ماتش بين الاعضاء

[شاعر الحب الحزين]

هههههههههههاي اول خزعبلاية ليا ما تكسفونيش

ومحدش يزعل بقى يا حبايب

أنا اللي هعلق على الماتش ده يعني انا المذيع


أعزائي المشاهدين اعزائي اللي مش شايفين

النهارده ماتش مهم جدا زي ما كلنا عارفين

بين فرقتين معروفين عالمستوى الدولي والإقليمي ، كداب

ودول كباتن الفرقتين زي ما احنا شايفين

كابتن فريق الكباب وكابتن فريق الكفتة بيسلموا على بعض



وهنا ابو نصير كابتن فريق الكفتة متصور مع الكورة من كتر حبه ليها

وعاليمين واقف كابتن فريق الكباب امجد



سيداتي سادتي يا سادتي يا قهوة بدأ الماتش

وابو نصير معاه الكورة ماشي ف كورته طالعله مرشدي

وخطف الكورة منه وهجمة مرتدة سريعة بيلعبها لنور شغفندي

ونور شغفندي بيدخل جوة منطقة الجزاء وبيشوت فوق المرمى

يانهار ابيض ده ضيعها فرصة سهلة جدا ضاعت مفيش بينه وبين

المرمى 25 متر وضيعها بشكل غريب جدا

الكورة دلوقت مع الصاروخ الباك اليمين في فريق الكفتة وطالع فيها

وبيرفعها جوة المنطقة وابو نصير بيكملها بإيده في الجون والحكم

بيحسب ضربة جزاء لفريق الكفتة بس ازاي ضربة جزاء لأبو نصير

وهو اللي مسك الكورة ف إيده القرار بيرجع للحكم فوزي سلخانة

شايفين لعيبة الكباب معترضين ع قرار الحكم بس الظاهر ان حارس

فرقة الكباب هو اللي خبط الكورة ف إيد ابو نصير اللي عامل نفسه

ايده بتوجعه وبيمثل عشان الحكم يحسبله ضربة الجزاء

وعايز يشوت البلنتي بس ازاي هيشوت وهو إيده بتوجعه

وبيشوت ابو نصير انما فين بعيدة جدا ده شكله كان عايز الكورة تروح عالهرم

وشايفين مورشو بيقول ظهر الحق وزهق الباطل اه عندك حق امرشدي

النتيجة مازالت التعادل السلبي 0 _ 0 لصالح فريق الكفتة

الكورة مع نور بيلعبها طويلة انما مقطوعة من الصاروخ تروح ضربة ركنية

شايفين رفعت عضلات بيسخن عشان هينزل يلعب دلوقت

كداب مكنش بيسخن كان بيعاكس الجمهورات في الاستاد

وعامل قال انه بيسخن بس حظه حلو المدرب ما شافوش بس انا شفته

وادي المقصورة الرئيسية فيها كبار الشخصيات وشايفين كمان

ايمان طلعت وزيرة الشموع والاضاءة جايبة عيالها وبيتفرجوا عالماتش

ضحكت عليهم وقالتلهم هنخرج نتفسح وجابتهم الماتش اهم بيعيطوا

نرجع للماتش تاني بيلعب الكورة ناحية مورشو ومورشو بيقف ع الكورة

اه الصاروخ اتقمص وتدخل بعنف ضد مورشو اللي استفزه بوقفته عالكورة

وبدأت الخناقة هو ده اللي عايزينه انا شايف اللعيبة بيجروا على بعض

ايوة كده ارفعوا راسنا قدام الناس خليهم يعرفوا قد ايه احنا اقوياء والضرب ف

كل حتة وكل مكان والراجل ابو نصير سايب الدنيا ورايح يتصور مع الكورة تاني



يا راجل قوم واضرب انتا كمان هيبقى شكلك وحش قدام الناس

وهنا اعزائي المشاهدين الحكم بيعلن الغاء الماتش وبيحرمنا متعة كرة

القدم اللي هي الخناقات الله يسامحك بقى يا حكم



هههههههههههههههههههههههاي

[ابو نصير]

انت ايامك كفته ياخلودا انا راجعلك وسويك وهشويك على الفحم
منور خلودا
انا راجع بس لما اتمععم
بس حلوه

[αЛαstoOorα]

هههههههه
لا فظيع

دا انت طلعت موضوع يابني

امال ساكت علي نفسك وعلينا ليه كل دا؟

دا انت لو بتكتب كل يوم ف الخزعبلات

مش هتطلع موضوع بالجمال دا ^^

عاوزين نشوفلك ماتشات تانيه

[العاشق الذى لم يتب]

رفعت عضلات
ومين الكداب بئا
هو عضلات ولاكداب
هههههه
ماتش كفتة وكباب
والله هاكل ولاهسخن ولايحزنون
منورالخزعبلات
خلود
ومعلق انت محترم
ماشاءالله

[Just Ahuman]

خُزعبلايه شديده وأبو نصير بيتوعد بالإنتقام .. شكلها هتولع ههههههههههههاى

[شاعر الحب الحزين]

اقتباس المشاركة الأصلية كتبت بواسطة ابو نصير انت ايامك كفته ياخلودا انا راجعلك وسويك وهشويك على الفحم منور خلودا انا راجع بس لما اتمععم بس حلوه

ههههههههاي حبيب قلبي ابو نصير

منور يا كابتن ابو نصير ههههاي

هنستنوك يا باشا

[شاعر الحب الحزين]

اقتباس المشاركة الأصلية كتبت بواسطة !lion hart! هههههههه لا فظيع دا انت طلعت موضوع يابني امال ساكت علي نفسك وعلينا ليه كل دا؟ دا انت لو بتكتب كل يوم ف الخزعبلات مش هتطلع موضوع بالجمال دا ^^ عاوزين نشوفلك ماتشات تانيه

تسلم يا مانش يا غالي

بيني وبينك كتابة الخزعبلات شيء جميل

احنا من بعدك يا باشا وخزعبلاتنا ع قدنا يا كبير

معلش مش جبتك ف الماتش اصلك كنت واخد

كرت احمر الماتش اللي فات

حبيبنا منور الدنيا بوجودك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب رفعت عضلات ومين الكداب بئا هو عضلات ولاكداب هههههه ماتش كفتة وكباب والله هاكل ولاهسخن ولايحزنون منورالخزعبلات خلود ومعلق انت محترم ماشاءالله

رفعت الحباب شاغل قلوب العذارى

منيم السهارى ومتيم قلوب الحيارى

كل البنات بتحبك وعشانك بيحطوا مسكاره

حبيبي يا رفعت باشا انتا

منور الدنيا

[شاعر الحب الحزين]

اقتباس المشاركة الأصلية كتبت بواسطة just ahuman خُزعبلايه شديده وأبو نصير بيتوعد بالإنتقام .. شكلها هتولع ههههههههههههاى

هههههههاي منور الدنيا يا حوده

وابو نصير هيطلع سكوته عليا شكله ههههاي

تسلم يا جميل نورتني

[دمعه حائره]

هههههههه
ايوة بقا يامعلم ابعتلى كيلو مشكل وحيات عيالك
خالد رهيبه ضحكتنى وكسبت فيا ثواب