الآسر الفقيرة نقدياً بمبلغ 6.7 مليار جنيه ليصل عدد الآسر المستفادة 2.6 مليون آسرة
كما تم آسقاط الديون عن 86 الف فلاح من المديونين بآقل من 10 تلاف جنيه ودا كان بآجمالي 200 مليون جنيه كما تم تخصيص مبلغ 18 مليون جنيه من ميزانية وزارة الآوقاف لمساعدة عدد من الآسر الفقيرة والمعدمه ..وبلغ حوالي المستفدين منها 109 الف مواطن تمام كدا يامعلم؟
نيجي بقة لآسترداد مصر ريادتها من خلال 27 زيارة خارجيه ونيجي بقة لآستعادة عضويتنا ف الآتحاد الآفريقي من تاني ^^ ومش بس كدا اترشحنا كمان لعضوية مجلس الآمن دا من بعد ايه؟؟ من بعد ما كنا ملناش وجود اصلاً ؟؟؟ دا غير بقة العقود والصفقات الآقتصادية والعسكرية مع
فرنسا والصين وروسيا واليونان وقبرص ..دا غير التوقيع اللي ما بنا مع السودان وآثيوبيا بشآن سد النهضة وحصلنا علي آعتراف دولي بآيرادة المصريين في 30/6 دا غير آرتفاع معدل النمو الآقتصادي وآنخفاض عجز الموازنه العامة نيجي بقة للكهربة
مجال الكهربة تم ضخ 3.6 جيجا إلى الشبكة في إطار تنفيذ الخطة العاجلة لإصلاح منظومة الكهربة، بالإضافة إلى التعاقد على 1300 ميجا وبدء التنفيذ فعلياً .
دا غير بقة آنخفاض نسبة الآرهاب آو القضاء الفعلي عليها ودا ظاهر جداً ^^
دا غير اننا ف امن وامان وفي جيش حامينا ولو قارنه نفسنا باللي حولينا ف آحنا في خلال سنة
بقة لينا وضع وقيمة وكلمة ف العالم ولا متبهدلين ف المخيمات ولا عندنا داعش ولا حد فكر يعمل علينا تحالف ^^
دا غير بقة آنجازات تانيه كتيرة ممكن اقعد آكلمك عليها للصبح لو عاوز تاني قولي ؟؟
طبعاً مش كل دي الآنجازات انا قولتلك بعضها بس
بس هنقول هي دي الآنجازات وهنقول ان كل دا تم ف سنة
بلاش سنة ويي او بلاش 18 شهر خلينا نتكلم ف السنة الاولي ولما تخلص التانيه نتكلم فيها ..كل دا تم ف ظل اننا كنا ف خراب فعلي وارهاب رسمي وضياع من كل حتة ..قولي انت بقة السنة بتاعة اللي قبليه حققت ايه؟؟ او قولي انت مين رئيس ممكن يجي البلد يحقق كل دا ف 12 شهر بس ف ظل الديون والخراب اللي آحنا فيه وقولي كمان فين الفشل ف دا ؟؟؟
ولما هو دا الفشل بنسبالك ايه هو النجاح؟؟؟

[د/ عبد الله]

معلش انا قرأت اول سطر ومقدرتش اكمل. نوع الخط اللى بتكتب بيه صعب قوى يعذب اللى يقراه.
بس اللى فهمته انك قلت انا مبتحبش تدخل فى جدال مع حد مش هيقبل النقاش.
بالعكس انا بتقبل النقاش جدا ومبشتمش اللى مش متفق معايه فى الرأى ولا ختى برد ع الشتيمة بشتيمة
ياريت تبينلى كلامك بخط مفهوم

[αЛαstoOorα]

اقتباس المشاركة الأصلية كتبت بواسطة abdoyousef معلش انا قرأت اول سطر ومقدرتش اكمل. نوع الخط اللى بتكتب بيه صعب قوى يعذب اللى يقراه. بس اللى فهمته انك قلت انا مبتحبش تدخل فى جدال مع حد مش هيقبل النقاش. بالعكس انا بتقبل النقاش جدا ومبشتمش اللى مش متفق معايه فى الرأى ولا ختى برد ع الشتيمة بشتيمة ياريت تبينلى كلامك بخط مفهوم

دا علي آساس آن الخط بتاعي يوناني عمتاً آنت مش لاقي حاجة تقولها
بس زي ما فهمت اني مبخشش ف جدال من خطي ..آكيد هتفهم الباقي برضه
من خطي اللي آنت مش فاهمه ولما تيجي تتكلم ف فشل هات ورقة وقلم
زي ما عملت كدا واقعد قول الرئيس السيسي عمل واحد اتنين تلاتة بالدلائل
والآرقام يا اما بناقص من الكلام المرسل والشعارات الزائفه اللي بتهاجم النظام
من فراغ وكراهيه ليس الا ,,,
ومش رادد تاني عشان خطي وحش

[big bốss]

انت بتتكلم عن الطياره هى دى سبب فشل الرئيس اما 11 سبتمر فى امريكا

نقول ايه عليها و احداث فرنسا يعنى اعته الجيوش و المخابرات بيضربها الارهاب

دى مش دليل على نجاح او فشل الرئيس يا حضرة

[د/ عبد الله]

طب الاول بس التعليق بتاعى فين راح فين؟

[حـيـــــآة ❤]

عامةً مع احترامي للجميع

النقاشات السياسية ممنوعه لانها بتؤدي الي نوع تاني من النقاش
عذرا ع التدخل
دمتم بخير