الجزء الثانى من ( ذكريات بنات مصر ) مع ( دمعه حائره ) و ( تدرجها الادارى )

[morshooo]

بسم الله الرحمن الرحيم

مزاج الخير

اهلا بيكم والجزء الثانى من

( زكريات بنات مصر )

مع

( دمعه حائره )







بعد ما كلنا عرفنا بدايه المتميزة / دمعه بالمنتدى

من خلال الجزء الاول هنـــا

هنعرف النهاردة ياترى كان ايه مشوار ( دمعه )

فى المجال الادارى الى كلنا اكيد بنشهدلها بمجهودها

وتميزها فى أدارة المنتدى لفترات طويله ودا مخلى الاعضاء حتى الان

بتطالبها بالعودة لادارة المنتدى رغم وجود اكتر من أدارى حالى .




تعالو نشوف مع بعض

ياترى ( دمعه حائره ) قالت ايه .

1 / اهلا بيكى والجزء الثانى من ( زكريات بنات مصر ) ؟

أهلا بيك يامرشد وبمناسبه الجزء التانى والاداره
احب اسمع عمر خيرت عفوا ايها القانون




2 / قوليلى الحلقه الاولى رجعت لزكريات المنتدى الجميل والا لا ؟

اكيد رجعتنى ده انت فكرتنى بمواضيع كنت ناسياها
ورجعت قرأتها




3 / الجزء دا انتى عارفه انه عن وجودك الادارى فى البدايه انتى تم تميزك الاول والا تم اشرافك
على طول ؟

لا كان فيه تميز الاول فى الادبى والاقلام
بعدها جالى الاشراف




4 / مين رشحك تكونى مشرفه وكانت بدايتك على قسم ايه ؟

طارق بعتلى وقالى انى ابقى مشرفه
وسألنى تحبي قسم ايه قولتله انا مش بفهم غير فى الادبى
اختارلى الخواطر لانى كنت متواجده فيها اكتر




5/ ايه الى غيرتيه فى القسم مع بدايه اشرافك ؟ وكان حد معاكى والا لا ؟

كان ايامها طائر الشرق وسكره مشرفين على القسم
رحبوا بيا جدا معاهم وافتكر اتعمل تهنئه
كل الاعضاء شاركوا فيها
بشكرهم على الفتره دى
فى البدايه مكنش فيه تغيير كتير
وبعدها لما اتعودت على الاشراف بدأت اعمل مسابقات
ومواضيع تفاعليه
وطلبت من الاعضاء يحرصوا على كتابه
كلمه منقول تحت الخاطره وكنت بعمل تعديل
للمنقول حفاظا على الحقوق
كان مجهود كبير انى اتابع وافصل بين المنقول
واللى بقلم العضو
وبطريقه ماتعملش مشكله مع حد
والجميع كانوا بيتقبلواوبيتعانوا




6 / كنتى بتتعاملى ازاى مع الاعضاء فى الفتره دى ؟ رغم وجود عدد كبير من الاعضاء فى الفتره دى ؟

كان تعامل اخوى دايما واحترام متبادل بينا كلنا
وبرغم اى اختلاف بين اى عضو والتانى
لكن دايما كان بيجمعنا حب المنتدى
وتلاقينا نتجمع فى اى اقتراح لصالح القسم
كان مجرد انزل توبيك مشاركه جماعى او مسابقه كافيه جدا
لجمعهم وترابط الاعضاء ببعض
كان العدد كبير فعلا من المبدعين
وكان عدد الخواطر اللى بتنزل كل يوم يعدى الصفحة
والكل كان حابب الاقسام وبيشارك بكل حب




7 / ازاى كنتى بتحاولى تجذبى الاعضاء للقسم ؟ وكان وقتها فى منافسه بين الاقسام والا لا ؟

بدأت فى فكره التكريمات الشهريه وتحفيز الاعضاء بالاوسمه وتكريم القصايد نفسها
والمتابعه بالردود على كل خاطره تنزل
بشارك فى اختيار الاعضاء اللى يستحقوا التميز
بالاضافه لمسابقات كانت بتحمل بعض الالقاب اللى
كانت بتجذب الادباء انهم يشاركوا بالحصريات عندنا
كانت المنافسه قويه بين الاقسام
لكن الادبى كان ليه شعبيه كبيره
وفى الابداعات كان معايا الرحال
اللى كان ليه اثر كبيروتعاونا فى نشاط القسم
من هنا بشكره واحييه على الفتره دى واتمنى يرجع تانى




8 / مع بدايه دخولك او ترشيحك ( كمراقبه عامه ) ؟ كنتى مبسوطه بالترشيح دا والا لا ؟

