كتَّر ألف خير

[د/ عبد الله]

كتَّر ألف خير....

كل اللى عاش فيكى الوهن... وداق مرار طعم العفن
كل اللى صبر.. ودفع من عمره التمن
يا إما يموت فيكى قتيل... يا إما يجيلك ف الكفن
يا إما يموت كل يوم ف الغربة ويفنيه الزمن

يا أم الغلابى والطيبين..... بشم فيكى ريحة الأمل
وأقول اللى جاى بكرة أحلى... أكيد هندوق فيكى العسل
ودَّو عسلك بس فين... مبقاش فيكى غير الحنضل
ورغم المرار اللى ف حلقنا.. قادرين نعيش ونكمَّل

ولحد امتى يا أمنا...... خلاص الصبر فينا نفد
لو فيكى حضن يضمَّنا .... مكنش القريب عنك بعد

[شاعر الحب الحزين]

جميل جميل جميل

للأسف هو ده الواقع اللي عايشينه وحاسينه

هي أم الدنيا اللي وسعت كل الدنيا

ربنا يصلح حالها وكل بلاد المسلمين

تسلم ع الكلام الجميل رغم الحزن والإحساس الصعب

ربي يعطيك العافية على مجهودك عبده

ربنا يوفقك ويسعدك

[جبل عالي]

صح لسانك رغم المرار والألم صابرين
صدق كلامك والباقي منا بيقول مكملين
طفل الأمل إتقتل وفات الضرع حزين

ياعالم بحالنا كام باقي لنا من سنين ؟؟
ينزاح الغم عنا ويكون لنا ف الفرح نصيب



اشكرك جزيل الشكر لهمستك الباكية هنا
هذا هو حالنا ندعوا الله
ان يغير حالنا الى مايحب ويرضى
كل الشكر والتقدير

[ايمان طلعت]

كلمات موجعه
تصف حال نعيشه بمرارة
لعل الفرج قريب وندوق طعم العسل
رائع ما كتبت
تحياتي

[دمعه حائره]

ادعى ربنا يفرجها ويصلح الحال
تسلم على كلماتك الرائعه عبرت عن واقع مؤلم

[bobaOo]

كتر الف خيرنا كلنا

تسلم ايدك
ابدعت
تحيلتي لك

[د/ عبد الله]

متشكر جدا ليكم . ده من ذوقكم العالى
وربنا يصلح أحوال بلدنا
الله المستعان

[همس الحنين]

ربنا يفرج الكروب ويزل المحن

كلمات موجعه وواقعيه

احسنت التعبير

تقديرى

[ابو نصير]

اقتباس المشاركة الأصلية كتبت بواسطة abdoyousef كتَّر ألف خير.... كل اللى عاش فيكى الوهن... وداق مرار طعم العفن كل اللى صبر.. ودفع من عمره التمن يا إما يموت فيكى قتيل... يا إما يجيلك ف الكفن يا إما يموت كل يوم ف الغربة ويفنيه الزمن يا أم الغلابى والطيبين..... بشم فيكى ريحة الأمل وأقول اللى جاى بكرة أحلى... أكيد هندوق فيكى العسل ودَّو عسلك بس فين... مبقاش فيكى غير الحنضل ورغم المرار اللى ف حلقنا.. قادرين نعيش ونكمَّل ولحد امتى يا أمنا...... خلاص الصبر فينا نفد لو فيكى حضن يضمَّنا .... مكنش القريب عنك بعد

عبودى.......
أعانى كما تعانى لأنى ذقت مرار وألام الغربه
ابو نصير
ترجعلنا بالسلامه وترتمى فى أحضانها وتشرب من نيلها
وتروى ظمأ السنين والبعد والرحيل
ولن يكون فى صراخ ولا عويل
منور يابرنس ياحس وطنى لا يموت
تقبل مرورى

[د/ عبد الله]

اقتباس المشاركة الأصلية كتبت بواسطة ابو نصير عبودى....... أعانى كما تعانى لأنى ذقت مرار وألام الغربه ابو نصير ترجعلنا بالسلامه وترتمى فى أحضانها وتشرب من نيلها وتروى ظمأ السنين والبعد والرحيل ولن يكون فى صراخ ولا عويل منور يابرنس ياحس وطنى لا يموت تقبل مرورى

الله المستعان أبو نصير
كلنا بقينا عايشين فى غربة حتى اللى عايشين فيها بقو أغراب فيها
تقبل تحياتى يا غالى