عندك كلمة في حق منتخب بلدك ادخل وقلها هنا

[ARAGON]

بسم الله الرحمن الرحيم

في الأسبوعين الماضيين تقابلنا مع ثلاثة منتخبات هي (البرازيل وايطاليا وأمريكا) الثلاث منتخبات في قائمة التصنيف العالمي من 20 منتخبا الأولى ونعلم ذلك جيدا... احنا ليه بنكدب على روحنا....
ونحن الأول افريقيا بـ 6 ألقاب قارية (أندية ومنتخبات) عندنا كام فريق جايبين أكثر ألقاب قارية لمصر على مستوى الأندية (أهلي وزمالك واسماعيلي والمقاولين العرب وغيره) ونحن ايضا أول من لعب الكرة في افريقيا لكن المشكلة دائما في مصر الإعلام وقالها جوزيه وهو في الاهلي ورغم ذلك هاجمه الكثير ووصفوه بالغرور والتكبر ورمى الرجل كل ذلك وراء ظهره ولم يلتفت إليهم نحن دائما ما نكبر المسائل ونجعلها دائما فوق ظهورنا وخطوة للوراء في بطولة العالم للأندية عندما قال الجميع أن الأهلي سيصل للمباراة النهائية بجدارة ولكن السؤال الذي يطرح نفسه هل سيرتدي الأهلي الزي الأحمر أم مانشستر يونايتد سيرتدي الزي الأحمر كل ذلك أثر بالسلب على معنويات اللاعبين أعطاهم الثقة الزائدة وشوفنا في نهاية البطولة الفريق كان في المركز الكام وده طبعا نفس اللي حصل في بطولة القارات الأخيرة لكن الوضع هنا كان العكس تماماً...........
المنتخب كان هايلاعب البرازيل وايطاليا ابطال العالم........ وأمريكا بطلة أميركا الشمالية كلنا كنا بنقول ربنا يستر ومانشيلش دستة أو نص دستة من كل فريق وأنا عايز حد يقول غير كده ....... لكن أنا توقعت في المبارتين الأولى والثانية (البرازيل وايطاليا) أن الفريق المصري سيكون خصم عنيد لهم !!!!! ولكن لدي نفس الاحساس أن المنتخب سيقع أمام المنتخب الأمريكي لماذا للنقاط التي قلناها سابقا في تهويل المسائل وتعشيم الناس أكثر من حقنا احنا بنلاعب احسن 6 فرق على مستوى القارات يا جماعة انتم عارفين ده ولا ايه الحكاية لازم نخدع نفسنا أكتر من كده واللي احنا كمان ما نعرفوش اننا دايما بنسهل لنفسنا حاجات ونصعب على نفسنا حاجات ولما نعدي من الكبير والصعوبات نقعد نهلل ونزمر ونهيص ونعمل ايه البدع زي ما بيقولواااا ولما نقع ادام فرق في نظرنا صغيرة ولكن هي بالفعل كبيرة في المستوى والأداء والإمكانيات بنقول ايه اللي بيحصل ده.

في تصفيات افريقيا المؤهلة لكأس العالم اللي مش هانروحه طول مافيه ناس بتهدم اللي بيتبنى من كام سنة

بعد الكبوة الكبيرة التي تعرضنا لها والغش والخداع الذي حدث في الجزائر من طريقة اللعب المفتوحة اللي دايما بنلعب بيها قدام دول شمال أفريقيا اللي العقدة لسة مش عايزة تروح من عندنا وهي ايه (((اننا أحسن منهم ولكن في الآخر بنخسر بطريقة غريبة))) أيوة ده اللي بيحصل معاهم نفضل نقطع فيهم طول الماتش لكن للأسف بننسى دايما إن الدفاع بتاعنا فاشل بمعنى الكلمة مع (((الهجمة المرتدة))) ودي حقيقة وكمان فاشل جدا مع الكرات العرضية وكنا بنلاحظها أيضا في بطولتي افريقيا 2006 – 2008 لكن اللي كان دايما بيرجح الكفة الكبيرة لمنتخبنا في كل المباريات اللي بنفوز فيها هو خط النص (((خط النص)) في مصر هو صانع انجازات الكرة المصرية باستثناء القليل من المباريات التي يكون فيها الخصم اما مش في حالته أو نحن متفوقين عليه جدا ... أو معندوش حظ.... بس بصراحة منتخبنا من أفضل الفرق على مستوى العالم التي تجيد اللعب على الهجمة المرتدة.. وده شوفناه في كأس الأمم الأفريقية 2008..

أسف طولت عليكم ....

