الأنفجار السكانى

[ابو نصير]

السلام عليكم ورحمة الله وبركاته
عليكم السلام يابا الحج
رنة موبيل صحتنى من النوم قلت خير أنا فين ربنا يستر ضربت صبعى على الزر بتاع النور علشان أشوف مين الرخم ده بصيت على الرقم الو حبيب قلبى
انت فاضى بو نصير أنا أفضالك خمس دقايق أنا مستنيك فى الخون بتعنا
ياواد ياعبده كرسى وواحد شاى على ميه سقعه للبيه مخصوص ......
أحلى كوباية شاى لسعت البيه على ميه سقعه ..
يئالى كتير موش بشوفك وغايب عنى بئالك مده .. أنت عارف الست بتاعتى بعفيه شويه خير بو نصير شكلها عامل زى لمبة الجاز المدخمسه علطول نايمه
وبتكلم نفسها ..يمكن ابو نصير عليها عفريت... بونصير الله يعفرتك يادهل
أموت فيك ياواد وأموت فى أمك أيوا كده أرمى الهموم ورا ضهرك وقفاك
علشان البؤ ده هطلبلك قهوه ..ياواد ياعبده واحد قهوه والميه والسكر بره
أحلى قهوه للبيه الكبير..
طب انت بتعمل إيه بو نصير فى البيت.. الناس لبعضها ديه عشره بئلها 30 سنه شويه كنس وطبخ وغسيل مريحها على الأخر مهما كان بردوا لازم اشلها
فى وقت الازمه ...هى ديه الرجوله ابو نصير وانت راجل ابن راجل وانا عارفك
واللى يسيب مراته وهى تعبانه يبئى ولامؤخذه طريوش من غير زر .. أشرب القهوه.. بو نصير.. قطعت قلبى بؤ ميه ومعلقة سكر وشوية قهوه فى بؤى
كيف عندى أشرب القهوه كده ..
بكره الصبح بو نصير تاخود مراتك وعلى المستشفى وتشوف إيه الحكايه
وخير انشاء الله تصيح على خير يابوبس ...
خدت أم نصير على حجرى علشان الأتوبيس كان معجنه ومطحنه ومحدش يستغرب الناس كلها بتعمل كده على المستشفى الصبح بدرى وموقف التكاتك
داخل المستشفى توكتوك يابيه توكتوك يابيه على قسم البطنى يابنى
نزلت ولئيت هلما جاره الناس واقفه طابور قد صور الصين العظيم
الناس صعبت علينا وعلى حال مراتى ......
فدخلنا الدكتور .. مين اللى هيكشف الست يادكتور .. الدكتور أدى ظهرك للحيط قلت فى نفسى اللى ناقص أرفع أيدى لفوق هو انا دخلت فصل مدراسى ولا أيه الدكتور خلاص.. خير يادكتور ألف مبروك الله يبارك فيك والدكتور فطسان على نفسه من الضحك بضرب كف على كف ومتمرمغ على ضهره ورافع رجليله
لفوق .. خير يادكتور هو انت عندك كام سنه معدى انت مخلتش للشباب حاجه إيه القوه والحيويه ديه ياوزوز يارويش .. الدكتور هى ديه مراتك طبعا الدكتور
أنا بحسبها أختك ولا بنتك ليك حق وهى ليها حق تدلعك وتهشتكك أنا بشوف فيكم روح الشباب .....بو نصير أخلص يادكتور .. الدكتور مراتك حامل فى توأم
ابو نصير أغمى عليه
وكان ابو نصير وأم نصير من أسباب الأنفجار السكانى الذى أدى إلى تدهور
الأقتصاد المصرى
والدهن فى العتائى

[شاعرة الرومانسيه]

ههههههههه طيب اقول مبروك
وبعدين امسك الخشب
بس عندى سؤال

انت متأكد ان دا دكتور هههههههه

فصلتنى من الضحك ابو نصير

يتربو فى عزك

[ابو نصير]

اقتباس المشاركة الأصلية كتبت بواسطة شاعرة الرومانسيه ههههههههه طيب اقول مبروك وبعدين امسك الخشب بس عندى سؤال انت متأكد ان دا دكتور هههههههه فصلتنى من الضحك ابو نصير يتربو فى عزك

سيدتى ..
طبعا دكتور بس دكتور نفسانى حضرتك
ههههههههههه
الحمد لله مصر بخير طالما فيها أشكال أبو نصير وام نصير
هههههههههه
منورانى .........
وحاولى تحطى الضحك فى الشحن علشان متفصليش
هههههههه

[αЛαstoOorα]

يعيني يعيني
دا انت طلعت نمس كمان ^^

حطي الضحك ف الشحن عشان ميفصلش

ايه الشقاوة دي ^^

[ابو نصير]

اقتباس المشاركة الأصلية كتبت بواسطة !lion hart! يعيني يعيني دا انت طلعت نمس كمان ^^ حطي الضحك ف الشحن عشان ميفصلش ايه الشقاوة دي ^^

لا نمس ولا حاجه منشاوى أم العيال تطرقعنى وتطرقع اللى خلفونا
خلينا ناكول عيش
منور

[ايمان طلعت]

الف مبروك يتربوا فعزك بقي
بس هو دة دكتور ولا صرصار قلوب علي ضهرة ههههههههههه

[ابو نصير]

اقتباس المشاركة الأصلية كتبت بواسطة ايمان طلعت الف مبروك يتربوا فعزك بقي بس هو دة دكتور ولا صرصار قلوب علي ضهرة ههههههههههه

هو دكتور متخفى فى صورة صرصار ياست الكل
ابو نصير
متنسيش الكوافيل والبمبرز والببرونات من المنتدى
بس مئولتش اسمهم ايه
الواد الاول سمته خزعبلاوى
والبت ام نصير
ههههه
منوره