عندك مبرر !!!!!!!!

[قلم بلا حبر]

بسم الله الرحمن الرحيم

السلام عليكم

المبررات

واقع صعب نحياه فى كل لحظه نتواجد فيها

لا يقطع تواصلنا معها سوى الخلود الى السرير للاستلقاء فى متاهات الرؤى والآحلام

لاشك ان المبرر فى ذاته يحتمل الخير وما كان ضده ,,,

ويبقى الافراط فيه او التعويل عليه للهروب من مسؤولية ما هو المتاح امامنا

قد يخطرر بالك ذات يوم ان تقدم على فعل لتغيير النمط العام لحياتك او خوضا لتجربه او استنفارا لرد فعل الآخر ,,,

ايما كان هذا الفعل

تبقى النتيجه بالنسبه لك ,, هى الآمر الذى من اجله خضت تلك المحاوله ,,,

ومن هنا يظهر فى الافق علامات تحمل بداخلها اشارات الى ان مرحلة المبرر قادمه لا محاله ,,

ولسوف تعتريك ان لم تكن عند البعض امتلاك

فالفعل ترتبط نتيجته او رده بشكل او باخر بوجود مبرر لتلك النتيجه

ان يكون هنالك مبرر فى الخطأ فهذا امر وارد واحيانا يكون له مناحى ايجابيه قد تعكس وجهة نظر محترمه عن سلوكك

لكن ان يصل بنا الآمر الى ان نستغل المبرر فى النجاح ايضا فهذا امر قد يكون لدى البعض (( مغالاه )) فى تقدير الموقف

لنضع صوب اعيينا امثله كثيره مرت بنا واضطررنا ذات يوم تقديم مبرر لخطأ ما او لفعل ما او لطلب ما

ولنرى ما قيمة المبررات فى حياتنا ,,,,,,,,,

يقال ان المبرر ما هو الا نوع من الحجج

يحاول بها الفرد التخلص من مسؤوليته عن خطا ارتكبه

او فعل يود الاقدام عليه ومرفوض من المحيطين

او هبوط فى مسيره مكلله بالنجاح ويود ادراك ما لحقه جراء هذا الهبوط من خساره معنويه

لكن فى الآخير ان تكون لديك حجه فأنت لديك حق مشروع تسعى اليه

وحجتك فيه هو امتلاكك لمشروعيتك فى الحصول على هذا الحق

اى ان الحجه غالبا ما تكون مؤسسه على أرضيه صلبه انطلاقا من مبدأ المشروعيه فى تملك هذا الحق

اما المبرر فينقصه هذه الآرضيه ,, لذا فالخلط بين الحجه والمبر امر مستبعد

فلا يستقيم المساواه بين صاحب الحق و المسيطر عليه بدون وجه حق

فذاك لديه حجته فى تحول السيطره اليه بينما يظل الباقى معتمدا على المبررات

هذا اذا كان هنالك حق ,, فما بالك اذا كان الفعل قد تسبب فى خطا او هزيمه او ... او ,,,

فى تلك الحاله تجد المبرر اكثر ظهورا بينما الحجه لا تجدها الا نادرا ,,,

بمعنى اوضح / حضربلكم مثال نقرب بيه المعنى

منتخب مصر فى فوزه على منتخب ايطاليا مثلا كان لديه حجته على هذا الانتصار

وحجته كانت كامنه فى تفوق الاداء سواء دفاعيا او هجوميا او سيطره على مساحات كثيره من الملعب

اما هزيمته امام امريكا فلا شك ان ما يصدر من تعليقات هى فى الاخير مبررات للهزيمه

وضع طبيعى جدا ان تجد الحجه فى النجاح والمبرر فى الفشل

لكن ان تنقلب الآوضاع وتصير الحجه مردودا للفشل والمبرر ردا للنجاح ,, فذاك هو جوهر الموضوع الذى بين ايديكم

فعندما تكون مضطرا لتقديم مبررات لنجاح او تميز او ايا كان نوعية هذا التقدم فأنت ترسم منحنى فى الآخير سيهبط بما تحقق لديك من نجاحات