تعينى مراقبه كان بعد فتره الاداريه المنتخبه
واكيد فرحت لانها كانت فرصه اخدم المنتدى اكتر
وخصوصا بعد 3شهور اداريه وقبلهم 3شهور نائبه
كان ليا نشاط فى كل الاقسام
والصلاحيات بتساعد اكيد فى تصحيح اى خطأ
اوانزل توبيكات ومسابقات
بس كانت بردوا مسئوليه كبيره وقتها




9 / ايه الى كنتى بتهتمى بيه وقت ماكنتى مراقبه ؟ وتعاملك مع الاعضاء اتغير والا لا ؟

كنت بهتم اول ماسجل الدخول
اشوف المواضيع تحت المراقبه
واشوف الشكاوى او طلبات الاعضاء واعملها
وبعد كده اشارك او انزل مواضيع
وعن التغيير عمرى مافكرت اتغير مع حد
لمجرد لونى اتغير او مسكت منصب
لاننا كلنا اخوات وماهى الا الوان لخدمة الاعضاء




10 / محصلش قبل كدا وحد قالك انك اتغيرتى بعد ما بقيتى مراقبه ؟ عشان فى ناس لما تاخد منصب
بتتحول ودا بنشوفه دائما ؟

متهيألى فيه حد قالى ولما سألته مقالش ازاى
افتكر اتغيرت بسبب موقف خلانى اغير المعامله
او اخليها فى حدود
مش استخدم صلاحيات
يعنى التغيير كان هايكون حتى لو عضوة
بس عموما صعب تلاقي حد ينال اعجاب الجميع




11 / ايه المشاكل الى قابلتك وقت المراقبه ؟

مشاكل تخص المخالفات فى المواضيع والردود
لان ايامها كانت فيه مشاكل سياسيه كتير
او خلافات بين الاعضاء وبحكم التواجد المستمرليا
كنت دايما انا بكون وسطهم واحاول احل المشكله
وكان ارضاء الاطراف بيسبب ضغط كبيرعليا
بس فيه اعضاء كانوا متفاهمين جدا
ومجرد مااقول راى كانوا يقتنعوا بيه
وتتحل المشكله بسهوله




12 / كان ايه هدفك فى دخولك ( نائب الادارى ) ؟

هو مكنش هدف شخصي قد ماكان مساعدة لأمجد
وهو من اول مادخل الانتخابات بعتلى اكون نائب ليه
وانا قولتله ربنا يسهل هافكر
ولما نجح ماقدرتش ارفض
لان امجد انسان خلوق واخ بعتز بيه
وكان ضرورى اقف جمبه فى الخطوة دى




13 / تم الاشادة بفترتك انتى وساحر ويمكن كانت هى الفتره الوحيدة الى الاعضاء كلها فاكراها ؟
قدرتو تعملو الشغل الى قدمتوه ازاى لمده 3 شهور ؟

التعاون بينا كان شىء سهل وبسيط
وكان بينا تفاهم كبير وكل واحد بياخد راى التانى
فى اى خطوة بيعملها وهدفنا الاول هو المنتدى
وقدرنا فى الفتره دى نهتم بنشاط الاقسام
وكان لينا مهمه فى كل قسم حتى الاقسام المهمله
دخلناها وعملنا فيها نشاط
وعدت الفتره كانت من انشط فتره فى المنتدى
وبعدها انا رشحت نفسي بناء على رغبه الاعضاء
وكسبت اداريه منتخبه وكانت تكمله لفتره امجد
بصلاحيات اكتر قدرت احقق فيها نجاح كبير
انا ولوجى ربنا يوفقها ويسعدها




14 / بعد الفتره دى دخلتى استفتاء تكونى أداريه وفعلا دا حصل وتم تعينك أدارية بالمنتدى ؟
كان ايه شعورك وقتها ؟

الاستفتاء كان بعد فتره الاداريه المنتخبه لحوراء
وكان طارق عمله بين الاعضاء
وعرفت انهم اختارونى
انا كنت سعيدة جدا لحب الاعضاء ليا
وكنت خايفه مكنش قد المسئوليه دى
بس كان عندى افكار كتيرعاوزة اعملها
ولقيت ان الاداره هاتساعدنى فى تحقيقها




