البت جميله جدا وما اجوزتش وفضلت لازقه جنب امها

[ابن الحتة]

البنت كانت اجمل حته فى الحته كبرت واينعت
الباب انهرى من كتر الخبط عليه ..الخطاب كتير ..ده بييجى وينكرش وغيره ييجى وينطرد وغيره وغير ه ..ده مناخيره عريضه والتانى طويل والتالت قصير
مهندس راح واتهندس وانكرش
طبيب راح واطبب وفى الاخر حظه مهبب
مع الايام صاحبة العفة بتكبر اتغير الخطاب ولازم
العريس ده عجوز ما ينفعش
العريس التانى مجوز اتنين ما يلزمنيش
ما عدتش بتقول لا مناخير ولا قصير
مع الايام اتغيرت الدنيا
تقدم لها جزارين بتوع لحمه
حدادين مصديين بيحبوا اللحمه
برضه صعبان عليها اللى فات ..واللى فات مات
تجيب الاطباء منين
والمدرسين راحوا فين
ما خلاص الورده قلت بهجتها وراحت ريحتها
واهى قاعده جنب امها ومعاها شبشب كل شويه تضرب نفسها

[phalsteen]

الاسلوب ساخر مميز
لانه ببساطه عرض حكاية نشوفها في واقعنا كتير
زي ما بنقول عندنا في الشرقيه
طلبوها اتبغددت سابوها اتندمت ^_^
وعموما كله نصيب
مبيتقسش بالجمال الشكلي هو الحوار
في حاجات كتير اولي

[bobaOo]

هههههههههههههه

بيتأمرو ع النعممه لغايه ماتزول

عجبني اسلوبك
تحياتي

[ابن الحتة]

اللى حصل ده حقيقى وبجد
منورين يا اخواتى

[دمعه حائره]

بيقولوا الحلوين حظهم قليل
تسلم على النشاط والتميز

[countess]

أكيد الواحد مش يركز في الشكل عشان أهمها المضمون شخصيه هي الجوهر

تشكر خييي

[ارهابية وامى عرفة]

هههههههههههههههههه

موضو جامد بجدبس تعليقى علية ممكن يكون
النصيب مجلهاش وهى مستنياة

بجد موضوع رئع تسلم ايدك

تحياتى
كيفوك

[Doaa Hammam]

على رأي المثل من كتر خطابها بارت

دي حكاية بنات كتير للأسف

تفضل تتعزز وتتبغدد لحد ما تبدأ فرصها تقل

تلجأ بقه لربنا يمكن يمن عليها بانسان كويس

[انجي_1]

للاسف ده وضع الكثيرات الي اتبطروا عالنعمة
كانوا فاكرين ان الجمال والصغر بيدوم
بس لما دارت الايام والحلوة كشت
بقت بتقبل باي حد
ده حتى الحد ده اتكبر عليها ومش عايزها
وبتقعد كده لا هي طايلة ده ولا ده
بصراحة ده واقع
ربنا يهدي البنات والاهالي
ده الرسول عليه الصلاة والسلام قال ووصانا
- من ترضون دينه وخلقه فزوجوه -
يعني سيد الناس اهو بيقول الدين والخلق
مقلش عنده ايه ولا كام ولا قصير ولا طويل ولا غني وفقير
ربنا يهدي البنات بقا وتعقل
ويهدي الشباب كمان
عشان احنا بقينا ف عصر الرجالة فيه قلت او بالاحرى انعدمت
الرجالة ماتو ف الحرب اصلا

[ابن الحتة]

انجى 1 كلامك عظيم بس مين بتفهم