ذكريات

[د/ عبد الله]

كان طفل برىء فرحان بدنيته

عايش.....مبيحسبشى خطاوى سكتّه

حياه هاديه وبسيطه....كل ما يتمناه

كان قلبه برىء مليان امل

مستنى يوم ما يكبر ويبدأ فى العمل

كان فاكر كل الناس....راضيه رضاه

يجرى ويلعب ما بين ميه وشجر

احلامه بسيطه متتعداش القدر

الدنيا ملكه....كان طاير فى سماه

راسم لنفسه فى بكرة مكان

كان شايف نفسه صح واتاريه غلطان

كان فاكر ان هى...دى الحياه

وكبر الولد ودخل دوامة المراره

اتشد فيها ويا الف خساره

من البدايه.... راح فيها وتاه

لقى نفسه عايش فى عالم تانى

مش هى دى دنيتى ولا ده زمانى

انا ليه هنا؟ ما ترد يا زمن الامانى

منيتنى كتير وادينى....مش لاقى النجاه

ولما دق الحب قلبه وفيه اتولد

زى كل حاجه الطلب اترفض

وضاع حبه وشكله ضاع للابد

واه ....ما بقت عادى كلمة اه

وكل حلم فى قلبه كان دلوقتى مات

وكل الامانى صبحت ذكريات

وهو دلوقتى بيبكى ع اللى فات

ويا ترى ايه تانى.....بيستناه

[ابو نصير]

عبودى
ياجمالك لما تحكى واقع فى عالم الطفوله
ابو نصير
وهو دلوقتى بيبكى ع اللى فات

ويا ترى ايه تانى.....بيستناه
ورب العزه فى سماه وعلاه
سوف يعود الأمل وكلنا نتمناه
ونهلك كل ظالم والطغاه
الذين حرمو الطفل من الحياه
..........
تقبل مرورى أيها الراقى فى عالم الأبداع
منور المنتدى

[فداااااااااااء]

وهى دى الدنيا

بنشوفها بالوان زاهية وجميلة فى صغرنا ولما نكبر نكتشف حقيقتها بالوانها الباهتة

سلمت اخى لروعة الكلمة وجمال النثر ارق التحايا لك

[د/ عبد الله]

اقتباس المشاركة الأصلية كتبت بواسطة ابو نصير عبودى ياجمالك لما تحكى واقع فى عالم الطفوله ابو نصير وهو دلوقتى بيبكى ع اللى فات ويا ترى ايه تانى.....بيستناه ورب العزه فى سماه وعلاه سوف يعود الأمل وكلنا نتمناه ونهلك كل ظالم والطغاه الذين حرمو الطفل من الحياه .......... تقبل مرورى أيها الراقى فى عالم الأبداع منور المنتدى

حبيبى يا أبو نصير يا غالى
كلنا بنعيش فى بلاد الظلم واحنا أطفال مبنكونش فاهمين الواقع ولما بنكبر بنتفاجئ بالواقع المرير اللى بنعيشه. الله المستعان

نورتنى أبو نصير

[د/ عبد الله]

اقتباس المشاركة الأصلية كتبت بواسطة فداااااااااااء وهى دى الدنيا بنشوفها بالوان زاهية وجميلة فى صغرنا ولما نكبر نكتشف حقيقتها بالوانها الباهتة سلمت اخى لروعة الكلمة وجمال النثر ارق التحايا لك

تسلمى أختى الكريمة
وربنا يقدرنا ونقدر نكمل فى الحياة
أسعدنى مرورك الجميل