بنــــت شمــــال

شاعر الحب الحزين · منذ /12-17-2015, 08:40 PM

ربنا يجعلنا من أهل اليمين

وأمنت بعد ما الشيخ قال

وف الآخر يطلع نصيبي مين

يطلع نصيبي بنت شمال

برسمها ف خيالي أيام وسنين

أتاريني برسم في خيال

يخرب بيتك يا حب ودتني لمين

لوحدة مكنتش يوم ف البال

وحدة ياما تعبت قبلي ناس تانيين

وياما كادت نسا وغوت رجال

على دوري تسوق الشرف والدين

تكونش اتغيرت تكونش طريقة احتيال

قدام الناس تغازلني بكلمتين حلوين

ف دي تجاملها ودي تحكيلها بنت حلال

وبيني وبينها تبقى بأدب عمي اسماعين

فين الأنوثة يا موكوسة فين الرقة والدلال

ابتليت ف حبها دايب ف حبها شوق وحنين

ويا قلبي بتحب مين بتحب بنت شمال

شــــــــــــــــــــــــــــــــــــــ . حــــــــــــــــــــــــــــــــــــــــــ

نجاة حسام · منذ /12-17-2015, 08:48 PM

ههههههههههههههه

ربنا يتوب عليك

حلوه تسلم الايادى

Lamees · منذ /12-17-2015, 09:45 PM

يمكن ظنها بيقول الشمال
بيوصل اسرع
جايز لو حد دلها على اليمين
تهتدي ويتصلح الحال

جميلة يا خالد
تحيتي

شاعر الحب الحزين · منذ /12-18-2015, 12:10 AM

اقتباس

المشاركة الأصلية كتبت بواسطة دموع الصمت


	ههههههههههههههه ربنا يتوب عليك حلوه تسلم الايادى

ياما انتا كريم يارب

تدوم الضحكة يا دموع تيجي ازاي دي ههههاي

وجودك الاحلى اكيد تسلمي

نورتيني واسعدني وجودك دموع الصمت

ربي يوفقك ويسعدك

شاعر الحب الحزين · منذ /12-18-2015, 12:13 AM

اقتباس

المشاركة الأصلية كتبت بواسطة اطياف الماضي


	يمكن ظنها بيقول الشمال بيوصل اسرع جايز لو حد دلها على اليمين تهتدي ويتصلح الحال جميلة يا خالد تحيتي

ربنا يهدينا ويهدي جميع خلقه ويصلح حالنا وحالهم

تسلمي يا روني الاجمل تواجدك اكيد

وتفاعلك القيم

نورتيني واسعدني ردك وتواجدك الطيب روني

ربنا يوفقك ويسعدك

ندوشه 2011 · منذ /12-18-2015, 07:34 AM

موكوسه هههههههههههه ضحكتني ياخويه تعالي دا جيبالك عروسه هتخليك تكلم نفسك مبروك عليك حماتي ههههههههههاي

Śลяą..ღ · منذ /12-18-2015, 08:40 AM

دا حال ناس كتيير
ربنا يهدى الجميع
اما فِ حكايه العروسه سيبى الموضوع دا عليا يا ندى^^

وحشنى اقرا كلماتك الحلوة دى
تسلم خالد ..

Just Ahuman · منذ /12-18-2015, 08:57 AM

الشمال مبقاش إتجاه .. الشمال بقي أسلوب حياه عند كتير

..

ربنا يهدي ويصلح الحال ويرزقك ببنت الحلال .. تسلم إيدكـ يا خالد ومتغيبش علينا كتير

العاشق الذى لم يتب · منذ /12-18-2015, 02:19 PM

طلعتهاشمال اوى ياخلودة
ومااجمل خفة دمك
وبديع رسمك
اسعدالله قلبك
دمت بخير

حازم34 · منذ /12-18-2015, 02:35 PM

حلوه والله وفيها ابداع

وهيا الشمال دي هتجوز باليمين برضك

هههههههههه

مبدع انت يا شاعرنا العظيم

ولقد صورت الامر باسلوب فيه خفه دم جميله

ونسال الله ان يهدي الجميع

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

بنــــت شمــــال

ابداعات الاعضاء العامية