وعندما تكون لديك الحجه فى تبرير اخطاءك فمنحنى الفشل بالنسبه لديك سيرتفع الى الذروه

هو وضع طبيعى واى اختلال به نفقد قيمة الطموح الى الآفضل

بالقطع هنالك امثله على ما اوردت فى السطرين السابقين ,,

واكيد لدينا جميعا امثله على اختلال تلك المعانى

فمثلا عندما يدرك المحامى جيدا ان موكله قد ارتكب هذا الجرم ويكون مبرره ان هنالك اخطاء فى الاجراءات ويستغل قوة حجته للتلاعب بالقانون لتحقيق مصلحه شخصيه دون النظر الى التأثير الذى قد ينتاب المحيطين جراء هذا ,, فتلك هى منظومة الخطا فى استخدام الحجه فى غير موضعها

وعلى النقيض ,, نجد ان فتاه ترتدى الحجاب مثلا تكون مضطره للدخول فى سلسلة مبررات سواء للآصدقاء او الآهل نتيجه تيار فكرى يسود المجتمع يرفض ولو شكلا ارتداء الحجاب او النقاب

مثالين يعبران بشكل او باخر عن مضمون الموضوع وان كانت الامثله كثيره لكنها تبقى احيانا متعددة ومختلفه باختلاف الانسان وهويته

نأتى للوجه الاخر من المبرر حتى لا يصاغ المفهوم على انه عداء مع المبررات

فلا ابالغ اذا ذكرت ان الكثير منا حتى كاتب الموضوع قد يستغل المبررات فى حياته

فاالمبرر يقع نتيجة مسبب قد يكون نجاحا وقد يكون فشلا والحالتين لا يوجد من لم يمر بهما فى حياته

اذا فللمبرر وجه اخر الا وهو الوجه الحسن او الذى يحمل بين طياته معانى الخير

قد نضطر اليه كثيرا لتضميد جرح او لازالة خلاف مبنى على سوء فهم او لدرء احساس بالذنب لدى أخر ,, او لازاحة الحزن من وجه احدهم

هو فى ذاته يظل مجرد تبرير ,,, لكن ما يسعى اليه امر محمود ,,

قد يكون هنالك اختلالا كما سبق وذكرنا ,, لكن ان يكون الاختلال لفائدة افضل من ان يتسبب فى اضرار

وهنا لابد من ذكر مثال يتيح لنا ان نقترب من المعنى

لو فرضنا جدلا ان مشرف هنا فى المنتدى او مراقب او ادارى يقدم على القيام بأمر ما تجاه موضوع لعضو فى الغالب هو يعمل وفق قواعد الكل متفق عليها يعنى ببسيط الكلام (( هو شغال صح ))

لكن فى اغلب الاوقات ايضا نجده مضطرا لتقديم مبررات لهذا العمل بالرغم من كونه فعل صحيح

هنا يكون الوجه الاخر للمبرر ,,, فلقد تم استخدامه للوقوف فى وجه اساءة القصد

فالبعض قد يعتقد ان هذا عمل مقصود او تعنت او تعسف فى استخدام الصلاحيات ,, لذا فالمبرر هنا قطعا يمثل امرا حميدا

بالرغم من ان الوضع السابق لا يقبل استخدام الحجه بالرغم من مشروعية استخدامها ,, لكن حتى استخدام الحجه فى مثل ذها المثال قد يؤدى الى ارتفاع سوء النيه احيانا

لذا نجد انفسنا احيانا مضطرين الى تقديم مبررات ,,,,,

فى النهايه حجة حسن شحاته فى مباراة ايطاليا تقطع الشك باليقين امام مبرراته ,, ويبقى ان ندعم ثقافتنا بثقافة الهزيمه

فالهزيمه او الخساره امر واقعى محتوم وموجود ومتعرضين له فى شتى الاوقات ,,,

فثقافة التعامل مع الهزيمه ونبذ اللجوء للمبررات هو قمة النجاح

فكلنا يعلم ان الطريق الى النجاح يبدا بخطوه وتلك الخطوه فى الغالب لابد ان تتضمن تدارك جيد لما سبق من خسائر او هزائم

