العمدة وشيخ الغفر والعيال

[د/ عبد الله]

فى كفر مية شهيد , صحى العمدة من نومه فى يوم قرفان
نادى بعلو صوته هاتولى شيخ الغفر
حضر شيخ الغفر ف الحال
خير يا عمدتنا مالك؟
مين اللى مزعلك. لا عاش ولا كان
العمده: أنا زهقان.
شوفلى حاجة تسلَّينى. أقولك هاتلى شوية عيال
عيال من إياهم؟
أكيد يا حمار. هو فيه حد غيرهم.
بسَّ المرة دى هاتهم صنف عالى
مثقّفين, أساتذة جامعة... يعنى ناس تُـقال
والتهمة ايه سعادتك؟
يا سلام... امسك يا سيدى. حط اللى يجيلك ع البال
مسك صاحبنا دفتره وفرّ فيه وهو مغمض عنيه
ضرب ايده فى صفحة وقال
يا سلاااام.. أكيد دول ولاد حلال
هاه... هتحط ايه يا شيخ الغفر؟
هو فيه أحلى منها يا عمده..... إخوان.

عفارم عليك. كده تمام التمام
خد معاك كام غفير والواد حبيشه العبيط وحماده الطبّال.
والبت سونيا الغزيه والشيخ فتله الدجّال
لمّوهم مطرح ما همّا وهاتوهم , ولو حدّ منهم قاوح معاكو اقتلوه
وحطّو ف ايده السلاح وقولو شوفتو الإرهابى الجبان؟

قام صاحبنا خد فرقته وجابوهم من كل مكان.
كام واحد دول يا شيخ الغفر؟
12 فى عين العدو. يكفّو ولا نجيب كمان؟
لا حلوين النهارده رضا......كده عال العال
ونجيب يا سيدى بكرة تانى.... يا مكتر الإخوان

بس احنا مش إخوان...
وأنا هقول عليكو إخوان والناس هتصدقنى ومعايه الرقاصة والطبّال
والشيخ الدجّال
هيكدِّبوهم هما يعنى ويصدّقو شوية عيال؟
طب ايه ذنبا ... عملنا ايه قول لنا؟
مش انتو بتعارضو؟ وقال ايه مش عاجبكو الحال؟
احنا مش عايزين حد يتظلم أو من غير ذنب يتقتل أو ف البلد يتهان
تبقو إخواااان... ومش عايز تانى كلام

وقّفوهم يلا طابور قدّامى واربطوهم بالحبال
الواد ده خلية إرهابية , والواد ده بيقفل المجارى
والواد ده بيهدم الاقتصاد والبت دى بنت حرام

يلّا يا غفير انت وهو روّقوهم ......... يعنى نسخّن بعلقة حلوة.... واتوصّو بالأقلام.

يا عمدة ..فيه واحد منهم قال ايه تعبان
وله علاج ضرورى ولازم ياخده كمان
ارموه فى زنزانته لحد ما يموت لوحده.... قضاء وقدر... هنعترض؟
يا سلااااام يا عمدتنا .... ربنا يزيدك علم وإيمان

يلّا يا كلب أنت وهو قدّامى.... بقى انتو بتخرّبو فى البلد وعايزين تقلبوا النظام؟

هاتوا بقى البت سونيا الغزيه والواد حماده الطبّال
خلوهم يقسّمو وفيّا يشعروا ويخلّونى من الأبطال
واختموا الفقرة بكلمة لفتلة الدجّال
يقول عليهم كفّار , خوارج , أندال

والصبح بكرة انصبوا المحكمة
كتبت المحضر يا شيخ الغفر؟
المحضر جاهز يا سيدنا من زمان
وعملتلك شوية تحابيش من عندى كمان
ولزمتها ايه التحابيش. خسارة ورق ع الفاضى. هو حد يعنى هيبص فيه؟
القاضى حبيبنا وبيسمع الكلام

والحكم ايه يا سيدنا

الحكم إعداااااام

[ابو نصير]

