فيكى ايه يفرّح

[د/ عبد الله]

فيكى ايه يفرّح

قلبى منك ياما اتجرّح

بلدى أيوة لكن بعيش... فيكى يا بلدى غريب


ولما كرهتك مشيت

لكن برضو حنّيت

رجعتلك بعد الفراق... لقا حبيب بحبيب


منستشى يوم انك بلدى.. لكن انتى نسيتى

كنت دايما على وعدى.. وبرضو انتى خليتى


كان حلمى ابنى كتير.. فيكى واشيّد ف الحما

كان حلمى انى اطير.. وارفع راياتك فوق ف السما

مرضوش غير بذُلّـك.. وهوانى عليكى

مكنتش عايزك كلك.. كان نفسى فى حتة فيكى

برضو كتير عليا... مليش أنا حق فيكى

قالولى سيبها وارحل.... أنا اصلى عبء عليكى

أنا قلت خلاص حبيبتى

هسيبك أنا دلوقتى

وفيكى اللى يراضيكى .. وفيكى اللى يراضيكى

لقيت اللى جاى يراضيكى

عمّال يبيع أراضيكى

بيقتل نبت أرضك

ويقول أنا اللى حاميكى

فيكــــــــــــــى ايــــــــــــــه يفــــــرح

[توحد ارواح]

بالفعل نفسنا نفرح شوية
مفيش غير اننا نتحلي بالامل
بان يكون الغد افضل باذن الله
نص رائع
بوركت والمداد النابض

[ParoOo]

جميل اووى

وموضوع جميل ^ ^

[واد حبيب]

ابداع جميل من قلب كله احساس
تقبل مني كل احترام وتقدير

[دمعه حائره]

ومهما شوفنا فيها واتألمنا تفضل بردوا فيه حته منا
بلدنا ربنا يحميها ويفك كرب المهموم فيها
تسلم استاذنا كلمات رائعه

[د/ عبد الله]

شكرا ليكم يا جماعه
الله المستعان