واطيعوا الله واطيعو الرسول ..! وكانت النتيجه ؟!

[محمود الصاروخ]

السلام عليكم ورحمة الله وبركاته

كنا قد تحدثنا من قبل علي حظوظ منتخب مصر الاوليبي في مباراة مالي واتفقنا
جميعا بانه لابد من فوز منتخبنا بفارق هدفين علي المنتخب المالي ولكن منتخبنا
خرج من التصفيات بفضيحه ولكن ليست المشكله لاننا نعلم جميعا بان
الكره المصريه في النازل ولكن المشكله كانت قبل المباراه

قبل بداية اللقاء وتحديدا يوم الجمعه وفي خطبة الجمعه
كان موجود في السنغال مع اللاعيبه الشيخ عطيه أحد مبعوثي الازهر بالسنغال
وهو يصلي باللاعبين حول خطبة الجمعه اللي استديو تحليلي للمباراه
وشرح لهم خطة فنيه قبل اللقاء وطالب اللاعبين بالابتعاد عن الانانيه
واللعب الجماعي ودعاهم اللي تنفيذ اوامر المدير الفني حسام البدري

بالبلدي الشيخ عطيه كان كلامه قبل اللقاء ياساده وتحديدا في خطبه الجمعه
" وأطيعو الله والرسول وحسام البدري "
منتهي التفاهه وانعدام العقل ياساده خطبة الجمعه اللي أساسها
تقويم الانسان وارشاده للطريق السليم تحولت اللي استديو تحليلي !
لابد هنا من وقفه ويكون هناك عقاب من الازهر الشريف علي هذا الشيخ

وكانت ايه نتيجة الكلام ده ؟! خروج منتخبنا الاوليمبي بفضيحه من التصفيات
ولو كان منتخبنا الاوليمبي وصل بالامس تأكدوا تماما بان هذا الشيخ كان
هيتواجد علي كل شاشه وكل قناه وهيتصنع له برامج خاصه !
هذا ما لفت انتباهنا جميعا قبل بداية اللقاء

وها الان بدأ لقاء مصر ومالي وماالذي حدث من حسام البدري واللاعبين ؟
بدأنا اللقاء ياساده ونحن نحتاج اللي نتيجة 2-0 للصعود و التأهل
اتفاجيء بان حسام البدري يلعب بدون مهاجم صريح
ثم كريم نيدفيد لاعب وسط ارتكاز اتفاجيء والاقيه بيلعب في مكان تاني
كهربا ليس في مستواه من بداية البطوله ويلعب اساسي ومصطفي فتحي
المبدع والمتألق دائما قاعد دكه ! ثم أخيرا رامي ربيعه يلعب خط وسط
وغير متألق ومازال حسام البدري يصمم بانه يلعب خط وسط
الحارس الاول مسعد عوض مستواه نازل جدا من بداية البطوله
وبالفعل يلعب اساسي وهناك حارس أخر متألق مع فريقه علي الدكه !
ثم أخيرا مغلوبين من الشوط الاول 1-0 والاخ المدرب حسام البدري
ينزل محمد سالم المهاجم في الدقيقه 67 من الشوط التاني !

وأيضا ما لاحظناه جميعا بأن اول ما صفارة الحكم تنطلق لصالحنا
اللاعب كهربا يكلم المدرب عشان يلعب الفاول
وفي نفس الوقت رمضان صبحي يكلم المدرب عشان يلعب الفاول
وفي نفس الوقت مصطفي فتحي يكلم المدرب عشان يلعب الفاول
وده ان دل علي شيء فيدل علي وجود غباء بين المدرب واللاعبين

كم أتمني عودة جيل مثل جيل تريكه وبركات وعمرو ذكي ووائل جمعه
وكل هؤلاء من نجوم الاهلي و الزمالك لصالح منتخب مصر

لا منتخب أول نافع ولا منتخب أوليمبي نافع
ولا اتحاد كوره نافع ولا اي حاجه عندنا نافعه
حزين عليكي يامصر !

( للنقاش )

- وجه كلمه مباشره لشيخ الازهر الذي كان يخطب يوم الجمعه بالسنغال ؟
- ما رأيك في اداء منتخب مصر في مباراة مالي وما الشيء الذي لفت انتباهك ؟
- ما رأيك في حسام البدري بشكل عام ؟

تحياتي للجميع
محمود الصاروخ

تحياتي للجميع
محمود الصاروخ

[شاعرة الرومانسيه]

هو يعنى حرام لما الشيخ يوجههم

ولا هو الى قال لهم اتغلبو

بلاش تدخل الدين فى الكوره

ذى ما دخلو الدين بالسياسه

موضوع شيق محمود

[محمود الصاروخ]

اقتباس المشاركة الأصلية كتبت بواسطة شاعرة الرومانسيه هو يعنى حرام لما الشيخ يوجههم ولا هو الى قال لهم اتغلبو بلاش تدخل الدين فى الكوره ذى ما دخلو الدين بالسياسه موضوع شيق محمود

