" المشاعر حاجة وقحة "!

[αЛαstoOorα]

( " المشاعر حاجة وقحة "! )
:
عمري ما تخيلت ثانية

الفراق ممكن يطولنا

والحقيقة حاجة تانيه .

.الفراق قرب وجالنا

الفراق بقة بنا واقع.

.حتي حبي قصاده راكع

صعب آني القي مانع.

.والرجوع مبقاش مجالنا

عمري ماتخيلت ثانيه

الفراق يبقة عشنا

في بداية حبي ليكي

عشنا قصة مـ الخيال

فيها صعب نكون بعاد

والفراق فيها مُحال

فجآءة ضعنا من سكات

فجآءة بختي لقيته مال

والسنين راحت مابنا

واخدة كل حاجة بنا

السهر والذكريات

والهدايا والحاجات

والكلام الحلو مات

والمكان اللي جمعنا

اتبدل بتنين مكنا

عمري ماتخيلت ثانيه

الفراق يبقة عشنا

بس هي حقيقة واضحه

المشاعر حاجة وقحه !


ّّّّّـّّّــ ّاّّــّّاّّ

فارس المنشاوي

ّّّّّـّّّــ ّاّّــّّا

[توحد ارواح]

دايما البدايات بتكون جميله
رائع ما خطه قلمك
دام ابداعك

[bobaOo]

والسنين راحت مابنا

واخدة كل حاجة بنا

السهر والذكريات

والهدايا والحاجات

والكلام الحلو مات

بردد بردو 😆

لا جميل اوي ي منشاوي
يدرم رقي قلمك
وتدوملنا كتاباتك
ولاتحرمنا من جديدك

[شاعر الحب الحزين]

انتا قلت المفيد واختصرت كل الأسباب

فعلا معاك حق المشاعر بقت حاجة وقحة

مهما حاولنا نوهم نفسنا بأي سبب تاني

ليه اتنين بيعشقوا بعض يسيبوا بعض فجأة

لأن المشاعر بقت حاجة وقحة والوقاحة بقت هي البديل لمشاعرنا


تسلم يا مانش ابداع ف التعبير واحساس عالي

يدوم تواجدك وضياء قلمك وفكرك الجميل

ربنا يوفقك ويسعدك

[ايمان طلعت]

المشاعر عمرها ما تكون وقحه
دي احاسيس انسانيه
ان فقدتها فقدت انسانيتك
العيب فالاختيار الغلط
او في الوقت الغلط
يدوم نبض قلمك
تحياتي

[اذار .]

المشاعر وقحه ؟
اكيد عمرها ما كانت المشاعر الصادقه وقحه ،
و لا تليق فيها الصفه دي ، !

يمكن خانك التعبير ، المره دي يا منشاوي ،

[Lamees]

الوقاحة في الخداع
في الكذب
في القسوة
انا المشاعر الصادقة هي اسمى من ان تكون وقحة

اعجبتني
تحيتي

[αЛαstoOorα]

اقتباس المشاركة الأصلية كتبت بواسطة توحد ارواح دايما البدايات بتكون جميله رائع ما خطه قلمك دام ابداعك

ربنا يخليكي يا ندي

منوراني وبيشرفني مرورك بجد

تسلمي

[انجي_1]

لاء كلام زي الفل امنشاوي

[αЛαstoOorα]

اقتباس المشاركة الأصلية كتبت بواسطة boba0o والسنين راحت مابنا واخدة كل حاجة بنا السهر والذكريات والهدايا والحاجات والكلام الحلو مات بردد بردو 😆 لا جميل اوي ي منشاوي يدرم رقي قلمك وتدوملنا كتاباتك ولاتحرمنا من جديدك

ههههه
ربنا يخليكى يا هبهوبا

منوراني يا قمر