موضوع هيعجب كل البنات

[Mo chahin]

هكلمكم النهارده عن موضوع هيلاقي ترحيب كبير من كل البنات طبعا .......وعلي العكس تماما هيفاجا معظم تماسيح المنتدي .........لكن لو نتكلم جد شويه لقيت ان الكلام اللي هقوله ده سمعته من بنات كتير جدا .........يعني خلاصه تجارب شخصيه حبيت اجمعها في موضوع واحد .........
مش هنرغي كتير وهندخل في الموضوع وانا واثق انه شيق جدا

ياتري البنات بتفكر ازاي؟ عمرك فكرت البنت بتقول عليك ايه؟
عمرك فكرت البنت ممكن تفكر ازاي؟ (عقلهم كله فسافس) انا بقي فكرت ههههههههههه

شوفوا ياشباب البنات بيقولوا لنفسهم :

-- لو عاملتيه كويس هيقول عليكي بتحبيه ولو عاملتيه وحش هيقول عليكي مغرورة

-- لو لبستي كويس وشيك هيقول عليكي بتحاولي تجذبي انتباهه او انك متعاليه عليه ولو لبستي وحش هيقول عليكي فلاحه او معفنه عادي يعني ههههههههههه

-- لو حاولتي تكلميه كتير هيقول عليكي مزعجه ورغايه ولو سكتي وبقيتي هاديه هيقول عليكي عبيطه ومش عندك مخ اصلا (حقيقه والله ههههههههههه)

-- لو انتي اذكي منه هيقول عليكي انك بجحه ووشك مكشوف ولو هو اذكي منك هيقول علي نفسه انه عبقري وملوش حل (طول عمرنا )

-- لو انتي محبتيهوش هيقول عليكي انك مش بنت كويسه وماشيه مع طوب الارض ولو انتي حبتيه بعد فترة هيزهق منك ويسيبك ويدور علي غيرك

-- لو ماحاولتيش تبيني حبك ليه هيقول عليكي مش بتحبيه ولو عملتي معاه كده هيقول عليكي بنت رخيصه

-- لو كلمتيه عن مشاكلك هيقول عليكي بنت نكديه وبتاعه مشاكل ولو محكيتش له عن مشاكلك هيقول انك مش بتثقي فيه

-- لو رجعت في وعد وعدتيه يبقي انتي مش اهل للثقه ولو هو رجع في وعد قطعه علي نفسه هيقول انه كان مضطر يعمل كده ومعذور وعنده حق

-- لو انتي بتدخني هيقول عليكي مش محترمه ولو هو بيدخن يبقي راجل وجنتلمان كمان

-- لو انتي حليتي امتحان كويس يبقي حظك حلو ولو هو اللي حله كويس يبقي بذكائه وعبقريته طبعا

-- لو انتي جرحتيه في مشاعره يبقي انتي انسانه قاسيه جدا ولو هو اللي جرحك هيقولك انك حساسه زياده عن اللزوم

-- لو الكلام اللي فات ده قلتيه لشاب (تمساح) هيقول انه طبعا مش صحيح .......... ولو مش صارحتيه ومقولتيش يبقي انتي انسانه خبيثه وانانيه


الخلاصه : دي مجرد اراء قراتها وسمعتها وشفتها وعاشرتها (عصارة مرمطه الايام) وطبعا كله بعد مايقرا هيدعي عليا هههههههههههههههههههههههههههه

مش مهم المهم انك انت او انتي تبقوا فاهمين ان الكل فاهم وكمان الشباب يتاكد ان كيدهن عظيم وكمان البنات تتاكد اننا اذكي منهم ولو احنا مش اذكي بنبقي عاملين نفسنا مش اذكي ........... بمزاجنا يعني هههههههههههههههههههههه

كل التحيه للجميع مع احترامى لجميع البنات

محدش يزعل من كلامى يا بنات
تقبلوا خالص تحياتى


Dr. M!ro

[مغروره بس اموره]

ههههههههههههههههههههههههههههههههه

حكم والله حكم
ههههههههههههههههههههه ما عدا الكلام الى بين الاواس عندى تحفظ عليه
ههههههههههههههههههههه


بس دول فى الجون


-- لو انتي جرحتيه في مشاعره يبقي انتي انسانه قاسيه جدا ولو هو اللي جرحك هيقولك انك حساسه زياده عن اللزوم

-- لو الكلام اللي فات ده قلتيه لشاب (تمساح) هيقول انه طبعا مش صحيح .......... ولو مش صارحتيه ومقولتيش يبقي انتي انسانه خبيثه وانانيه

[مغروره بس اموره]

تسلم الايادى يا عمونا فل عليك:vb12:

[Mo chahin]

شكرا ليكى يا امورة
طب بالزمه تقدرى تقولى ان الكلام دا مش صحيح ؟

[مغروره بس اموره]

الصراحه ماقدرش

ههههههههههههههههههههه

[اوتار الحزن]

هههههههههههههههههههههههههههههههههههه
والله معاك حق كلام صحيح 100/100
تسلم يالغالي موضوع كتير حلو

[Mo chahin]

ههه
ايوة كده
الصراحه راحه

[Mo chahin]

متشكر ليكى جدا جدا يا اوتار

[مغروره بس اموره]

بس برضوا مع التحفظ على كلامك الى بين الاقواس

ههههههههههههه

[marwoo]

هههههههههههه يعنى نولع فنفسنا بقى عوزين تجننونا يعنى معاكو علشان كده بنتعصب قول لاخوك lemo0or احسن بيقول علينا بنولع من اى حاجه لما نشوف رايه ايه بقى فعمايلكم دى فينا