هانروح لنقطة تانية ونشوف اللي حصل في الاسبوعين اللي فاتوا.....
لعبنا مباراة أمام الجزائر الكل بيقول لازم نفوز طيب ليه احنا ما نلعبش على التعادل هو لازم نفوز ........ أنت بتخسر الفريق اللي قدامك نقطتين يا جماعة وانت بتكسب نقطة .... اسباب الهزيمة أمام الجزائر أنا قولتها بعد المباراة وأحب اضيف عليها نقطة كمان هي الإعلام اللي قال احنا احسن من الجزائر فعلا احنا احسن من الجزائر لكن لما بنلعب بطريقتنا احنا مش بطريقة تخلينا نكسبهم.... وبعد ماتش الجزائر المجزرة اتعلقت لك فين اللي هايبنى هنا وكل الناس هنا بتحارب في المنتخب لما الواحد يحب ينقض واحد تاني لازم وخاصة في الكوورة لازم يقف على السلبيات ويتكلم عنها ولو يقدر يقول رأيه في الموضوع أو ايه هي الحلول يبقى تفضل مشكورا وحل المشكلة لكن للأسف احنا اللي بنبنيه في سنة لازم نهده في يوم.......... وعجبي.!!!!!
في نقطة كمان احب اتكلم فيها هي ايه لو احنا كنا شلنا فعلا نص دستة من البرازيل و 3 أو 4 من ايطاليا ولا حد كان يقدر يقول ايه اللي احنا بنعمله كان كتيره اوي يتريق أو يستهزأ باللاعيبة على الأقل ونقول احنا اخرنا كده مع الفرق دي ونيجي نبص للي حصل في ماتش أمريكا ونقول ايه اللي احنا بنشوفه ده اللي الناس مش واخده بالها منه ان أمريكا هي اللي صعدت ومين اللي خرج معانا ياجماعة ايطاليا بطلة العالم احنا بنتكلم في ايه وبنحكي في ايه بسرعة نسينا اللي حصل في الماتشين الأول والتاني وبسرعة علقنا المشانق للفريق ونشوف حجم الاصابات اللي حصلت للفريق اد ايه احنا خلاص مافيش في قلوبنا اي قبول لأي حاجة خلاص كفايانا طمع في نقطة كمان عايز اتكلم فيها هي ايه ابتعاد عمرو زكي وميدو """ من وجهة نظري الشخصية ابتعاد اللاعبين عن المنتخب ليس للإصابة والكل يعلم ذلك ولكن ابتعادهم بسبب عمرو أزماتوميدو مشاكل """وأن اعلن احترامي للكابتن حسن شحاته الذي أبعد أزمات ومشاكل عن باقي اللاعبين وخاصة اللي شايفين نفسهم في المنتخب.
وبالنظر الى حال المنتخب في هذه الفترة فاللاعبين في حاجة لعلاج نفسي قوي جدا وأنا ارشح لهم معسكر ونحن لا ينفع معنا إلا المعسكرات الطويلة الأمد لعلاج المشاكل وذلك أثبته لنا المستوى الذي ظهر به المنتخب في القارات.
والله الكلام عايزله كام يوم عشان نحكي ونضرب أمثلة ونستنى الخواجه اللي يجي من برة وياخد كل الفلوس اللي عندنا وبعدين نديله الشرط الجزائي بتاعنا ويخلع ونجيب المدير الفني الوطني المصري اللي على حق ويعمل انجازات وبعدين ندبح فيه..... وانتم عارفين الباقي....

تقبلوا تحياتي أخوكم

أحمد سليم..

وياريت الكل يبطل حرق دم فينا كفاية اللي مكفينا.

[Just G!rl]

معاك حق يا ميدو

والمعسكر انسب حل للمنتخب

تسلم إيديك

[ARAGON]

اقتباس:
المشاركة الأصلية كتبت بواسطة فراشة
معاك حق يا ميدو

والمعسكر انسب حل للمنتخب

تسلم إيديك

شكرا على مرورك الجميل يا فراشة وتقبلي تحياتي ودمتي بكل ود وتقدير

[SiLver Spectra]

تحليل رائع يا أحمد

كلام يحترم....

بس على فكرة مش عشان يكون الإعلام هادف لازم يعد يهلل للفريق بتاعه!!

يعني المنتخب الإيطالي إتبهدل في الإعلام و الجرايد هناك

في حاجه إسمها محاسبة الفريق و المسؤولين

يعني ما ينفعش أدافع عن الفريق دفاع أعمى!!!

كدا أنا إنسان مش سوي....

لا أدافع و لا أهاجم

بس نشوف ايه الموضوع

و دا حق شرعي...سواء في العب أو في موضوع بنات الليل


شكراا تاني يا أحمد على الموضوع

[ARAGON]

اقتباس:
المشاركة الأصلية كتبت بواسطة SiLver Spectra
تحليل رائع يا أحمد

كلام يحترم....

بس على فكرة مش عشان يكون الإعلام هادف لازم يعد يهلل للفريق بتاعه!!

يعني المنتخب الإيطالي إتبهدل في الإعلام و الجرايد هناك

في حاجه إسمها محاسبة الفريق و المسؤولين

يعني ما ينفعش أدافع عن الفريق دفاع أعمى!!!



أنا معاك في النقاط اللي قولتها ياطارق بس هل الإعلام بتاعنا لما بيتابع المنتخب في البطولات ما بيقاش ناظر لكل النقاط اللي ممكن تحصل للمنتخب تمام وبعدين أكيد اللاعبين لما بيشوفوا الدنيا بتتكلم عنهم بتلاقي نسبة التركيز عندهم بتقل جدا ودا احنا بنلاحظه كتير قوي

الفيفا قال قبل ماتش الجزاير ان منتخب مصر ممكن يفوز على اي فريق وده صح بس الأثر السلبي بيعود على اللاعيبة بتوع المنتخب وتلاقي نتايج غير متوقعة

في الكوورة فيها توفيق كبير وحظ أكبر بس للأسف احنا دايما بنحب المكسب وما نقدرش نتغاضى عن الهزيمة يبقى فين المساواة انا ما بقولش ان اللعيبة كمان ما تتحاسبش
ذي ما حصل مع زكي وميدو واستبعادهم لازم كمان يبقى فيه سلاسة شوية مع اللاعيبة التانية ولازم يبقى فيه حزم

حسن شحاته مدرب محترم ولكن للأسف المجاملات ستقضي عليه.....

مشكور للمداخلة يا طارق بس أنا كان نفسي الأعضاء تتابع معانا ونقول رأينا

[bnuta]

طرح رائع بروعتك
سلمت الايادي والفكر
كل ودي