اذن هى ثقافة الهزيمه تطغى على وجود مبررات ,,

وكلنا فى الآخير فى طموح وامل مشروع ,,

وما كان مشروعا ,,, فلدينا الحجه لتحقيقه

ينقصنا فقط ثقافة الهزيمه وتقبل الرؤى الآخرى


وبرده هو منتخب EGY



(( اللى كاتب الموضوع ده امبارح كان حيكسر التليفزيون :522)

خالص تقديرى للمتابعه ,,,

تحيااااااااااااااااااااااااتى""""""""""

[أنثـے مًنْ الّخٍـْيـِالْ→♀]

اقتباس (( اللى كاتب الموضوع ده امبارح كان حيكسر التليفزيون :522)

هههههههههههههههه

الله يجازيك بالخير يا Cسيد:vb16:

فعلا المواقف دى بتمر علينا دايما
:cv53:

و يمكن تكون فعلا ثقافة الهزيمة ناقصة عندنا بعض الشئ :ju6:

بجد موضوع هايل

يسلمووووووو ع المجهود

[SiLver Spectra]

فلسفة عالية..موضوح محتاج تركيز

قرأته أول ما نزلته و بعدين إنشغلت عن الرد

مين فينا بيعترف بهزيمته أو بخسارته أو بخطأه!!

الناس أصلا مش بتسمحلك بالخطأ

يعني إنك تعترف بالخطأ أو مثلا تغير رأيك في قضية تانية يحسسوك إنك خرجت عن ملتك مثلا!!

و يلوموك أكثر من لما تبرر موقفك

يعني في عوامل مساعدة

حتى لو هو غلط و عارف...برضو إستمر في عنادك..دا إلي إتعلمناه من مجتمعنا ..أو قول العبارة الشهيرة : إنت مين إنت عشان تعلمني - أو برواية أخرى : على آخر الزمن إنت هتعلمني!!


من خلال موضوعك كنت بتحاول تفصل بين الحجة و المبرر

مش عارف ليه إعتبرت المبرر هو الأضعف!!

تفسيراتك كويسه و مقنعة

لكن في الآخر ( الحجه أو المبرر) أسباب دفاع الشخص عن نفسه

يمكن إعتمدت على إن إيقاع الحجة أقوى من المبرر

بس في الآخر أنا شخصيا شايف لإن الكلمتين بمعنى واحد

إنت تعمقت في التفريق مابينهم...لكن في الآخر هتفضل الحجة أو المبرر ردود فعل الشخص خاسر أو بيلتمس العذر (الحجة + المبرر= الهزيمة)

المعادلة دي صحيحة؟

طبعا لأ لأن المبرر برضو كتير بيبقى مقنع فبالتالي بيأثر على النتيجة (الهزيمة)


شكراا يا c سيد على الموضوع و التحليل العالي

من غير ما أصل للفقرة بتاعت مصر و أمريكا و كنت عارف إن دا من أهم الدوافع لكتابتك للموضوع

تحياتي

[nooody]

احنا عندنا مرض اسمه التشبث بالرأى حتى لو كان خطأ

وكل واحد فاكر انه فاهم اكتر من غيرة

وصعب جدا انه يقتنع انه على خطأ

دايما مقتنع انه على صواب

وفى مشكله تانيه أكبر بقى انه الانسان يرتكب خطأ وبدل ما يعترف

بخطأة ويحاول يعتذر

تلاقيه بيدور على مبررات لارتكابه للخطأ

أنى أغلط مش نهايه العالم كلنا بغلط لكن أنى أدور على مبررات للخطأ دى المصيبه


لازم يكون عند الانسان نوع من المصارحه مع النفس

عشان يتخلص من المرض دة


أنت حاولت تظهر الخط الفاصل بين الحجه والمبرر

بس للاسف انا ما قدرتش امسك الخط الفاصل دة بوضوح


شكرا على الموضوع

[قلم بلا حبر]