15 / بعد ما بقيتى أداريه من جواكى محستيش ان خلاص كدا وصلتى لادارة المنتدى ؟

ههههه ماحستش ازاى يعنى
ماهو خلاص بقيت اداريه
انا كنت معايا كل الصلاحيات
وبرغم انى كانت الاداره للاعضاء بس
والدعم الفنى كان طارق
لانى لسه مكنتش اتعلمته
بس بصراحة كان بيساعدنى كتير ويفهمنى كل حاجه
لحد مابقيت اعرف اظبط حجات كتيرفى الشغل الفنى
وكان دايما اللى يطلب منه حاجه
يقوله قول لمنه
وانا بشكره على الثقه دى جداا




16 / يمكن انتى من الاداريين الى قدمو كتير للمنتدى ومحصلش عندك خمول زى أداريين سواء مشيو
او موجودين ؟ ازاى حفظتى على نشاطك لحد ما قررتى تشيلى نفسك من الادارة ؟

ظروفى كانت تختلف عنهم لانهم بيدرسوا
وانا فاضيه اكتر منهم
ده غير طبيعتى لحد دلوقتى معرفش ادخل المنتدى
من غير ماكون هاشارك واعمل حاجه جديدة
ولما حصلت ظروف خلتنى مش اتواجد
بنفس عدد الساعات اليوميه هنا
وبالاضافه لما ادخل كان الضغط والطلبات كتير
عليا فقررت اشيل نفسي من الاداره
بس كنت بلغت طارق بالخطوة دى قبلها بفتره
هو رفض وقالى لما ترجعى من السفر مكانك موجود
وبلاش تتركى الاداره
بس كنت نفسيا مش عارفه الجاى هايكون ايه
ومحبتش اسيب ورايا مسئوليه
وده لمصلحة المنتدى




17 / اكيد حصلت مشاكل كتير بين الاعضاء وانتى مراقبه او اداريه ؟
ايه اكتر مشكله فاكراها لحد دلوقتى وقدرتى تحليها ؟ من غير تفاصيل ؟

فعلا كان فيه مشاكل كتير ايام ثورة 25يناير
وبعد عزل مرسي كنت كل ماادخل المنتدى
اقول ربنا يستر
كلها كانت نتيجة مشادات وردود
اهانات سواء فى مواضيع او نقاش
وده فى كل الاقسام
وده فى كل البلد مش المنتدى بس
كنت بحاول احلها على قد مااقدر
وعلى قد التفاهم للاعضاء المختلفين
فيه اللى كان بيتفاهم وفيهم لأ
قررنا نلغى المواضيع السياسيه
الفتره دى المنتدى استقر شويه
بس كانت المدونات مسموح فيها فكانت بتحصل
شكاوى ومخالفات كتير




18 / حسيتى قبل كدا انك دخلتى مشكله ومقدرتيش تتصرفى فيها ؟

ايوة طبعا وده كان بسبب ان اللى اشتكى مكنش بيقتنع بكلامى
ولااى حل اقدمه يكون راضي
مكناش متفاهمين
وفعلا كنت ببقا حزينه انى معرفتش احلها
لكن الطريق كان مسدود




19 / ليه قررتى انك تسيبى الادارة فى وقت اى حد بيتمنى يوصل لادارة المنتدى ؟
حتى لو مابيقدمش حاجا ؟

فى الفتره دى والدتى كانت تعبانه
وكنت مابين هنا وهناك وبرجع مرهقه جدا
ولازم ادخل المنتدى يوميا
الاقي طلبات وشكاوى فوق الاحتمال
وطبعا مش عارفه اشارك زى ماعودت الاعضاء
ومحدش عارف الظروف ايه
حسيت انى مقصره رغم انى كنت بضغط على نفسي
عشان اشوف كل مسئولياتى
وكمان كان فيه سفر ومكنتش ناويه ادخل نت
لظروف عائليه حبيت اركز فيها
ومفيش حد يحب يكون ماسك منصب
وميقدمش حاجه اكيد هايكون مدايق
فضلت ترك الاداره لمصلحة المنتدى وعشانى
انا كمان اركز فى حياتى شويه




20 / جاهزة للجزء الاخير وهتقدرى تكلمى عن الاعضاء الى بتحبيهم وماتقدريش تنسيهم ؟
وتقوليلهم انتو ليكم دور فى منتدى بنات مصر ؟

اكيد جاهزة رغم انى مابحبش اذكر اسامى
عشان مانساش حد لكن هاحاول ربنا يقدرنى




وبكدا بيخلص

الجزء الثانى

ياترى ( دمعه حائره )

هتكلم عن مين من الاعضاء ومين هم الاعضاء

الى بتعتز بيهم وبوجودهم فى المنتدى



فــــــــــــــــــــ

( الجزء الثالث )

[Lamees]

برنامج جميل يا مورشدي
من الجميل ان نتحدث عن ذكرياتنا
ونشارك فيها الغير اللي بنحبهم
دمعة حبيبتي احلى حاجة
جصلتلي هنا اني عرفتها
منورة حبيبتي وربنا يوفقك
شكراً للبرنامج يا مورشو

[Words Whisper]

وجود منة أصلا إضافة
هي فعلا قدمت حاجات كتير تتحسب لها ..

