قلب تيفال,,

[دمعه حائره]

ياريت قلبي كان قلب تيفال يعيش في الدنيا كما الرحال حابب نفسه مع نفسه رايق كده مرتاح البال لابيهمه ده مين حبه ولامين يبكى على الأطلال ودى كرامته لفوق هامته ولايعرف يعنى إيه إذلال ده غيرعقله عارف حجمه بيعشق كلمة إستهبال ولابيسمع ولابيفهم أى كلام فـ الهوى يتقال ماهوش فاضي ولاقاضي مالوش لا فـ دوشه ولاجدال وإيه يعنى واحد حبه ويغنى فى هواه موال وكان ذنبه يقعوا فـ حبه وهو بين القلوب يختال..؟ ماهو طبعه ومين قده ومين عنده قلب تيفال لابيلزق ولابيعرف يعنى إيه حب يعيش أجيال.. دمعه حائره mena_hassan 28-11-2015

[جبل عالي]

بصي بقااا انا بصراحة من العنوان قلت اكيد هضحك
ومخبيش عليكي

ضحكت .... ضحكت

لما دمعت عيني وإكتشفت انه مش ضحك

قلب تيفال لابيلزق في اللي معاه
ولايفرق ايه كان جواه
عايش كده بكيفه وعلى هواه

قلب تيفال بيساع كل الأنواع
وده فين ياناس الاقيه بينباع ؟؟؟


دام نبضك الراقي هنا
تحيتي وتقديري

[دمعه حائره]

ههههه استنى ياجبل هجيبلك واحد معايا
ده جميل التيفال ده اختراع
الخاطره دى عجبتنى وكنت عاوزة ارد فيها فيها لنفسي
نورتينى بقا

[الأميرة رودي]

العنوان شدنى وقولت منه بتعمل إعلان حلل.هههه
بس المغزى والمعنى كان جميل فعلا.
خاطره مميزه بتشبيهاتها وفكرتها.
يدوم نبضك ي منه

[دمعه حائره]

هههههه واحدة صحبتى عاوزاه سيراميك على سيره الحلل
نورتى يارودى

[جبل عالي]

اقتباس المشاركة الأصلية كتبت بواسطة دمعه حائره ههههه استنى ياجبل هجيبلك واحد معايا ده جميل التيفال ده اختراع الخاطره دى عجبتنى وكنت عاوزة ارد فيها فيها لنفسي نورتينى بقا

اها والله نفسي في إتنين تلاتة الله يكرمك
احلى اختراع اكيد وفي السيراميك كمان يامنه
بس ده بقااا مبيتفاهمش ههههههههه

تسلم ايدك بقاااا

[دمعه حائره]

ايوة اختراع حلو يا جبل
حتى لو فاضيين نعملوا فيه محشي سوا هههههه

[د/ عبد الله]

الفكرة جميلة جدا وعجبتنى قوى
كمان الكلام واللحن حلوين قوى.
تسلم ايدك ع الطبخة الحلوة دى . بمناسبة التيفال بقى

[دمعه حائره]

هههه تسلم استاذنا نورتنى وتعالى كل معانا

[جبل عالي]

هههههههههههه لالالالا كده الموضوع ريحته قلبت المنتدى يامنه
والكل هتلاقيه جاي بالخطوة السريعة
محشي بقااااا وايه في تيفااااااااااااااااااااااااال