كان غلبان وجاتله سفريه

[حازم34]

شاب كان غلبان ومن البيت للشغل وبيحب بنت الجيران هديه

وفي يوم ليله لدول الخليج جاتله سفريه

وفرح وفرحت هديه حبيبي مسافر سفريه

وبكره سنه ولا اتنين ونكمل الحب والفرحه ديه

وسافر مع السلامه وودعته هديه

والدموع سالت علي الخد هتوحشني يا عينه

خلاص خلاص يا هديه وحياتك عندي بلاش الساعه ديه

وراح البيه وقبض وله كام شهر وشويه قبض بالريالات

وحول الدولارت علي امه هنيه وقلت الاتصالات علي هديه

هديه طيوبه وقلبها جميل ودايما تدعي ربها بصلاح الحال ومشغوله علي ابن هنيه


قامت امه كلمته ايه رايك بقي بعد الدولارت اصبحت انت شئ وشويات

وسيبك من البنت ديه وشفلك واحده غنيه ومن عيله شويه

وصاحبنا ما صدق بالكلمه ديه وقالها شوفي اانتي بقي يامه

وعايز بنت علي الاتيكيت متربيه انا معايا دولارت واصبحت غني واعرف في الحاجات ديه


وروحي اخطبي يا مه واعملي احلي خطوبه وانا اكون حاضر معاكم علي الاسكايب يامه

وافرح معاكم بالليه ديه شوفوا القلوب ال تتغير في الازمنه ديه

وهديه راجعه من كليتها سمعت اغاني جايه من ناحيه الحاره قالت يمكن حبيب القلب

رجع وفرحانيين بيه شويه سالت قالوا عقبال عندك عطيه خطوبته الليله ديه

حزنت كتير وهيا بالطريق قالت يارب فرجها علي شويه

من الخنقه الا انا فيها من ابن هنيه واستغفرت ربها وراحت علي بيتها

ونجحت في كليتها وتاني يوم لقوا جايه عندهم واحده ماشاء الله

امراه طيبه خالص وقالت انا جايه عندكم اطلب ايد بنتكم لابني هاني

مهندس ومدير شركه بالسعوديه وقالت هو معايا جالس بالعربيه

فرحت بيه هديه شاب زي العسل ومتربي وجميل وهيحب هديه

وكانت الخطوبه والشبكه وكتب الكتاب في اسبوعين وشويه

واجوزت هديه قبل الاهبل ابن الهبله عطيه

طلع هاني مدير لعطيه بالشركه في السعوديه

ولا يعرف هاني ولا عطيه

وربك كريم بيعوض علي القلوب الذكيه

ودي قصه في كلمات لناس كتير بيتغيروا

بالمال وقلوبهم مش جميله ابدا

هما تربوا علي كدا والطبع غالب يا عنيه

[العاشق الذى لم يتب]

اخص عليه
زعلتنى منه
المال يغيرالنفوس كده
جميل حازم
منورالدنيا
تسلم ايدك

[حازم34]

اقتباس المشاركة الأصلية كتبت بواسطة العاشق الذى لم يتب اخص عليه زعلتنى منه المال يغيرالنفوس كده جميل حازم منورالدنيا تسلم ايدك

اهلين اهلين اهلين اخي واستاذي رفعت

نورتنا والله

اسعد بمرورك والله

ياما نفوس بتتغير بالجاه والفلوس ياما

الله يسلمك ويسعدك

لك مني خالص التحيه

[شاعرة الرومانسيه]

أةةةةة المال بيغير النفوس

وبيغير القلوب

وبيحول البنى أدم لحيوان

ويجرده من انسانيته

لعبد جشع ما يملى عينه غير التراب

نص راقى بجد

[نجاة حسام]

كله نصيب وماتعرف انت هتكمل مع مين ولا راح

تحب وتكره مين

وياما اوى ناس حبت واتجوزت حد تانى

وناس بتاخد اللى مشليها

دنيا غريبه ياحازم

القلوب بتتغير والنفوس

والحب بقى لعبه فى ايد شباب وبنات ولا ليهم لزمه

واه من قلوب انكسرت بسبب كلمة حب

رائع جدا قصه وحدوته فى كل شبر على ارض البلد دى بتتكرر

حازم حازم انت اسطوره بجد

[حازم34]

اقتباس المشاركة الأصلية كتبت بواسطة شاعرة الرومانسيه أةةةةة المال بيغير النفوس وبيغير القلوب وبيحول البنى أدم لحيوان ويجرده من انسانيته لعبد جشع ما يملى عينه غير التراب نص راقى بجد

اهلين اهلين اهلين اهلين

بشاعرتنا الجميله الشاعره المبدعه دايما

والله الرقي هو مرورك وردك المفيد

نورتي وانرتي والله

اسعدني مرورك والله

لكي مني خالص التحيه

[حازم34]

اقتباس المشاركة الأصلية كتبت بواسطة دموع الصمت كله نصيب وماتعرف انت هتكمل مع مين ولا راح تحب وتكره مين وياما اوى ناس حبت واتجوزت حد تانى وناس بتاخد اللى مشليها دنيا غريبه ياحازم القلوب بتتغير والنفوس والحب بقى لعبه فى ايد شباب وبنات ولا ليهم لزمه واه من قلوب انكسرت بسبب كلمة حب رائع جدا قصه وحدوته فى كل شبر على ارض البلد دى بتتكرر حازم حازم انت اسطوره بجد

اهلين اهلين اهلين وهلا ومرحبا

دموع نورتي والله

يا سلام علي جمال ردك وكلماتك الجميل التي تنم عن قلب طيب واع وفاهم

مرورك اسعدني والله

وردك اسعدني خالص

لكي مني خالص التحيه واشكرك كتير

[د/ عبد الله]

حلوة وجميلة وميه الميه
بس قولى لحق عملهم امتى عطيه بالسرعه ديه؟
وهانى ابن اللعيبه بقى مدير شركه دوليه؟
بس ربك كبير وعوض هنيه
وعطيه خسيس ومش صافى النيه
بكرة هانى يظبطه فى الدوام ويخصمله الأجور الاضافيه
بس قولى يا حزومه. انت منين فى السعوديه؟

[حازم34]

اقتباس المشاركة الأصلية كتبت بواسطة dr.abdullah حلوة وجميلة وميه الميه بس قولى لحق عملهم امتى عطيه بالسرعه ديه؟ وهانى ابن اللعيبه بقى مدير شركه دوليه؟ بس ربك كبير وعوض هنيه وعطيه خسيس ومش صافى النيه بكرة هانى يظبطه فى الدوام ويخصمله الأجور الاضافيه بس قولى يا حزومه. انت منين فى السعوديه؟

الله عليك والاضافات الجميله ديه

عجبتني والله ومبدع في اشعارك وفارس كلمه في الاشعار الجميله دايما

اهلين اهلين اهلين دكتورنا الجميل نورتنا والله واسعدني ها المرور الجميل

ويشرفني دايما

لك مني خالص التحيه ولمرورك الجميل

[د/ عبد الله]

تسلم يا كبير
بس مقولتليش انت منين ف السعودية؟