الحمدلله اختي عمري ما دخلت الدين في الكوره
انا بقول الشيخ وهو بيصلي بيهم في صلاة الجمعه
قال وأطيعو الله والرسول وحسام البدري !
هل ده ينفع ؟ طيب هل الهدف من خطبة الجمعه
ارشاد الانسان اللي الطريق السليم أم التحدث عن مباراة في الكوره ؟
هل ينفع التحريف بكلمات الله ؟
شوفي العنوان اختي وده كان كلام الشيخ

نورتيني شاعرة

[شاعرة الرومانسيه]

بجد هو قال كدا
قال وأطيعو الله والرسول وحسام البدري !

كدا غلط اكيد سورى ما اخدت بالى بحسبك استوحيت الاسم

من كثرة نصائحه لكن لو قال كدا طبعا غير مرغوب بالمره

[محمود الصاروخ]

اقتباس المشاركة الأصلية كتبت بواسطة شاعرة الرومانسيه بجد هو قال كدا قال وأطيعو الله والرسول وحسام البدري ! كدا غلط اكيد سورى ما اخدت بالى بحسبك استوحيت الاسم من كثرة نصائحه لكن لو قال كدا طبعا غير مرغوب بالمره

هو قال كده ولكن لو مقالش كده بالنص وتكلم عن الكوره في خطبة الجمعه
أو خطط فنيه داخل الخطبه هل ده مرغوب فيه ؟ اختي خطبة الجمعه
زي ما قولتلك هدفها الارشاد اللي الطريق السليم
وليست للكلام عن مباراة كورة

نورتيني للمره التانيه
ووجودك شرف لي

[ايمان طلعت]

لما شوفت اسم الموضوع
قولت محمود خلاص خرف
وكنت داخله اغير الاسم
لكن للاسف التخريف مطلعش منك
طلع من شيخ المفروض بينصح ويعرفنا الدين
مش يحرف فيه
ولله الامر من قبل ومن بعد
وحسبي الله في كل من يمس ديننا الحنيف بشئ

[countess]

رئي العالم كله والله بقا يفتي من دماغه

والي يفتي شي هو مالو علم بده الشي

يدخل بجد في حرام

لأنننا احنا مش ملايكه او أنبياء عشان نامر العالم يتبعو مين او ميتبعوش مين

احنا بشر

جميل جدا مجهوداتك في قسم الرياضه واضح بتعشق حاجه فيها كوره

ربنا يهدي الجميع يارررب في قصص الأفتى دي

تقيمي

[محمود الصاروخ]

اقتباس المشاركة الأصلية كتبت بواسطة ايمان طلعت لما شوفت اسم الموضوع قولت محمود خلاص خرف وكنت داخله اغير الاسم لكن للاسف التخريف مطلعش منك طلع من شيخ المفروض بينصح ويعرفنا الدين مش يحرف فيه ولله الامر من قبل ومن بعد وحسبي الله في كل من يمس ديننا الحنيف بشئ

لا ده كان كلام الشيخ يوم الجمعه قبل لقاء منتخب مصر ومالي
مشكله اللي حصل ده ولابد من وجود عقاب علي الشيخ من الازهر

تسلمي أ/ايمان علي مرورك الجميل
منوراني دايما

[محمود الصاروخ]

اقتباس المشاركة الأصلية كتبت بواسطة countess رئي العالم كله والله بقا يفتي من دماغه والي يفتي شي هو مالو علم بده الشي يدخل بجد في حرام لأنننا احنا مش ملايكه او أنبياء عشان نامر العالم يتبعو مين او ميتبعوش مين احنا بشر جميل جدا مجهوداتك في قسم الرياضه واضح بتعشق حاجه فيها كوره ربنا يهدي الجميع يارررب في قصص الأفتى دي تقيمي

بالفعل اختي الكل بقي يفتي ف كل شيء
دائما نحب تغطيه كل مايحدث في عالم الساحرة المستديره
نعلق كرة القدم بجميع الالوان
سواء عربيه أو افريقيه أو عالميه أو لاتينيه
منوراني اختي وبالتوفيق دايما

[a7med -3del]

اسمعني
الموضوع بسيط جدا وكانه مشهد متكرر بس السيناريو
يعني النظام شايف ان قتل الاخوان فرض واجب
والبنت شايفة انه اللبس الضيق استايل وموضة
وواحدة واحدة بقينا بنألف الغلط وبيكون عادي وصح جدا ومنطقي.لما توفيق عكاشة يكون رقم واحد اصوات وبعده مرتضي.. ده ان دل يدل علي ان التدني بقي هو المتبع دلوقت والعرف.. اتبدلت كل حاجة الصح بقي غلط والغلط صح والممنوع متاح والمتاح ممنوع والحرام تحضر والحلال تخلف كلها معاني لجملة واحدة.. هانت الساعة