قصة التلاته الجعانين

[Just Ahuman]

القصه بتحكي عن أصحاب كانو مفلسين أو شبه مفلسين كانو ماشيين فى الشارع إتكلم واحد منهم وقال

واد إنت وهو إنتو مش جعانين ولا إيه

الإتنين فى صوت واحد : يا نهااار أسوود ده إحنا واقعين من الجوع

هو: معاكو كام طيب !!

الأول: أنا معايا 2 جنيه

التاني: أنا معايا نص جنيه

هو: وأنا مش معايا حاجه خالص

طبعاً المبلغ ده ميجيبش حاجه أصلاً فى أيامنا الحلوه دي .. فضلو ماشيين ومش عارفين يعملو إيه .. لحد ما وصلو ناحية مكان فيه قاعات أفراح ونزلو تحت قالو يتمشو جوه .. لحد ما لقو فرح ساكت خالص هوس هوس ولا كأنه عزاء ولا حد بيرقص ولا أي حاجه والعريس والعروسه قاعدين مكانهم مبيقوموش .. وقتها خطر فى بال واحد منهم فكره جُهنميه ..

هو: أنا عندي فاكره جامدي جدي

الإتنين فى صوت واحد : قول يا عبقري

هو: الفرح ده شكله يغُم بصراحه .. تعالو ندخُل نهيصلهم شويه ونقوم العريس والعروسه ونخليهم يفكو شويه وأهو نبقي كسبنا فيهم ثواب ويمكن يحنو علينا ويأكلونا بالمره

رد عليه واحد منهم وقاله: إنت عبيط يابني إحنا ممكن نتهزق ونتروق

هو: لا نتهزق ولا حاجه ده فرح محدش بياخد باله من حاجه تعالو يلا بينا

هما الإتنين : ربنا يستُر .. يلا بينا

دخلو التلاته الفرح ودخلو على الـ DJ Man على طول وخلوه يشغل أغاني شعبي .. وهوباا هاتك يا رقص وقومو العريس والعروسه وكله بقي يرقُص والفرح ولع .. بعد ما خدو الإستراحه بتاعت الأكل للمعازيم وكده .. جه أبو العروسه لقاهم ماشيين .. قالهم

والله مانتو ماشيين رايحين فين

رد واحد منهم وقاله : إحنا مش من المعازيم أصلاً بس حبينا نساعد بس عشان مش أكتر

قالهم تاني : لأ لازم تاخدو واجبكو الأول

وقعدهم وجابلهم ساندوتشات وشبعو وشربو حاجه ساقعه وفل الفل وفضل معاهم الـ 2جنيه ونص

[شاعر الحب الحزين]

2 جنيه ونص بيجيبوا سندويشت كبده

طب كويس انهم لقيوا حل وخلاص ال 2 جنيه ونص

يجيبوا فيهم سجاير عشان يحبسوا هههههاي

جميلة القصة يا حودة

منور الدنيا

[توحد ارواح]

كويس ان خطرت لهم الفكره دي
افادوا واستفادوا
حلوه القصه

[bobaOo]

الايك حلف مايعمل لايك
ههههههع

قصه جميله
الأهم ان ال 2 جنيه ونص متصرفوش
حلوة روح المساعده والصداقه والمغامره
تسلم محمود
تحياتي بئا

[Lamees]

كانت نيتهم الخير
وربنا رزقهم
اعجبتني لأنها بتقول حاجة
تسلم يمناك
موفق

[Just Ahuman]

اقتباس المشاركة الأصلية كتبت بواسطة شاعر الحب الحزين 2 جنيه ونص بيجيبوا سندويشت كبده طب كويس انهم لقيوا حل وخلاص ال 2 جنيه ونص يجيبوا فيهم سجاير عشان يحبسوا هههههاي جميلة القصة يا حودة منور الدنيا

شندويشت من عندي اللمبي .. تسلم يا خالد منورني والله

[Just Ahuman]

اقتباس المشاركة الأصلية كتبت بواسطة توحد ارواح كويس ان خطرت لهم الفكره دي افادوا واستفادوا حلوه القصه

آه الواد دماغه طلعت حلوه .. الأحلي مرورك

[Just Ahuman]

اقتباس المشاركة الأصلية كتبت بواسطة boba0o الايك حلف مايعمل لايك ههههههع قصه جميله الأهم ان ال 2 جنيه ونص متصرفوش حلوة روح المساعده والصداقه والمغامره تسلم محمود تحياتي بئا

هههههههههههههاى المهم إنه إتعمل فى الآخر .. أهم حاجه الـ 2 جنيه ونص .. تسلم يا هوبا منوراني وربنا

[Just Ahuman]

اقتباس المشاركة الأصلية كتبت بواسطة اطياف الماضي كانت نيتهم الخير وربنا رزقهم اعجبتني لأنها بتقول حاجة تسلم يمناك موفق

أكيد ربنا بيدي كل واحد على قد نيته ..تسلمي روني وإنتظري قصتي الخاصه بالمسابقه خلال ساعات إن شاء الله

[Doaa Hammam]

فكرة حلوه

طلعوا جدعان أوي بصراحة وافكارهم حلوه

عجبتني اوي القصة