شوية أسئلة

[د/ عبد الله]

بييجى فى بالى شوية أسئلة
مش كتيرة هى ..بالنسبة ليا قليلة
فاكرها أو مش فاكرها ... مش هى ديا المسأله
أنا بس بسأل من زمان....... والاجابة مؤجلة

طب فيه حد سامع ؟
ولاّ الدنيا سكون؟
يعنى أنا صوتى طالع؟
ولا الصوت مدفون؟

أنا مبقتشى حاسس
إننا ليا وجود
أنا يا زمانى شايف
قدامى طريق مسدود

أنا إحساسى َضعْف
وكمان بيزيد الضِعف
لما بلاقى عليـــه
م الناس والدنيا شهود

وكل ما فيا بيسأل
امتى الحلو هيكمل
وليه الفرح بيتقل
على قلبى ومش بيجود

بتيجى فى بالى شوية أسئلة
مش كتيرة هى... بالنسبة ليا قليلة

[العاشق الذى لم يتب]

اسئلة والله شايفهامفيدة
وفى المضمون
يلا ربك هيعدلها
قول يارب
جميل الحرف
تسلم ايدك
دكتورنا الراقى

[حازم34]

كل دي الاسئله في فكرنا واسئله صعبه وشويه

ولاجاباتها مش عارفين والحل هيجي منين

نسبها علي ربنا يكشف عننا ويسعد لنا الحال

ويهل علينا الفرح ويقرب بسرعه مننا



اسئلتك جميله والله دكتره

لك مني التحيه ولجميل كلامك الاعجاب كله

[فتحى عيسى]

بالطبع عندما يكون الإحساس محرك الذات تري بعينه مالايراه الأخرون
يتعذب ليس مثل غيره لإنه لايشغله مايراه بقدرنا ولا يحمل همه بقدرنا
الإحساس رغم إنه نعمة وفضل من الله عز وجل لكنه يبقينا تحت سيطرة
كل ما حولنا ويؤلمنا بقدره
عامية جميلة وأسئلة تحتاج لعالم آخر يدرك مابنا
أحييك ولغتك الرائعة
مودتي وإحترامي

[نجاة حسام]

للاسف فى اسئله جوانا كتير اوى ملهاش اجابه

بس بنتعلم نسكت ونطنش على الاجابه

وصدقنى فى حجات لو عرفت جوبها بتنكسر

يبقى سبها على الله بكرا احلى
تحياتى ليك

[Lamees]

شوية صبر وامل
هتكون معاها اجابات
راقتني مقطوعتك
تحيتي

[ابو نصير]

سيدتى
الإجبات كثيره ولكن نحن الذين نحاول الهروب منها.. وعندما يصعب علينا السؤال
لا بد ان نترك الأمر لله وحده
ابو نصير
دومتى

[ندوشه 2011]

واحنا كمان يا خويه بيجي في بالنا شويه اساله بصره هههههههههههههه

[صمتى كلام]

للكلام الراقى اقلام وهنا وجدت ذالك القلم

[د/ عبد الله]

اقتباس المشاركة الأصلية كتبت بواسطة العاشق الذى لم يتب اسئلة والله شايفهامفيدة وفى المضمون يلا ربك هيعدلها قول يارب جميل الحرف تسلم ايدك دكتورنا الراقى

أهلا بحبيبنا الغالى
نورتنى يا كبير
تسلم