اقتباس:
المشاركة الأصلية كتبت بواسطة طمطم المصرية

هههههههههههههههه

الله يجازيك بالخير يا Cسيد:vb16:

فعلا المواقف دى بتمر علينا دايما
:cv53:

و يمكن تكون فعلا ثقافة الهزيمة ناقصة عندنا بعض الشئ :ju6:

بجد موضوع هايل

يسلمووووووو ع المجهود

وليه ثقافة الهزيمه ناقصه ,, ما انتى زى الفل اهو وفرحانه يا طمطم

كل 3/0 وانتى بخير

هو فى احلى من انك تطلع السلم واحده واحده ,, مش كده برده والا ايه :vb2:

تحياااااااااااااااااااااتى""""""""

[قلم بلا حبر]

اقتباس:
المشاركة الأصلية كتبت بواسطة SiLver Spectra
فلسفة عالية..موضوح محتاج تركيز

قرأته أول ما نزلته و بعدين إنشغلت عن الرد

مين فينا بيعترف بهزيمته أو بخسارته أو بخطأه!!

الناس أصلا مش بتسمحلك بالخطأ

يعني إنك تعترف بالخطأ أو مثلا تغير رأيك في قضية تانية يحسسوك إنك خرجت عن ملتك مثلا!!

ههههههههههههههه اه حاجه زى كده

و يلوموك أكثر من لما تبرر موقفك

يعني في عوامل مساعدة

حتى لو هو غلط و عارف...برضو إستمر في عنادك..دا إلي إتعلمناه من مجتمعنا ..أو قول العبارة الشهيرة : إنت مين إنت عشان تعلمني - أو برواية أخرى : على آخر الزمن إنت هتعلمني!!


من خلال موضوعك كنت بتحاول تفصل بين الحجة و المبرر

مش عارف ليه إعتبرت المبرر هو الأضعف!!

حقولك ليه ,, لان الحجه فى ذاتها معروفه انها قوه ,, والا عنده الحجه فى الغالب بيكون معاه الحق ,, لكن اللخبطه الىل حاصله هى ان المبرر يكون مع الحق والحجه مع الخطأ

مش بيقولولك فلان قوى الحجه ,,, وواحد تانى معروف انه بيغلط كتير يقولك ده فلان ده بتاع مبررات متاخدشى منه فايده

وفى اللغه المبرر بيختلف عن الحجه ,, زمان كانوا يقولوا (( حجة البيت )) بمعنى عقد الملكيه ,, يبئى الحجه بتثبت حق ,, انما المبرر بيعالج خطا او بيوضح مفهوم غامض ممكن يساء فهمه


تفسيراتك كويسه و مقنعة

لكن في الآخر ( الحجه أو المبرر) أسباب دفاع الشخص عن نفسه

يمكن إعتمدت على إن إيقاع الحجة أقوى من المبرر

بس في الآخر أنا شخصيا شايف لإن الكلمتين بمعنى واحد

ما انا قلتلك استحاله الاتنين يكونوا بمعنىواحد ,, يعنى لو انت فى مشكله وانت صاحب الحق ,, حقولك هات حجتك والا هات مبررك ,,, حجتك اقوى طبعا من المبرر ,, بس فى خلط فى الاستخدام

إنت تعمقت في التفريق مابينهم...لكن في الآخر هتفضل الحجة أو المبرر ردود فعل الشخص خاسر أو بيلتمس العذر (الحجة + المبرر= الهزيمة)

استحاله واحد يكون مهزوم ويكون معاه حجه على مشروعية هزيمته (( هو مش حيرضى بده اصلا )) هو ممكن يديك حجه واهيه بدعوى انه اتعرض لضغوط او غيرها ,, وطالما لجا لمسببات يبئى اتحولت الحجه الى مبرر

المعادلة دي صحيحة؟

طبعا لأ لأن المبرر برضو كتير بيبقى مقنع فبالتالي بيأثر على النتيجة (الهزيمة)

