مسابقه العوده للطفوله --- مع روني (اطياف الماضي )

[حازم34]

بسم الله الرحمن الرحيم


تحيه طيبه لنا لما كنا اطفال كنا اطفال غير طبعا ما في نت ومت ولا فضائيات علشان نشوف

بوي وطمطم ونشوف طيور الجنه ولا الام بي 3 كمان وغيرها كتير زي سكر

كنا اطفال حقيقي عايشين في حضن ماما وبابا لافي هرج ولامرج ولاشئ

الصبح نصحي بدري ويدوب ننام بعد العشا بساعه ولا ساعتين

الام جميله خالص زي كل الامهات بتحب خلفتها صبيان وبنات ودايما عينها عليهم صغار ولا كبار

هما فرحتها وهما دنيتها

كنت اجي انام ولازم انادي وشرط اساسي يجي القلب الحنين جنبي ويسيب كل ال في ايديه

بنظرته الحانيه الجميله والطبطبه والنظره ال بعينه نامي يا حازم نام نام وانا اجبلك جوزين حمام

نام يا نور عينيا نام للفجريه

نام ياقمر وحلاوه نام وكل بقلاوه --- نام يا جميل نام

وانا انظر اليها بعيون نصفها النوم واشوفها انها اجمل واحن ما في الكون

اقولها ماما تول نعم يا نور عيوني

اقولها حدوته ملتوته في الزيت مغطوطه

تقول حاضر

حدوته ملتوته في الزيت مغطوطه وحلفت ما اكلها الا لما يجي

تاجرها وتاجرها في السطوح والسطوح عاوزه سلالم والسلالم عند النجار

والنجار عاوز مسمار والمسمار عند الحداد والحداد عاوز له بيضه والبيضه عند الفرخه

والفرخه عاوزه قمحه

والقمحه في الجرون

عند ابو قرون هع وتمشي ايديها علي بطني وتزغزني اضحك خالص واقلها تاني تاني

وتقول هقولك الحدوته تبع المراه ال اخدت ابن اخو زوجها

كنت اخاف من الدوته دي بس كانت تحكيها

بجمال

كان يا ما كان يا سعد يا اكرام في سالف العهد والزمان

ومش هقول الا لما نصلي علي النبي المختار

وتقول

كان فيه ناس طيبين اسره سعيده ومبسوطه وعايشين كلهم في بيت واحد وكان كبيرهم عبد الكريم

متزوج وعنده خمس اولاد اكبرهم يدوب سبع سنين

والجد والجده كتير بيهم مبسوطين وامهم فرحانه خالص لان الكل بيحبهم

وكان اخو عبد الكريم اسمه رمضان متزوج من زمان ولسه ربك مااراد بطفل له

وبعد سنه حملت زوجه رمضان والكل سعيد ومبسوط وعبد الكريم اخوه فرحان والجد والجده كمان وكمان

وخلفت زوجه رمضان ولد زي العسل زيك دا تمام ربنا يخليك ويطول عمرك في طاعه الرحمن

الواد الصغير جه وانقلب البيت كله حب له وغارت منه زوجه عبد الكريم وبقي كدا

يعني ولادي خلاص وهيا مش عارفه ان اعز الولد ولد الولد كمان

الولد كبر النبي حارسه وصاينه بقي عمره سنتين

وفكرت زوجه عبد الكريم لازم تتخلص منه ويرجع البيتت

زي زمان ودبرت وفكرت قلبها وحش

وفي يوم زوجه رمضان رايحه السوق وقالت

لزوجه عبد الكريم خلي بالك الجد والجده مشغولين

عن ناصر ابني خليها معاكي قالت في الحفظ

والصون

وكانت هتخبز المجرمه وامه مشيت وراحت

والمجرمه اخذت الواد وحطته في الولعه تبع الفرن ولا من شاف ولا من دري


وبعد شوي صرخت باعلي صوتها ناصر راح فين يا خرابي

وتصوت والكل يجري ويدور يا تري مين خطفوه

والكل يدور ومرت الحكايه وبعد اربع سنين كان الكل خارجين وقامت حريقه في البيت

وولاد عبد الكريمه الخمسه نايمين موتتهم الولعه كلهم مافي واحد منهم نجي

ولما وصلت زوجه عبد الكريم عقلها راح

وبدات تقول

ذنبه ذنبه

العبد نسي والرب لم ينسي وذنب واحد اخد بداله خمسه

وانا لحظتها بكون خايف ومتاثر

ولما كبرت كنت بسالها ليه كدا يا امي

قالت دي حدوته فيها بزرع الخير فيك

وابعد عن طريقك الشر يا ابني


وخلصت الحدوته حلوه ولا ملتوته


يارب تعجبكم ومتناموا وانتوا بتقراؤها

[شاعر الحب الحزين]

الله الله الله

لا يمكن اشوف احلا من كده بصراحة

كلك على بعضك حلو يا حازم

ونعم الأم ونعم التربية الحسنة ربنا يحفظها وكل أمهات المسلمين

وبصراحة الحدوتة حلوة جدا وقمة الروعة والحكمة بجد

تسلم ابو الحزم يا جميل وبالتوفيق ف المسابقة ان شاء الله

ربنا يوفقك ويسعدك

[countess]

مشاء الله حازم

في الكتابه متمكن

خمس نجوم

[ايمان طلعت]

قصه بها عبرة جميله
فالله يمهل ولا يهمل
وطريقتك فسرد القصه رائعه جدا راقتني
موفق ان شاء الله
تحياتي

[۩۩ elMagic ۩۩]

كعادتك أ/حازم متميز
سرد رائع
دمت ودام نبضكـ استاذنا الفاضل

[Lamees]

القصة تحكي شيء عظيم
جميلة بمعنى الكلمة حازم
موفق

[Just Ahuman]

جميل جداً حازم .. بالتوفيق إن شاء الله

[انجي_1]

تسلم ايدك يا حازم
وفعلا طفولة زمان غير دلوقتي خالص
فرق كبير جدا

[حازم34]

اقتباس المشاركة الأصلية كتبت بواسطة شاعر الحب الحزين الله الله الله لا يمكن اشوف احلا من كده بصراحة كلك على بعضك حلو يا حازم ونعم الأم ونعم التربية الحسنة ربنا يحفظها وكل أمهات المسلمين وبصراحة الحدوتة حلوة جدا وقمة الروعة والحكمة بجد تسلم ابو الحزم يا جميل وبالتوفيق ف المسابقة ان شاء الله ربنا يوفقك ويسعدك

اهلين اهلين اهلين القلم النابض والحس الجميل

انت الاحلي ومرورك الاجمل اخي الحبيب

ونعم فيك اسعدني وشرفت بردك وكلامك الحلو

الله يسلمك ويسعدك

[حازم34]

اقتباس المشاركة الأصلية كتبت بواسطة countess مشاء الله حازم في الكتابه متمكن خمس نجوم

اهلين وهلا وغلا ومرحبا

بالمرور الجميل دائما الذي يسعدني

وانه لشهاده منكم اعتز بها

ويسلموا يارب علي التقييم

اسعدني مرورك جدا نقاء الورد


واشرف به دائما ومشكوره كتير علي النجوم