نهاية عاشق حطمته الظروف

[ابو نصير]

حكاية حبيب عاش حياته بيحلم ببنت الجيران عاش معها أجمل أيام حياته
داخل التوكتوك لففها مصر كلها ببلاش من غير متدفع قرش بس كانت على قلبه زى العسل وفى الأخر فلوسه راحت واتفلسع وكان من المتفلسعين
وده موش أول واحد ينهى حياته فى مستشفى المجانين ونعمل إيه بئى
القلب مايريد
..................
الحب ملسوع وبيلسوع فى الجته
وانا واد حبيب وشب روش فى الحته
وحلتيش غير توكتوك وبنطلون أسكينى وبسكلاته
ونفسى أجوز بنت الجيران قبل ماتبور
وتكولها العته
وامها ست حمشه وشنباتها زى شنب القطه
والراجل لا بيهش ولا ينش وعامل زى البروته
ملوش لازمه وبيهرتل وكلام هرهوته
ركنت التوكتوك وخبطت على الباب
وانا البوب والواد بركوته
وحبيبت القلب أول ماشفتى
أغمى عليها وجلها زغطه
بكلمى مين يابت على الباب ياحتة فروطه
ياما ده ابن الجيران الروش والعايق بركوته
أدخل ياواد ياشربات يامدوخ الحاره
من كتر اللف بالتكتوك والبسكلاته
طلباتك إيه ياولا أجوز حبيبت قلبى فارفوطه
أنا خريج جامعه ياحماتى يا احلى قطه
بنتى تبور أحسن وتعنس ومنرضاش
غير بالزلموكه
ولو شوفتك تانى هلم نسوان الحته
وعلى دماغك وندكك
وديه أخرتها ياحماتى تكسرى قلبين
وتؤليلى فكك
بركوته متزعلش من أمى وانت فى قلبى وبحبك
قفلى الباب يابت ده طلع
سكه وعاوز يسكنا ويسكك

ابو نصير
بركوته باع التوكتوك والبسكلاته وبنطلونه الجينز وقاعد على القهوه بيضرب
شيشه وبنجو وديه نهايت كل حبيب ضاع مستقبله على يد أم فرفطه
والزياره فى مستشفى الأمراض العصبيه والنفسيه مفتوحه طول الوقت
وللأستعلامات أتصل بزيرو 988 على الارضى لتحصل على جبيب هديه

[إيلاانا]

هو اسمه بركوته صراحة مايشجع الزواج منه

والأم لها شنب مثل شنب القطة


اسلوبك أخي كان بطريقة سرد جميلة واتمنيت انها ماتنتهي

أسلوب بطريقة مضحكة ومسلية ومنمق

حقيقة في الاخر هو نصيب هل يتوج هذا الحب

بالزواج او يظل سياجا منيعا حول حياتنا أو وجعا يخنقنا

ليقطع انفاسنا ونموت .. او مصيرنا فعلا لفكرا تألف

وعقلا شارد لا يعي غير من نحب

سلم نبض قلمك

راقت لي حروفك

لك خالص التقدير والاحترام

إيلانا

[bobaOo]

مش قلت قبل كده انا كرهت الحب وسنينه
ع الجواز والارتباط كلو

انا هروح افشكل💃💃💃

ههههههههه
لا بجد استمتعت
اسلوب مميز من نوعه في السرد

تسلم بئا

[ابو نصير]

اقتباس المشاركة الأصلية كتبت بواسطة boba0o مش قلت قبل كده انا كرهت الحب وسنينه ع الجواز والارتباط كلو انا هروح افشكل💃💃💃 ههههههههه لا بجد استمتعت اسلوب مميز من نوعه في السرد تسلم بئا

ياست الكل ده الواد بركوته يابوبا
صاحب أكبر موقف تكاتك فى مصر مع أحترامى لى كلهم
أهو اتفلسع
هههههههه
وحب إيه اللى انت جاى تؤول عليه علىى رأى الست سومه
منوره بوبا ربنا يسعدك

[انجي_1]

هههههههههههههههههههه
انت حكاية بقا يا عم ابو نصير

[ايمان طلعت]

حطه يا بطه يا فلفل شطه
امشي من هنا يا بركوته

توكتوك ايه يا موكوس
انا هجيب اجدع عريس

معاه فلوس وامي هتهيص
وانت فالمرستان روحت فطيس

جميله جدا ابو نصير
بتحكي واقع كتير من الشباب

[ابو نصير]

اقتباس المشاركة الأصلية كتبت بواسطة ايمان طلعت حطه يا بطه يا فلفل شطه امشي من هنا يا بركوته توكتوك ايه يا موكوس انا هجيب اجدع عريس معاه فلوس وامي هتهيص وانت فالمرستان روحت فطيس جميله جدا ابو نصير بتحكي واقع كتير من الشباب

يافهمانى
ياست الكل أيدى بتكولنى على حتة سياسه
وقولى للمنشاوى ميصحش كده
ههههههههههه
منورانى

[ابو نصير]

اقتباس المشاركة الأصلية كتبت بواسطة إيلاانا هو اسمه بركوته صراحة مايشجع الزواج منه والأم لها شنب مثل شنب القطة اسلوبك أخي كان بطريقة سرد جميلة واتمنيت انها ماتنتهي أسلوب بطريقة مضحكة ومسلية ومنمق حقيقة في الاخر هو نصيب هل يتوج هذا الحب بالزواج او يظل سياجا منيعا حول حياتنا أو وجعا يخنقنا ليقطع انفاسنا ونموت .. او مصيرنا فعلا لفكرا تألف وعقلا شارد لا يعي غير من نحب سلم نبض قلمك راقت لي حروفك لك خالص التقدير والاحترام إيلانا

منورانى ايلاانا
غايبه بئالك مده لعلى المانع خير
ابو نصير
يعنى الواحد يجوز واحده اسمها فروطه
هههههههههههههه
بس ليئين على بعض وفى الأخر ام شنب كسرت قلب عصفورتين
ههههههههههه
ربنا يسعدك

[ابو نصير]

اقتباس المشاركة الأصلية كتبت بواسطة انجي_1 هههههههههههههههههههه انت حكاية بقا يا عم ابو نصير

منورانى انجى..
الف مبروك وعليكى الواد بركوته
هههههههههههههه
تحياتى

[αЛαstoOorα]

بحبك لما تكون رومانسي ^^
خزعبلايه ممتعه وفيها رساله
وبطريق غير مباشر وصلتها
والآجمل آنها وصلت بدم خفيف

مثبت لمدة آسبوع ^^
بوناسيرآآ بقة