مش المبرر هو اللى قوى ,, الشخص نفسه بيجيد استخدام المبررات ,, لان كتير ناس معاهم الحق ومبيعرفوش حتى يستخدموا المبرر لتبرير حقهم ,, مع ان المفروض حجتهم معاهم فى مشروعية امتلاكهم للحق ده


شكراا يا c سيد على الموضوع و التحليل العالي

من غير ما أصل للفقرة بتاعت مصر و أمريكا و كنت عارف إن دا من أهم الدوافع لكتابتك للموضوع

فعلا يا دوك ,, محاولتش انى اكتب الموضوع عن هزيمه على قد ما استفدت من اللى حصل فى موضوع ادبى ,, اهو حتى ميدو ميقولشى انت بتكتب رياضه فى بقلم الاعضاء ليه :Sport-086:

تحياتي





نورت الموضوع بردك يا طروق ,,

الف مبروك يا عم ,, ايه يعنى 3/0 ,,, امال ايطاليا تعمل ايه بس ,, فريق فى التصنيف موجود فى المراكز الخمس الاولى ,, يتغلب من فريق تصنيفه ال 40 ,, الناس دول بئى المفروض يتعلقوا على برج بيزا المائل ,, اهو حتى ممكن يقع ساعتها :cv8:

[قلم بلا حبر]

اقتباس:
المشاركة الأصلية كتبت بواسطة nooody
احنا عندنا مرض اسمه التشبث بالرأى حتى لو كان خطأ

وكل واحد فاكر انه فاهم اكتر من غيرة

وصعب جدا انه يقتنع انه على خطأ

دايما مقتنع انه على صواب

طيب المشكله دى ليه مردود تانى ,, ان الشخص الىل مفكر ان التانى متشبث برأيه او مفكر انه فاكر هو الوحيد اللى بيفهم ممكن يكون اللى شايفه ده غلط ,, والارجل مجرد عنده رأى مقتنع بيه ومؤمن بيه وعنده الحجه عليه ,, مش مبرر ليه ,,, كتير قابلت ناس واخده فكر معين من شخص على انه خاطئ فى رايه وبيتضح هم الىل غلطانين ,, ممكن يكون قصور منهم فى مواجهة رايه بيخليهم يبعدوا عن مناقشته ويقولوا هو متشبث برايه ,,, خلينا نشوف الامور من خط وسط فاصل ,,, وبلاش نحكم بالخطا على حد او فكره طالما اننا نفسنا مش قادرين نحدد ايه الخطا وايه الصح ,, كلنا فى النهايه بشر بنحتمل الوجهين

وفى مشكله تانيه أكبر بقى انه الانسان يرتكب خطأ وبدل ما يعترف

بخطأة ويحاول يعتذر

تلاقيه بيدور على مبررات لارتكابه للخطأ

أنى أغلط مش نهايه العالم كلنا بغلط لكن أنى أدور على مبررات للخطأ دى المصيبه


لازم يكون عند الانسان نوع من المصارحه مع النفس

عشان يتخلص من المرض دة

طيب المرض ده هو صلب الموضوع الىل احنا بنتكلم فيه ,, المبررات ,,,



أنت حاولت تظهر الخط الفاصل بين الحجه والمبرر

بس للاسف انا ما قدرتش امسك الخط الفاصل دة بوضوح

مش عارف حقيقى السبب ,, بس انا حوضحه ليكى

لما بتعملى غلط على فرض قدامك رد فعل من تلاته

1- انك تعترفى بالخطا ده وتعتذرى عنه ,, وده الحل السليم

2- انك تعترفى انه غلط لكن تحاولى تجيبى ليه مبررات كانت هى السبب انك تعملى الغلط ده

3- انك تتكبرى على الاعتراف بالخطأ وتجيبى دليل على انك صح (( طبعا نراعى انه يكون فعل خاطئ مش مجرد حد تانى شايف انه خاطئ ))

