( morshooo ) و ( صفحات الاعضاء تانى 4) ^_^

[morshooo]

بسم الله الرحمن الرحيم

مزاج الخير

واهلا بيكم

وحلقه جديده من

( morshooo ) و ( صفحات الاعضاء )

الموسم الثالث





تعالو نشوف جبتلكم ايه النهاردة

بسم الله الرحمن الرحيم
اهلا بيكم بالمركز الثقافى العالمى
للتقليس ومحدش يقولى جبت تقليس دى منين
عشان هقوله واخدها copy من دمعه حائرة
ومعانا اول موهبه اتفضلى يا غاليه

معدش ينفع اسامحه على الى عمله فيه

لو يجى يتأسف لى او يبوس ايديه

بعد انهارده ازاى أنا هارضى ارجع لحد

قدر يمد ايديه عليه

اكمل انا بقى اصل دى لعبتى

يله نامى يا ختى وشدى البطنيه
واوعى يا شاعره تحلمى زى الحراميه
قومى اجرى نطى واهربى من الناحيه ديا
لاحسن البوليس بيشد شعر اى بنت مستغطيه

شاعرة الرومانسيه




الارادة دى اهم حاجا فى الحياة

لو عندك أرادة صدقنى هتوصل لكأس العالم

ولو عندك أرادة صدقونى هتكونو احسن من

( مرفت أمين ) فى الثمانينات

من بكره تحدي انا وصحبتي الغاليه الاءءءءءءءءءء

بصوت طارق هههههههههههههههههههه

المهم بعتتلي جدول اسبوع لدايت فيه أوقات الفطار والغدا والعشاء

وكل وجبه تحتيها الأكل طبعا بمقادير

آلاءءء لقولك باْذن الله هكون قدها هنظم وقتي مع جدول الدايت

مفيش من بكره اكون زهقانه أكل آكون مخنوقه أكل

لحد وزني باظ ههههههههههعهههههههه

مع الاءءءءءء وزني هيرجع تاني أكيد

نقول ياررررب يامسهل ❤️👌

بصى وانتى بتقولى بأذن الله هكون قدها

حسيتك بطله السعوديه فى رفع الاثقال

وداخله ترفعى ( 140 كيلو ) واخر سطرين

حسيت انك بتعملى اعلان ( تخسيس ) بجد

قريبا



countess





ودلوقتى ياجماعه نطلع فاصل اعلانى

ونوااااااااصل

ياريت قلبي كان قلب تيفال
يعيش في الدنيا كما الرحال

دا اعلان ( حلل تيفال )



حابب نفسه مع نفسه

رايق كده مرتاح البال

ودا طالما قالت ( رايق ) يبقى اعلان



ماهوش فاضي ولاقاضي

مالوش لا فـ دوشه ولاجدال

فاضى وقاضى اه دا اعلان
( انزل وشارك )




هذة الاعلانات برعايه

( دمعه حائرة )





ودلوقتى يا جماعه فى عضوة معانا

مش عارف بقالها كام يوم بتكتب حاجات غريبه

كلها سلامات وشكلها حاسه ان المخرج هينزل

بتتر النهايه والا ايه

1 /

مصافحة صباحية لعيونكم
وإلى لقاء جديد ان شاءالله

2 /

إستعنا ع الشقااا بالله
ياااااااااااقوي

3 /

خلو بالكوا من بعض بقاااا
سلام بقااا

ومن ساعتها ومكتبتش تانى

شكلها سلام بقاا بجد والا ايه

جبل عالى




ودلوقتى اخر فقرة يا جماعه

مع الشيف المنتظر يعنى مفيش اى وصفه

مش هتلاقيها فى برنامجها وقريبا هتظهر فى

( mbc مصر)

عن شكلي وانا صاحيه من النوم الضهر

في بيت العيله بقولهم انا هعمل كشري

وشكلهم يعني اللي بانت عليه اثار الصدمه

منظر المطبخ عايز صورة للذكري

ووقفتهم طابور اجباري

اومال اعمل واكلف نفسي وميتاكلش

يله يا بنات ورقه وقلم واكتبو من فوق
( طريقه عمل الكشرى )
يله عايز تركيز لو سمحتو احنا مصدقنا
انها نزلت حاجا مفيده

للحق مطلعش فيه شبه من اللي في المطاعم

بس ككل طعمه حلو

لو بس الرز كان استوي شوية

وكنت افتكرت ان المكرونه بتتسلق مبتستويش لوحدها

وعملت ليه طماطم

وحطيت عدس اسود مش اصفر

كان اكيد بقي اجمل

يالا المهم اني انبسطت وضحكتهم

هو الحقيقه احنا كمان ضحكنا الصراحه
والاعضاء كلها هتستنى ابداعاتك الجايه الحقيقه
بس وزارة الصحه تفضى المستشفيات الفتره الجايه

Nefertiti

وبكدا بتخلص حلقه النهاردة

ماتقلقوش لسه

الى جاى احلا

[phalsteen]

تصدق بالله
انا بعد ما كتبت المشاركه
لاقيتك
كنت هرجع اعملها تعديل ههههههههههههههه

ابعتلك طبق كشري
اهو انت بالذات تستاهل تدوق

[morshooo]

اقتباس المشاركة الأصلية كتبت بواسطة nefertiti تصدق بالله انا بعد ما كتبت المشاركه لاقيتك كنت هرجع اعملها تعديل ههههههههههههههه ابعتلك طبق كشري اهو انت بالذات تستاهل تدوق

يعنى انا غلطان انى بالقى الضوء
على موهبتك الجامده دى
مكنتش اعرف انى مرعب كدا
مستنى الطبق

[countess]

ميرفت امين ههههههههههههههههههههههه

حبيت كتير الحلقه

خمس نجمات لنجمنا الكابير مستر

[bobaOo]

هههههههههههه

ربنا يسلط عليك الي يتريق عليك

لابجد تسلم ايدك

[Just Ahuman]

هههههههههههههههاى إنت هييجي يوم عليك وبنات المُنتدي هيخطفوك زي فيلم الناظر
نسوااان هجووووم .. بس جامده الصراحه .. في إنتظار ضحايا الموضوع اللي جاي

[دمعه حائره]

ههههههه حلو اوى لون طقم الحلل
وخلى بالك كل دى اعلانات مجانا
مفيش حد ينزل توبيكات كده على موروشو اجدعان

[العاشق الذى لم يتب]

منوريارشرش
هات مواهبك
خلينانتعلم الطبخ

[morshooo]

اقتباس المشاركة الأصلية كتبت بواسطة countess ميرفت امين ههههههههههههههههههههههه حبيت كتير الحلقه خمس نجمات لنجمنا الكابير مستر

اليسا هسميكى 5 نجوم بعد كدا :d
منورة المنتدى اليسا

[السفيره عزيزه]

ربنا يقدرك يا خوية على فعل الخير
الاعلانات جابت نتيجة ايجابية عندي
والافكار العدوانية دي لالا اقصد العدائة
لا خالص .كنت عيزة اول الافكار الجميلة الطيبة
بس كلمة الحق بتطلع الاول وانا اعملك اية


هات ما عندك مورشو وننتظر
القادم لعل القادم ابن ناس كدا

السفيرة