منة
أ.مرشدي
يعطيكم العافية ..

[فداااااااااااء]

فاكرة فترة الانتخابات الادارية وكانو بالفعل ساحر ومنة من اكتر الاعضاء محبة عندنا

لاننا ساعتها كنا بنشعر قد ايه هما متعاونين معنا احنا الاعضاء وعمرهم ما حسسونا انهم بمناصب عالية
غير نشاطهم العالى فى تشجيعنا

بجد كانت فترة ممتعة

لكن ظروف الاخرين بتختلف دلوقتى

سلمت اخى احمد حوار رائع

منة الفترة دى كنت فيها لما بقيتى مشرفة ومشيت رجعت لاقيتك فى الابداعات ومشيت ورجعت لاقيتك مراقبة ومشيت ورجعت وانتخبتك ادارية ومشيت ورجعت مالاقيتكيش كنت همشى رجعتى وقعدت هههههههههههه امرمضحك

سلمتى حبيبتى دائما مميزة ومحبوبة سواء فى منصب او من غير

[bobaOo]

جميل اوي البرنامج ده
ومنه عضوه خلوقه ونشهدلعا
علي الي عملتو عشان المنتدي
منه
احمد
تسلمو ع البرنامج الرائع
تحياتي

[واد حبيب]

الله بنور يا مروشو
دمعه طول عمرها متميزه
في انتظار اخر فتره

[نغم الشام بعد المغيب..]

- ماشالله عليك يا مورشو.. اسنضافة ولا أحلى وطريقة عرضك للبرنامج والاسئلة وتقسيمه إلى حلقات حسستنا أنو عم نتفرج على برنامج تلفزيوني شيق ويستحق،المتابعة.

- أما عن الأخت الكريمة منة فهي من الأخوات المقربات جدا لقلبي وأكن لها كل تقدير ومودة. وبصراحة المدة التي كانت،فيها هي وأمجد بالإدارة هي من الفترات الذهبية بالمنتدى وحققوا نجاحا كبيرا وتفاعلا ملحوظا للأعضاء ونشاطا دائما للمنتدى وكأنه خلية نحل .

- كانت فترة جميلة جدا.. وكان معنا أعضاء مميزين منهم من هو متواجد إلى الآن ومنهم من رحل عنه لعدة طروف..
ومنهم من يغيب ويحضر بين مدة وآخرى حسب ظروفه أيضا
مثلي انا...

بجد بتستاهلوا كل الشكر لأن رجعتونا لهديك الأيام..
بتمنى تعود بكل مافيها

خالص شكري وتقديري لكما.


- نغم الشام ارتاحت هنا..

[Śลяą..ღ]

استضافة حلوة موروشو
كلنا عارفين ان دمعة معطاءة جدا
ربنا يوفقها
فِ انتظار الحلقة الجايه
موفقين

[حازم34]

ما شاء الله برنامج جميل

وقد تعرفت انا لاني موجود من فتره صغيره اكثر علي الاخت الكريمه دمعه حائره

واني اقدرها واقدر فكرها وقلمها الجميل واول ما دخلت المنتدي سعدت جدا بلقائي معها

في حلقات لبرنامج لها بالمنتدي


وهي تستاهل كل ما هو جميل

والاخ الجميل مقدم ها البرنامج الجميل له دائما اطلالات جميله

يسلموا اخي الكريم احمد

وحقيقي شئ جميل

متمنيا للاخت دمعه حائره كل التوفيق والسعاده والا يحرمنا من وجودها المتميز دائما


لكم مني التحيه وللمنتدي وافر الحب

[جبل عالي]

من الجميل ان نستعيد ذكرى تاريخ مليء بالأحداث
التي كانت تجمع مابين الكل في مودة واحترام

رغم اي مشاحنات او مشاكسات
الا اننا نؤمن ان مايبقى هو الحب والاحترام
ومادون ذلك يذهب أدراج الرياح


مشكورة منة وصحيح تحملتي الكثير وكان الجزاء
والمكسب هو ماتريه الآن من الجميع

ربي يوفقك بحياتك ان شاءالله
شكرا مورشو للجزء الثاني
ومنتظرين الباقي

تحيتي للجميع من القلب