الموسم الثالث من ( لـــــو ) مع ( Fatma eissa )

[morshooo]

بسم الله الرحمن الرحيم

مزاج الخير

واهلا بيكم وتوبيك

( لــــــــــــــــو )




الجماعه الفنانيين والاعلاميين فى مصر بيعملو حاجات لا توصف الا

بالكوميديه اخرها بعد حوار سقوط الطائرة الروسية كل يوم نلاقى

وفد من الفنانيين طالع على ( شرم الشيخ ) قال ايه لدعم ( السياحه )

بعديها كل يومين نلاقى مقدم برنامج عاملك حلقه من ( شرم ) ويقولك

احنا بنعرف العالم ان ( شرم ) زى ماهى والسياح موجودين فيها .

الشله بتاعت الفنانيين والاعلاميين بيفكرونى بواحد منزل صورة

على ( الفيس ) وهو الوحيد الى دخل عمل ( اعجاب ) ليها بس الى احب اقوله

ان مفيش اى حد بيهتم بيكم اساسا والا الخبر هيروح أوربا ان فى فنانيين

مصرين راحو ( شرم ) والا هيوصل للعالم ان فلان والا علان عمل

( حلقه من شرم ) .

فبلاش التصرفات الهبله الى بنضحك بيها على نفسنا وياريت

لما نعمل حاجا نعملها عشان توصل للخارج مش نعمل شو اعلامى

ونزل 20 صورة للفنانيين من الطائرة وهم رايحيين ونقول احنا بندعم

السياحه او ياريت واحد منهم يتبرع ويقولنا كام واحد اتبرع وبكام ^_^



اهلا بيكم جميعا وحلقه جديده من

لــــــــــو

معانا النهاردة عضوة متميزة

ماشاء الله عليها متواجده بشكل كويس

ونتمنى تواجدها دائما معانا

Fatma eissa






تعالو نشوف ياترى

المواقف كانت ايه .

اولا : المواقف الخاصه بالمنتدى

/ لقيتى عضو من المنتدى بعتلك رساله خاصه وبيقولك ؟
انتى عضو من المنتدى وعامل نفسك بنت وهقول لاعضاء المنتدى عليك ؟ هتعملى ايه ؟

بص هبرر موقفه
لأنه اكيد شاف كتير
اولاد عاملين نفسهم بنات والعكس
وعن نفسي اتحطيت في الموقف ده
ومره وعرفة الاحساس ده
علي اساس انت عارف مين بظبط
هنا بقي هكلمه وهقله واعرفه
اني مش لازم أو محتاجه اتنكر
عشان ألقي صدقات أو اتكلم من حد هنا
وممكن فجاءه هيعرف ويتغير من نياتي
فأفضل اكون بطبعتي
هنا بقي هتلاقي احترام
إذا اقتنع بكلامي كان بها وإذا لا
خلاص
مش هحاول اتكلم تاني لا
لان ال في دماغه في دماغه
يعني كلامي مش هيجيب نتيجه
اسبني منه خالص





2 / جيتى تدخلى المنتدى لقيتى نفسك واخده حظر وبعتلك السبب ؟ ومن غير اى اسباب
اتوضحتلك ؟ هتعملى ايه ؟

هحاول اعرف السبب
لو كان مني
يبقي عرفت
برضو مش هتعب وهياس
وخليني وراه لغاية ميفتح
ولو من غير سبب
كدا يعني
شوف يانا ياهوا
هخليني وراه لغاية ميزهق ويفتح
أو اشوف حل تاني
اعمل نيم جديد مثلا
ههههههه
شفت لافكار النيرة
هههههه





3 / حد من المنتدى نزل توبيك وقال ان فاطمه دى كل مواضيعها منقوله من منتدى تانى
وعامله نفسها كاتبه ومواضيعها بقلمها ؟ هتتصرفى ازاى ؟

مش هضحك عليك
وهقولك مش هزعل
احاول اكلمه بهدوء
وأوضح لأمر
أن فيه أقسام لا تقبل المواضيع
المنقوله ودليل أن المشرفين
بيتبعو ولو كان منقول مش هيزل
وفي أقسام تنيه تقبل المواضيع المنقوله
وبتنزل
وبعدين فرصه عشان أتشهر
هههههههههه





4 / نزلتى توبيك ولقيتى عضو بيقولك ؟ ايه الموضوع السخيف دا حاولى تقدمى حاجا تفيد
الاعضاء ؟ هتعملى ايه ؟

اشكره
علي النصيحه
واقوله وجهة نظري الهمة الموضوع
وطبعا ده من اعتقادي
واقوله أن كل عضو حر في المنتدي
ينزل الي هو عايزه من غير تقيد
وده حسب وجهة نظره





5 / لقيتى رساله أداريه ان تم منحك وسام وبعديها بشويه بعتولك معلش الوسام جالك
غلط مكنش ليكى ؟