الحل التانى ده اسمه مبرر وبيكون ليه دور فى خفض درجة الضرر ,, لانك لو ارتكبتى غلط فى حقى ومقدمتيش اعتذار احيانا ممكن البعض يعتبر مبررك فى ذاته اعتذار

اما الآخير ده ده بئى اللى قايم عليه الموضوع ويمكن كان السبب فى غموض الخط الفاصل عندك ,, هو ازاى اكون مرتكب لخطأ وبالآكيد ببئى حاسس انى غلطان ,, ومع ذلك بجيب ادله على صحة موقفى ,, دى بئى اسمها الحجه ,,, والحجه دى المفروض انها تكون مع حق مش مع خطأ ,, بس اختلاط المعانى خلانا نستخدمها فى غير موضعها ,, دلؤتى تلاقى الغلطان لو عنده قوة حجه محدش يقدر عليه لانه قادر انه يجيب حجج على صحة موقفه

ده الفرق بين الحجه والمبرر ,, المبرر المفروض بيكون فى الخطأ اتغير وبئى المبرر فى الحق المشروع ,, (( تبرير موقف صحيح كارثه زى الحجاب اللى فى الموضوع ))

والحجه المفروض بتكون مع الحقوق المشروعه ,, دلؤتى بيستخدمها البعض للدفاع عن مواقفه صحيحه كانت او خاطئه



شكرا على الموضوع



نورتى الموضوع بردك يا هند

بس مجبتيش سيرة الماتش ليه والا انتى ملكيش فى الكوره

خالص تقديرى

تحيااااااااااااااااااااااتى""""""""

[lolla]

موضوع جميل بجد

والفرق بين المبرر والحجة كبير وواضح

وان الانسان يبرر خطأه دا دليل على انه معترف بيه

وان كان فيه بعض المكابرة انه يقول انا غلط

لكنه بيحاول يجد ما يبيح او يبرر خطأه مجرد اسباب << حتى لوغير مقنعة

لكن استخدام الحجة فى الفشل او فى عمل غير صحيح ايا كان

دى صعبة اوى يمكن بتحصل لكن مش اى حد عايزة دماغ

وخصوصا ان الحجة زى ما قلت اقوى من المبرر ومكن ناس كتير تصدقه

على عكس المبرر ممكن نكون عارفين ان دا مبرر لكن بنعديها

بس ليه لو قدمنا مبررات لنجاح او تميز ممكن يؤدى لفشل

انا فى النهاية بقول اسباب مش اكتر بحاول اقنع بيها المعارضين

واصلا احنا ليه نسميها مبررات ممكن نسميها اسباب

مش عارفة بصراحة

بس هو موضوع حلووو اوى

قريته مرتين بس الحمد لله وجهة نظرك وصلت

[روح صامتة]

اول حاجة انا وانا بقرا الموضوع قبل ما توصل للحتة بتاعت مصر
كنت عارفة ومتاكدة انك كتبت الموضوع عشان كده
وكمان دا لان بصراحة مصر قدمت اعذار ومبررات واهية
لا جابت ولا اخرت
وانت زي ما قولت
ان المبررات نوعين
المبررات اللي مش بتجيب وبتاخر
بصراحة مش بتكون مقنعة لانها بتبقى مبنية على اساس
غير سليم و بيبقى واضح الموضوع لكن مع ذالك بيستمرو في اعطاء المبررات عشان
يبينو نفسهم عكس الحقيقة مع انها واضحة
كمان كل واحد بيفسر على مزاجه الفكرة اللي هوة عاوزها وخلاص
اما المبررات السليمة دي
بتبقي قوية ومفهومة لانها بتكون في وقتها صحيحة ومعروفة
وليها اثباتات بتاكد صحة المبررات دي
ولكن بردو اعتقد ان الحجة قريبة شوية من المبررات
وانها فيهم شبه كبير من بعض

تسلم ايدك يا cسيد زي ما بيقولو يعني
الموضوع رائع تقبل تحياتي وارق تمنياتي

[كوماندوز]

تسلم ايدك يا cسيد زي ما بيقولو يعني
الموضوع رائع تقبل تحياتي وارق تمنياتي