الزواج التقليدى رايكم فيه ايه

[ابن الحتة]

الزواج التقليدى باختصار ان تعتمد على ماما او بابا او حد معرفه
بالبحث لك عن عريس/ عروسه وما عليك الا القبول غالبا او الرفض قليلا
بعكس الزواج المودرن ان تعتمد على نفسك
انت مع اى طريقه
ليه اخترت الطريقه دى؟
وماهى عيوب الطريقة التانيه اللى انت ما اخترتهاش

[توحد ارواح]

يعني هي بتبقي حسب الظروف

احيانا الاهل يختاروا ويكون موفق

زي زمان كان الزواج تقليدي وبينجح وتمام


اما دلوقتي الحال اتغير واصبح الشباب لازم يختاروا

وفي كلا الحالتين مفيش حاجه مسلم بيها

يعني مش كل التقليدي ناجح و برده مش كله فاشل

وكذلك الغير تقليدي ممكن تلاقي تعارف وارتباط بين الطرفين

ولكن من الممكن ان تفشل الزيجه

كله توفيق من عند الله

طرح مميز شكرا

[۩۩ elMagic ۩۩]

هتلاقي اللى يقولك ان الاهل عندهم خبره
وهيختارو ليك الافضل
بس دلوقت الوضع اتغير
لازم انت بتجرب وبتختار بطريقتك
لان دي حياتك مش حياة حد تانى
وان حصلت اخطاء اكيد انت مش صغير
وهتكون متحمل كل المسئوليه
وفي العموم دا بيبقى وقدر نصيب
ومحدش يعرف نصيبه فين وهيحصل عليه ازاى
تسلم لموضوعك الطيب

[ابن الحتة]

لا توحد ارواح ولا الماجيك اختارا فقد هربا بذكاء

[αЛαstoOorα]

طب حد نبيه كدا يقولنا الآختلاف بين جواز الصالونات وبين الجواز التاني ^^

[همس الحنين]

انا ليا وجهة نظر بخصوص زواج الصالونات

اولا عيوبه

بيكون زواج قائم على الرسميات بعض الشئ

وصعب تحدد عقلية الانسان اللى هترتبط بيه

مميزاته

بيكونن قائم على العقل اكثر

واحيانا كثيره بينجح قصص الحب فيه

الزواج المودرن كما ذكرت

يمكن الميزه فيه

انك بتحب قبل الارتباط وبتختار بناء على صفات انت شايفاه او بتتمناها

بس مشكلته فى شئ واحد انه متسرع بعض الشئ

واى زواج قام على التسرع نسبة الفشل فيه اكبر

أنا بحب الارتباط عن طريق الشخص نفسه لكن مش شرط يسبق الارتباط قصة حب او لاء

يكفى يكون الشخصيه نفسها مناسبه لشخصيتى واكيد وانا على ثقه سيولد الحب بعد التفاهم

احترامى

[ارهابية وامى عرفة]

والله انا بشجع اللخبطة

يعنى اكون انا اختار الشخص وفى نفس الوقت اهلى موفقين علية

ولو موفقوش علية خلاص يبقى نصيب

لان الاهل بيكون عرفين مصلحتى اكتر منى

موضوع رائع تحياتى
كيفوك

[ندوشه 2011]

ما بيدومش الجواز التقليدي اقولك علي حاجه بلي جواز بلي قله عقل الواحده تقعد بكرامتها كدا في بيت اهلها بدل ما تروح بيت جوزها وتتهان وعلي راي المثل كلي لقمه وعيني العشره لوقت عوزه ههههههههه

[ابن الحتة]

اقتباس المشاركة الأصلية كتبت بواسطة همس الحروف انا ليا وجهة نظر بخصوص زواج الصالونات اولا عيوبه بيكون زواج قائم على الرسميات بعض الشئ وصعب تحدد عقلية الانسان اللى هترتبط بيه مميزاته بيكونن قائم على العقل اكثر واحيانا كثيره بينجح قصص الحب فيه الزواج المودرن كما ذكرت يمكن الميزه فيه انك بتحب قبل الارتباط وبتختار بناء على صفات انت شايفاه او بتتمناها بس مشكلته فى شئ واحد انه متسرع بعض الشئ واى زواج قام على التسرع نسبة الفشل فيه اكبر أنا بحب الارتباط عن طريق الشخص نفسه لكن مش شرط يسبق الارتباط قصة حب او لاء يكفى يكون الشخصيه نفسها مناسبه لشخصيتى واكيد وانا على ثقه سيولد الحب بعد التفاهم احترامى

وانا متفق معاك بنسبة 95%

[ابن الحتة]

اقتباس المشاركة الأصلية كتبت بواسطة ارهابية وامى عرفة والله انا بشجع اللخبطة يعنى اكون انا اختار الشخص وفى نفس الوقت اهلى موفقين علية ولو موفقوش علية خلاص يبقى نصيب لان الاهل بيكون عرفين مصلحتى اكتر منى موضوع رائع تحياتى كيفوك

ارهابيه عشره على عشره برافوا عليك