الباب في الباب

[شاعر الحب الحزين]

قريبين من بعض والباب في الباب

وشوش بتتقابل بس القلوب أغراب

مين ييجي على نفسه ويتكلم

وميـن يتنــازل لأخلاقـه ويسلم

تلامذة بقينا من شياطين بنتعلم

حتى الكلمة الحلوة بنعمل ليها ألف حساب

اللي قفل بابه وساب الشباك مفتوح

دق بابه غلبان ومن الشباك قاله يلا روح

واللي فاتح بابه للأحباب مدخلش منه غير جروح

واللي لا بيفتح ولا بيقفل لا بيطلع ولا بينزل عايشها سراب

جوانا هموم ما بقيناش قادرين منها نقوم

ولا يمكن نقدر عليها إلا لو نرضى بالمقسوم

لو عرفنا إنها زايلة فروعها مايلة لقيامة هتقوم

هي صح مملة بس فيه للفرح أدلة موجودة ف السنة والكتاب

يارب فتحنا أبوابنا ولا دخل علينا غير شياطين

يارب قفلنا أبوابنا شاب الشعر والقلب بات حزين

افتحلنا أبواب رحمتك يارب مين لينا غيرك يارب مين

خلصنا من ذنوبنا حنن جوانا قلوبنا افتح لنا من الخير والسعادة كل الأبواب




شـــــــــــــــــــــــــــــــ . حــــــــــــــــــــــــــــــــــــ

[نجاة حسام]

جميله كتير

ربى يسعدك

[شاعر الحب الحزين]

اقتباس المشاركة الأصلية كتبت بواسطة دموع الصمت جميله كتير ربى يسعدك

تسلمي دموع الصمت

الاجمل تواجدك نورتيني واسعدني حضورك

ربي يوفقك ويسعدك

[ندوشه 2011]

جميله جدا تسلم يا خويه اسمع دي اه من الفراق اللي يتفقوا الحبايب في يبقوا صحاب وياعيني عالي كان بيحب التاني اكتر بيبقي عذابه اكبر حلوه اكيد حلوه

[واد حبيب]

الباب في الباب
وانا قلبي ليك مشتاف

تسلم علي الابداع

[bobaOo]

تسلم ايدك ي شاعرنا الكبير

مبدع كالعاده

تحياتي لك

[Śลяą..ღ]

صدقت خالد
يارب يسمع منك
دمت متألق يا شاعرنا
موفق

[فداااااااااااء]

زى الفنان زمان كان يقول افتح الشباك ولا اقفله هههه

اهو حالنا برضوا نفتح باب القلب ولا نقفله

الله يسمع منك اخى شاعر دمت مبدع فى نثرك

اسعدك الله

[دمعه حائره]

آمين يارب اهدلنا النفس الاماره بالسوء
واعنا على عبادتك وطاعتك
كلمات رائعه تسلم خالد

[شاعر الحب الحزين]

اقتباس المشاركة الأصلية كتبت بواسطة ندي2011 جميله جدا تسلم يا خويه اسمع دي اه من الفراق اللي يتفقوا الحبايب في يبقوا صحاب وياعيني عالي كان بيحب التاني اكتر بيبقي عذابه اكبر حلوه اكيد حلوه

اه حلوة اه من الفراق

تسلمي ندى الاجمل تواجدك اكيد

نورتيني واسعدني وجودك

ربي يوفقك ويسعدك