عارف انت
لابتسامه وانت مستغرب
ومنشكح
ومش عارفه دهوحيقيقي ولا
كاميرا خفيفه
ههههههه
او عايز تشوف هعمل ايه
وايه مدي الفرحه
ممكن تقول بيجرب
ههههههههه
ولو خدو
هزعل
بس في لأول واخر عادي
فرحني مره وخلاص
هههههههه





الاسئله الشخصيه

لــــــــــــــو

1 /ركبتى ميكروباص ومصدعه جدا والسواق مشغل اغانى شعبى ولما اشتكيتى قالك
مش عاجبك انزلى يا انسه ؟ هتعملى ايه معاه ؟

بعد الرد الي قالو
هكون زي الفل
ومش هتكلم ولا نص كلمه
و ستحمل لغاية
موصل
اصلي مطره
ومين عارف لو نزلت هلاقي حاجه توصلني ولا لا
اي حاجه قشطه المهم منزلشي
هههههههه

ربنا يوقعك فى سواق زى دا وفوق دا كله
يقولك قومى اتحزمى وارقصى فى الميكروباص او تنزلى





2 / قاعده فى البيت ولقيتى اخوكى جايلك وبيقولك شوفى الجواب دا لقيتى حد بعتهولك
مجهول ومكتوب فيه هستناكى بكره فى نفس المكان هتوحشينى ؟ هتعملى ايه ؟

لقد وقعة في الفخ
هههههههههه
اخويا مره وحده
طب كويس انه معلقنيش
هههههههه
بقي دمقراطي
كيوت
ههههههههه
وكمان مشي ومعلقشي
انا كمان
همي الرساله
واكيد واكيد كل جسمي في رعشة
واستوعب
وقلبي طبعا يرشف

ولو حلفتلهم انها مش ليا
وأنها جيه بالغلط
مش هيصدقو طبعا
دنا كدا وقعت ومحدش سمي عليا

يعنى بزمتك مش هتشكحى ويبقى نفسك تعرفى فين المكان
الى بيتقابلو فيه دا





3 / واقفه فى البلكونه ولقيتى ناس متجمعه تحت البيت وبيشاورو عليكى وبيقولو
( هى دى ) ومشيو ؟

هجري هستخبه
ومش هروح نحية البلكونه
تاني
أو اخرج
وعلي ميتنسي الموضوع
لحسا يكونو الي بالي بالك
واروح ورا الشمس

وانتى بتكلمى بتفكرينى بالمشهد دا







4 / عند صحبتك واخوها رخم جدا وعمال يكلم معاكى وبيبصلك بصات اعجاب وغمزات
وفى الخباسه قالك هاتى رقمك ؟ هتتصرفى ازاى ؟

هرفض طبعا
وبعدين كافه نظرات الإعجاب وغمزات
حد لاقي ههههههههه
وبعدين لو فعلا معجب بيا
فأفضل
انه يدخل البيت من بابه
عشان ابقي في امان
هههههههههه

على طول كدا يدخل البيت من بابه مفيش اى اعتراض
عموما خلاص الرساله وصلت يله يا شباب المنتدى
عيشو حياتكم وكله بما يرضى الله





5 / طالعه العمارة وعماله تغنى وفجأه لقيتى كلب نازل من فوق ومطلع لسانه وعمال
يبصلك ؟ هتعملى ايه معاه ؟

انزل وجرى طبعا
وغير طبعا اصوت بصوت عالي
لعل حد ينقزني
واحاول اخد بالي وانا بجرى لحسن اتقلب وقع

لحسااكون في فعل ماضي
ههههههههههه

دا على اساس ان الكلب هيستناكى لما تعملى كل دا
ماشاء الله خيالك واسع يابنتى لا والجميل انك مركة تخلى بالك عشان ماتقعيش

وبكدا بتخلص حلقه النهاردة

انتظرونى ومواقف جديده

وضيف جديد

[bobaOo]

ههههههههههههههههههعه
جميله المواقف دي
وبتاعه اخوها فظيعه
ي لهووووي
هههههههههههههههه
اجابات جميله ي فطومه
تسلم ي احمد
في انتظار الضيف القادم

[ايمان طلعت]

حلوة النواقف
والاجابات كلها تضحك
دة غير تعليقاتك
تسلم للحلقه مورشو

[واد حبيب]

حلوه الحلقه دي اوي
اجابه فاطمه جميله وتلقائيه
خالي بالك من الكلب اصل الكلاب دلوقتي بتاكل علطول
تسلم يا مروشو علي الحلقه

[countess]

هههههههههههههههههههعع

جوابك في الجواب لقد وقعتي في الفخ

عسل دمك

تشكرات مستر

[همس الحنين]

جلوه المواقف وردك عسل فاطمه

انت مشكله مورشو ردك عليها بجد روعه

تسلمو

وموفقين

[Just Ahuman]

أحلي حاجه سؤال الكلب .. علي أساس إنه هيقولك إتفضلي إجري هههههههههههههههاى
منوره يا فاطمه وتسلم يا أحمد