منور عبودى
ياكبير
هل تعتقد الدوله الذى يقودها رقاص يبنى دوله أم يبنى صبيان عالمه يدندنو على عقول
الا عقول بالضرب على عقولهم بالصاجات...
ابو نصير
يابلد الكبير فيكى عبيط وبرياله
وماشى يشحت وعايش عاله
ومفكر نفسه رئيس وجالو حاله
وفاكر سوق الكانتو والوكاله
خاين وعميل ولامم حوليه كل الزباله
وأااااااااه يابلد ياليتنى كنت من الحثاله
ابو نصير
منور عبودى الواحد فاض بيه

[a7med -3del]

بلد.. بدون ملامح
نص ميت ونص جارح
وتموت عشان
تعيش مصالح
والموت اكيد
ايوة انت رايح

يسلمو كلامك وروح الكلام اللي عيشتها
مع اتنين من كفر العسكر
تحياتي لجمسل طرحك

[جبل عالي]

ندعوا الله ان يبدل الحال
ويصبح النهار على خير وسلام
ويكفانا نياح وبكا وقتل

تسلم للعامية الموجعة هنا
دمت بكل الخير

[حازم34]

كم من فئه قليله غلبت فئه كثيره باذن الله والله مع الصابرين


ماشاء الله يا ابو يوسف كلمات جميله في عقد لا نعلم متي ينتهي ويفرط ها العقد وتنتهي الحكايه

حكايه العمده وشيخ الخفر الظالمين والمتجبرين الذين يسعون في الارض فسادا

ولكن لاتحزن ان الله لايصلح عمل المفسدين

والعاقبه للمتقين

تحياتي لقلمك سيدي

[د/ عبد الله]

اقتباس المشاركة الأصلية كتبت بواسطة ابو نصير منور عبودى ياكبير هل تعتقد الدوله الذى يقودها رقاص يبنى دوله أم يبنى صبيان عالمه يدندنو على عقول الا عقول بالضرب على عقولهم بالصاجات... ابو نصير يابلد الكبير فيكى عبيط وبرياله وماشى يشحت وعايش عاله ومفكر نفسه رئيس وجالو حاله وفاكر سوق الكانتو والوكاله خاين وعميل ولامم حوليه كل الزباله وأااااااااه يابلد ياليتنى كنت من الحثاله ابو نصير منور عبودى الواحد فاض بيه

اهلا أبو نصير منورنى
البلد عمر ما يبنيها الكلام اللى بيكون دايما عكس الافعال
بلد التطبيل والرقص ومحاربة كل ما هو اسلامى
الله المستعان

[د/ عبد الله]

اقتباس المشاركة الأصلية كتبت بواسطة جبل عالي ندعوا الله ان يبدل الحال ويصبح النهار على خير وسلام ويكفانا نياح وبكا وقتل تسلم للعامية الموجعة هنا دمت بكل الخير

أهلا بيكى أختى الفاضلة
ندعو الله دائما ونحارب من يفسدوا البلاد والعباد ولن نخضع ولن نركن لهم
لن ننخدع بكلامهم ولن ننساق وراء أهوائهم
والله ولينا وعليه التكلان
دمتِ بكل خير

[د/ عبد الله]

اقتباس المشاركة الأصلية كتبت بواسطة show me the meaning of lonely بلد.. بدون ملامح نص ميت ونص جارح وتموت عشان تعيش مصالح والموت اكيد ايوة انت رايح يسلمو كلامك وروح الكلام اللي عيشتها مع اتنين من كفر العسكر تحياتي لجمسل طرحك

تسلم يا أخى الكريم
بلد خانقانا من زمان وعايزانا منفتحش بقنا

لكن هانت ان شاء الله

[د/ عبد الله]

اقتباس المشاركة الأصلية كتبت بواسطة حازم34 كم من فئه قليله غلبت فئه كثيره باذن الله والله مع الصابرين ماشاء الله يا ابو يوسف كلمات جميله في عقد لا نعلم متي ينتهي ويفرط ها العقد وتنتهي الحكايه حكايه العمده وشيخ الخفر الظالمين والمتجبرين الذين يسعون في الارض فسادا ولكن لاتحزن ان الله لايصلح عمل المفسدين والعاقبه للمتقين تحياتي لقلمك سيدي

منورنى يا حازم
إنّ الله لا يُصلح عمل المفسدين
وهما مفسدين فى الارض وربنا مش هيمكّن ليهم كتير وان شاء الله العاقبة للمتقين
تحياتى لك